ມີການຄົ້ນພົບປາໃຫຍ່ທີ່ສວຍງາມທີ່ສຸດຢູ່ໃນແມ່ນ້ຳແຫ່ງຫນຶ່ງຂອງລາວ

ວັນທີ 13 ມີນາ 2019 ຜູ້ໃຊ້ບັນຊີເຟດບຸກ Joe adventure ໄດ້ໂພສຮູບການຄົ້ນພົບປາໃຫຍ່ທີ່ສວຍງາມທີ່ສຸດຢູ່ໃນແມ່ນ້ຳແຫ່ງຫນຶ່ງຂອງລາວ ເຊິ່ງປາໃນພາບນັ້ນແມ່ນ ປາຂັງ ຫລື ປາກັງ ຫລື ປາກິມ ຫລື ປາກ້ວນຊາຍ (ມີຫລາຍຊື່ເອີ້ນຕາມແຕ່ລະທ້ອງຖິ່ນ)​ ເຊິ່ງຊື່ທາງວິທະຍາສາດແມ່ນ Luciocyprinus Striolatus ທີ່ໄດ້ສູນຫາຍໄປຫລາຍສິບປີ.​


ການສຳຫຼວດໃນຄັ້ງນີ້ແມ່ນໄດ້ຮັບການຊີ້ນຳຈາກກົມພັດທະນາການທ່ອງທ່ຽວ,​ຖວທ ຮ່ວມກັບພະແນກກະສິກຳ ແລະປ່າໄມ້ແຂວງ ໂດຍມີເຈົ້າຫນ້າທີ່ ແລະປະຊາຊົນພາຍໃນພື້ນທີ່ໃຫ້ການຮ່ວມມື ເຊິ່ງໄດ້ມີການສຳຫລວດເປັນເວລາສາມປີຈຶ່ງພົບເຫັນປາຊະນິດດັ່ງກ່າວແລະຍັງຈະສືບຕໍ່ຄົ້ນຫາຈາກແມ່ນ້ຳສາຍອື່ນໆ ເພື່ອການອະນຸຮັກປົກປັກຮັກສາສັດນ້ຳ ກໍຄືຊີວະນານາພັນໃຫ້ຄົງຄວາມອຸດົມສົມບູນສືບຕໍ່ໄປ.

Be the first to comment

Leave a Reply

Your email address will not be published.


*