ນະຄອນຫລວງມະນິລາ ຂອງຟີລິບປິນ ຂາດແຄນນໍ້າຢ່າງຫນັກ

ສຳນັກຂ່າວເອເອຟພີລາຍງານຈາກນະຄອນມະນິລາ ປະເທດຟີລິບປິນ ເມື່ອວັນທີ່ 15 ມີນາ 2019 ວ່າ ນ້ຳປະປາບໍ່ໄຫລມື້ລະ 4-20 ຊົ່ວໂມງ ໃນບ້ານເຮືອນຂອງປະຊາຊົນປະມານເຄີ່ງຫນື່ງຂອງ 12 ລ້ານຄົນໃນນະຄອນມະນິລາ ເນື່ອງຈາກຝົນບໍ່ຕົກຕິດຕໍ່ກັນເປັນເວລາດົນນານ ພາວະຂາດແຄນນ້ຳເລີ່ມຕັ້ງແຕ່ທ້າຍອາທິດທີ່ຜ່ານມາ ໃນພື້ນທີ່ພາກຕະເວັນອອກຂອງເມືອງຊື່ງນ້ຳປະປາບໍ່ໄຫລເລີຍ ປະຊາຊົນຕ້ອງຖ້າຮັບນ້ຳແຈກຈາກທາງການ


ທ່ານດິຕຕີ ກາລັງ ຜູ້ຈັດການຝ່າຍສື່ສານ ບໍລິສັດການປະປາ ມະນິລາ ວໍເຕີຣ 1ໃນ 2 ບໍລິສັດຈ່າຍນ້ຳໃຫ້ນະຄອນມະນິລາກ່າວວ່າ ຈະສະລັບຈ່າຍນ້ຳໃຫ້ພື້ນທີ່ຕ່າງໆທົ່ວນະຄອນ ເພື່ອກະຈາຍຄວາມເດືອດຮ້ອນໃຫ້ເທົ່າທຽມກັນ ຄາດວ່າພາວະຂາດແຄນນໍ້າອາດຍືດເຍຶ້ອຈົນເຖິງເດືອນກໍລະກົດ ຊື່ງເປັນຊ່ວງຝົນຕົກຫລາຍຂອງປີ ແລະມີນ້ຳໃນເຂື່ອນກັກເກັບເພີ່ມ ຈາກທີ່ບົກແຫ້ງທີ່ສຸດໃນຮອບ 20 ປີ


ໂຮງຫມໍລັດຢ່າງຫນ້ອຍ 5 ແຫ່ງໃນນະຄອນມະນິລາ ຕ້ອງໃຊ້ນ້ຳຈາກລົດບັນທຸກທີ່ຂົນມາຈາກທີ່ຫ່າງໄກ ພາວະຂາດແຄນນ້ຳເຮັດໃຫ້ໂຮງຫມໍຢ່າງນ້ອຍ 1ແຫ່ງເລີ່ມຈຳກັດການຮັບຄົນເຈັບ ໂດຍຈະຮັບສະເພາະຄົນເຈັບປ່ວຍສຸກເສີນເທົ່ານັ້ນ

Be the first to comment

Leave a Reply

Your email address will not be published.


*