ຣັດເຊຍ ມີແຜນມອບສັນຊາດໃຫ້ຜູ້ອົບພະຍົບປະມານ 10 ລ້ານຄົນ ທີ່ເວົ້າພາສາຣັດເຊຍໄດ້

ສື່ທ້ອງຖິ່ນຣັດເຊຍລາຍງານ ເມື່ອວັນທີ 16 ມີນາ 2019 ວ່າ ລັດຖະບານຣັດເຊຍ ມີແຜນຈະມອບໂຄຕ້າສັນຊາດຣັດເຊຍໃຫ້ແກ່ຜູ້ອົບພະຍົບ 10 ລ້ານຄົນ ທີ່ສາມາດໃຊ້ພາສາຣັດເຊຍໄດ້ ເພື່ອຫວັງແກ້ໄຂບັນຫາປະຊາກອນຫລຸດລົງ


ລາຍງານລະບຸວ່າ ຣັດເຊຍກຳລັງປະເຊີນບັນຫາປະຊາກອນຫລຸດລົງຢ່າງຫລາຍໃນຮອບ 10 ປີທີ່ຜ່ານມາ ໂດຍຈາກຂໍ້ມູນຂອງສຳນັກງານສະຖິຕິລະບຸວ່າ ຈຳນວນຂອງປະຊາກອນຣັດເຊຍໃນປີ 2018 ຢູ່ທີ່ 146.8 ລ້ານຄົນ ໂດຍມີຄ່າສະເລ່ຍປະຊາກອນລົດລົງປະມານ 93.500 ຄົນທຸກປີນັບຕັ້ງແຕ່ປີ 2008


ທີ່ຜ່ານມາປະທານາທິບໍດີປູຕິນໄດ້ໃຫ້ຄວາມສຳຄັນຕໍ່ນະໂຍບາຍຍ້າຍຖິ່ນຖານດ້ວຍການລົງນາມແຜນປະຕິບັດການຜູ້ອົບພະຍົບລະຫວ່າງປີ 2019-2025 ເພື່ອເພີ່ມຈຳນວນຜູ້ຍ້າຍຖິ່ນຖານໃນຣັດເຊຍລວມເຖິງໃຫ້ສິດທິຕ່າງໆຕາມລັດຖະທຳມະນູນ


ໂດຍສ່ວນຫນື່ງຂອງແຜນດັ່ງກ່າວຄືການໃຫ້ໂຄຕ້າຜູ້ອົບພະຍົບຈາກສັນຊາດໃດກໍ່ຕາມທີ່ສາມາດໃຊ້ພາສາຣັດເຊຍໄດ້ເປັນຈຳນວນຕັ້ງແຕ່ 5-10 ລ້ານຄົນ ຕາມລາຍງານຂອງ Kommersant ຫນັງສືພິມທ້ອງຖິ່ນຂອງຣັດເຊຍລະບຸໂດຍອ້າງແຫຼ່ງຂ່າວໃນລັດຖະບານເຄຣມລິນ

Be the first to comment

Leave a Reply

Your email address will not be published.


*