ນັກບູຮານຄະດີຕະລຶງ ຫລັງພົບຖໍ້າສຳລັບປະກອບພິທີກຳຂອງຊາວມາຢາ ທີ່ບໍ່ເຄີຍມີໃຜແຕະຕ້ອງມາກ່ອນ

ຊິເຊນອິຕຊາ (Chichen ltza) ເປັນນະຄອນບູຮານຂອງຊົນຊາວມາຢາ ຕັ້ງຢູ່ເທີງຄາບສະຫມຸດຢູຄາທານ ທາງພາກຕະເວັນອອກສຽງໃຕ້ຂອງເມັກຊິໂກ ຊາວມາຢາໄດ້ສ້າງມະຫາວິຫານທີ່ມີໂຄງສ້າງຄ້າຍພີລະມິດແຕ່ຍອດເທີງເປັນຫົວຕັດເພື່ອບູຊາເທບເຈົ້າທີ່ພວກເຂົາເຊື່ອວ່າເປັນຜູ້ສ້າງມະນຸດເມື່ອປີ ພສ 1293 ລ່າສຸດເປັນນັກບູຮານຄະດີຊາວເມັກຊິໂກເຜີຍວ່າຄົ້ນພົບຖ້ຳທີ່ເຕັມໄປດ້ວຍບູຮານວັດຖຸຫລາຍຮ້ອຍອັນລີ້ເຊື່ອງຢູ່ໃຕ້ຊາກປະລັກຫັກພັງຂອງນະຄອນຊິເຊນອິຕຊາ
ຖ້ຳດັ່ງກ່າວຢູ່ຫ່າງຈາກມະຫາວິຫານຄູຄຸລຄານ (Temple of Kukulcan) ພີລະມິດຂະຫນາດໃຫ່ຍສູນກາງຂອງນະຄອນຊິເຊນອິຕຊາປະມານ 2 ກິໂລແມັດ ໂດຍຢູ່ເລິກລົງໄປໃຕ້ດິນປະມານ 24 ແມັດ ໂຄງສ້າງພາຍໃນແບ່ງເປັນຫ້ອງ ຫລາຍຫ້ອງເຊື່ອມຕໍ່ກັນດ້ວຍທາງຍ່າງແຄບໆ ຫຼື ບາງບ່ອນກໍ່ຕ້ອງຄານຜ່ານໄປ

ຊື່ງຂະນະນີ້ທີມຄົ້ນຫາໄດ້ສຳຫຼວດຖ້ຳໄປແລ້ວປະມານ 460 ແມັດ ແຕ່ພວກເຂົາກໍ່ຍັງຄາດເດົາບໍ່ໄດ້ວ່າທາງດ້ານໃນຈະຍາວອອກໄປຫລາຍນ້ອຍພຽງໃດວັດຖຸບູຮານຈຳນວນຫລາຍທີ່ພົບນັ້ນມີກະຖາງກຳຍານ 7 ຫນ່ວຍ ມີຮູບຮ່າງຄ້າຍກັບເທບພຣະເຈົ້າຊາເອຄ (Chaac) ຂອງຊາວມາຢາ ນັກບູຮານຄະດີເຊື່ອວ່າເປັນການຖະຫວາຍເຄື່ອງບູຊາເພື່ອຂໍນ້ຳຝົນມາໃຊ້ແລະເປັນໄປໄດ້ວ່າຊາວບ້ານຫນ້າຈະຄົ້ນພົບຖ້ຳແຫ່ງນີ້ຫລາຍກວ່າ 50 ປີແລ້ວ ແລະຕອນນີ້ຖ້ຳນີ້ຄືເປັນສົມບັດທາງວິທະຍາສາດທີ່ຈະຊ່ວຍໃຫ້ນັກວິທະຍາສາດເຂົ້າໃຈເຖິງຕົ້ນກຳເນີດຊີວິດ ແລະຄວາມເຊື່ອກ່ຽວກັບຜູ້ຄົນທີ່ຢູ່ອາໃສໃນນະຄອນບູຮານຊິເຊນອິຕຊາ

Be the first to comment

Leave a Reply

Your email address will not be published.


*