ທ້າຍອາທິດນີ້ ໄປສໍາຜັດການແຂ່ງ ລົດຈັກທາງລຽບ ຊີງແຊັມປະເທດລາວ

ທ້າຍອາທິດນີ້ ຢ່າລືມໄປສໍາຜັດກັບບັນຍາກາດແຂ່ງຂັນລົດຈັກທາງລຽບ ຊີງແຊັມປະເທດລາວ ວ່າຈະເປັນແນວໃດ ເພາະມີການຊີງໄຊ ເຖິງ 9 ປະເພດ ເປີດສາກຄວາມມັນລະຫວ່າງວັນທີ 16 – 17 ມີນາ 2019 ທີ່ສະໜາມແຂ່ງລົດ 1 ດຽວຂອງ ສປປ ລາວ ຢ່າງ ວີອາຊີ ເມືອງນາຊາຍທອງ ນະຄອນຫຼວງວຽງຈັນ.

ເມື່ອວັນທີ 13 ມີນາ 2019 ນະຄອນຫຼວງວຽງຈັນ ໄດ້ມີພິທີຖະແຫຼງຂ່າວການແຂ່ງຂັນລົດຈັກທາງລຽບ ຊີງແຊັມ ສປປ ລາວ ໃຫ້ກຽດເຂົ້າຮ່ວມໂດຍ ທ່ານ ສົມພອນ ສອນດາລາ ຮອງຫົວໜ້າພະແນກສຶກສາທິການ ແລະ ກີລາ, ທ່ານ ບຸນຍະເດດ ໄຊສົງຄາມ ປະທານສະໂມສອນແຂ່ງລົດຈັກທາງລຽບ ນະຄອນຫຼວງວຽງຈັນ ພ້ອມດ້ວຍນັກກີລາ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.

ທ່ານ ບຸນຍະເດດ ໄຊສົງຄາມ ປະທານສະໂມສອນແຂ່ງລັດຈັກທາງລຽບ ນະຄອນຫຼວງວຽງຈັນ ໄດ້ກ່າວວ່າ: ການແຂ່ງຂັນຄັ້ງນີ້ຈະໄດ້ຈັດຂຶ້ນລະຫວ່າງວັນທີ 16 – 17 ມີນານີ້ ທີ່ສະໜາມແຂ່ງຂັນ ວີອາຊີ ເມືອງນາຊາຍທອງ ນະຄອນຫຼວງວຽງຈັນ ເພື່ອເຮັດໃຫ້ນັກກີລາແຂ່ງລົດຈັກທາງລຽບຂອງ ສປປ ລາວ ໄດ້ມີການເຄື່ອນໄຫວຢ່າງຕໍ່ເນື່ອງ ແລະ ພັດທະນາທັກສະກະກຽມຮ່ວມງານຕ່າງໆ

ລວມທັງຍັງເປັນການສ້າງແຮງບັນດານໃຈໃຫ້ກັບນັກກີລາຮຸ່ນສືບທອດອີກດ້ວຍ.“ ສໍາລັບປະເພດການແຂ່ງຂັນໃນປີນີ້ ມີເຖິງ 9 ປະເພດ ປະກອບມີ: 1. NAKED 125 – 135cc, 2. NAKED 150 – 200cc, 3. NAKED 250 – 400cc, 4. GIXXER D1, 5.GIXXER D2, 6. SPORT 250 – 400cc, 7. SPORT 150 – 200cc, 8. GIXXER INTER ແລະ 9. GIXXER ພິເສດການແຂ່ງຂັນຄັ້ງນີ້ເຂົ້າຊົມໂດຍບໍ່ເສຍຄ່າ ” ປະທານສະໂມສອນແຂ່ງລົດຈັກທາງລຽບ ນະຄອນຫຼວງວຽງຈັນ ກ່າວ.

ຂ່າວ: ຄໍາສອນ
ຮູບ: ສອນໄຊ

Be the first to comment

Leave a Reply

Your email address will not be published.


*