ເກີດເຫດມືປືນ ບຸກກວດຍິງຜູ້ຄົນໃນມັດຢິສ 2 ແຫ່ງຢູ່ນິວຊີແລນ ມີຜູ້ເສຍຊີວິດແລ້ວ 49 ຄົນ

ສຳນັກຂ່າວເອເອຟພີລາຍງານຈາກເມືອງໄຄຣສເຊິຣຊປະເທດນິວຊີແລນເມື່ອວັນທີ່ 15 ມີນາ 2019 ວ່າ ນາຍົກລັດຖະມົນຕີຈາຊິນດາ ອາເດິຣນ ຂອງນິວຊີແລນຖະແຫຼງວ່າ ເຫດຄົນຮ້າຍບຸກກວດຍິງພາຍໃນມັສຢິດອັລ ນູຣ ທາງຕອນກາງຂອງເມືອງໄຄຣສເຊິຣຊເມື່ອຊ່ວງບ່າຍຂອງວັນສຸກທີ່ຜ່ານມາ ແລະມັສຢິດລິນວູດໃນເຂດຊານເມືອງ ເບື້ອງຕົ້ນມີຜູ້ເສຍຊີວິດຢ່າງຫນ້ອຍ 49 ຄົນ ແລະຍັງມີບາດເຈັບສາຫັດອີກ 20 ຄົນ ແຕ່ເຈົ້າຫນ້າທີ່ຄວບຄຸມໂຕຜູ້ຕ້ອງສົງໃສກໍ່ເຫດເປັນຊາຍໄດ້ 3 ຄົນແລ້ວ ເຊື່ອວ່າເປັນການກໍ່ການຮ້າຍຊື່ງມີການວາງແຜນມາຢ່າງດີ ເຮັດໃຫ້ນິວຊີແລນຕ້ອງປະເຊີນກັບວັນທີ່ມືດມົນທີ່ສຸດອີກວັນຫນື່ງ


ດ້ານນາຍົກລັດຖະມົນຕີສະກອຕ ມອຣຣິສັນ ຂອງອອສເຕຣເລຍເປີດເຜີຍທີ່ເມືອງຊິດນີວ່າ ຫນື່ງໃນມືປືນຜູ້ກໍ່ເຫດທີ່ມັສຢິດແຫ່ງຫນື່ງໃນເມືອງໄຄຣສເຊິຣຊ ເປັນຊາວອອສເຕຣເລຍກຸ່ມຄົນຫົວຮຸນແຮງ ຂວາຈັດ ແລະພວກກໍ່ການຮ້າຍນິຍົມຄວາມຮຸນແຮງ


ຕາມຄຳບອກເລົ່າຂອງຕຳຫຼວດລະບຸວ່າ ມືປືນຜູ້ກໍ່ເຫດຍັງໄດ້ຖ່າຍທອດສົດຜ່ານທາງເຟສບຸກກ່ອນກໍ່ເຫດກວດຍິງ ແລະຍັງໂຊອາວຸດປືນທີ່ໃຊ້ກໍ່ເຫດອີກດ້ວຍ ເຊື່ອວ່າແຮງຈູງໃຈຂອງການກໍ່ເຫດເປັນເລື່ອງເຊື້ອຊາດ ນອກຈາກນັ້ນຕຳຫຼວດຍັງພົບລະເບີດອີກ 2 ຫນ່ວຍແຕ່ທະຫານໄດ້ທຳການເກັບກູ້ໄວ້ໄດ້ແລ້ວ ຕຳຫຼວດຍັງຕ້ອງປິດລ້ອມພື້ນທີ່ທົ່ວເມືອງ ເຕືອນປະຊາຊົນໃຫ້ຢູ່ແຕ່ພາຍໃນທີ່ພັກອາໄສ ຫ້າມອອກມາຂ້າງນອກ ແລະຍັງໄດ້ເຕືອນຊາວມຸສລິມທົ່ວປະເທດວ່າຢ່າຟ້າວໄປມັສຢິດເພື່ອຄວາມປອດໄພ

ຜູ້ກໍ່ເຫດ

ສະພາເທດສະບານເມືອງໄຄຣສເຊິຣຊໄດ້ເປີດສູນສາຍດ່ວນເພື່ອໃຫ້ຜູ້ປົກຄອງສາມາດຕີດຕໍ່ສອບຖາມກ່ຽວກັບລູກຫລານເຊື່ງໄດ້ໄປຮ່ວມເດີນຂະບວນເລື່ອງການປ່ຽນແປງຂອງສະພາບອາກາດໃນບໍລິເວນໃກ້ກັບທີ່ເກີດເຫດອີກດ້ວຍດ້ານນັກກິລາຄຣິກເກັຕຂອງບັງກາລາເທດ ເຊື່ງເດີນທາງມາທີ່ເມືອງໄຄຣສເຊິຣຊເພື່ອລົງແຂ່ງກັບທີມນິວຊີແລນນັ້ນ ໄດ້ຍົກເລີກການແຂ່ງຂັນໄວ້ກ່ອນ ນອກຈາກນັ້ນນັກກິລາທັງຫມົດກໍ່ປອດໄພບໍ່ໄດ້ຮັບບາດເຈັບແຕ່ຢ່າງໃດ ທັງທີ່ກຳລັງເດີນທາງລົງຈາກລົດບັສເພື່ອເຂົ້າໄປໃນມັສຢິດ

 

Be the first to comment

Leave a Reply

Your email address will not be published.


*