ສູນລວມຄຣິສຕະຈັກຂ່າວປະເສີດມອບເຂົ້າ 4 ໂຕນໃຫ້ແຂວງຊຽງຂວາງ

ຂປລ. ທ້າຍອາທິດຜ່ານມາ, ທ່ານ ຄຳແພງ ມິດປະຊາ ຮອງປະທານສູນລວມ ຄຣິດສຕະຈັກຂ່າວປະເສີດ ແຫ່ງ ສປປ ລາວ ພ້ອມດ້ວຍຄະນະ ໄດ້ມອບເຂົ້າສານໜຽວຈຳນວນ 4 ໂຕນ ຄິດເປັນມູນຄ່າ 24 ລ້ານກີບ, ພ້ອມເງິນຈຳນວນ 2 ລ້ານກີບ ມາມອບໃຫ້ແຂວງຊຽງຂວາງ ເຊິ່ງກ່າວຮັບ ໂດຍທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງ. ເພື່ອນຳໄປມອບໃຫ້ປະຊາຊົນຜູ້ທຸກຍາກ ທີ່ຢູ່ເຂດຫ່າງໄກຊອກຫລີກ ທີ່ໄດ້ຮັບຜົນກະທົບຈາກໄພນ້ຳຖ້ວມ ໃນລະດູຝົນຜ່ານມາ. ສ່ວນເງິນຈຳນວນ 2 ລ້ານກີບ ແມ່ນນຳໃຊ້ເຂົ້າໃນການຂົນສົ່ງເຂົ້າຈຳນວນດັ່ງກ່າວ ໄປສູ່ປະຊາຊົນ.


ໂອກາດນີ້, ທ່ານເຈົ້າແຂວງຊຽງຂວາງ ໄດ້ສະແດງຄວາມຂອບອົກຂອບໃຈ ແລະ ຮູ້ບຸນຄຸນມາຍັງສູນລວມຄຣິດສຕະຈັກຂ່າວປະເສີດ ແຫ່ງ ສປປ ລາວ ທີ່ໄດ້ໃຫ້ການຊ່ວຍເຫລືອແຂວງຊຽງຂວາງໃນຄັ້ງນີ້, ພ້ອມທັງ ຢືນວ່າ ເຂົ້າຈຳນວນດັ່ງກ່າວຈະໄປຮອດເຖິງມືປະຊາຊົນໃນມໍ່ໆນີ້ ເຊິ່ງຈະນຳໄປມອບໃຫ້ປະຊາຊົນຜູ້ທຸກຍາກ ທີ່ໄດ້ຮັບຜົນກະທົບຈາກອຸທົກກະໄພ ໃນລະດູຝົນທີ່ຜ່ານມາ ຢູ່ຕາມເຂດລ້ອງແມ່ນ້ຳເນີນ ເຊິ່ງເຂດດັ່ງກ່າວແມ່ນໄດ້ຮັບຜົນກະທົບຢ່າງໜັກຈາກອຸທົກກະໄພ, ປັດຈຸບັນມີຫລາຍຄອບຄົວຂາດເຂົ້າກິນ.

Be the first to comment

Leave a Reply

Your email address will not be published.


*