ກິນແນວໃດໃຫ້ຜົມງາມ

ເສັ້ນຜົມຂອງຄົນເຮົາມີຄຸນປະໂຫຍດໃນການຊ່ວຍປົກປ້ອງ ບໍໃຫ້ຜິວບໍລິເວນນັງຫົວເກີດການສູນເສຍຄວາມຮ້ອນຫຼາຍຈົນເກີນໄປ ທັງນີ້ກໍ່ເປັນເພາະບໍລິເວນໜັງຫົວຂອງຄົນເຮົາ ຈະມີເລືອດມາຫຼໍ່ລ້ຽງຢູ່ເປັນຈຳນວນຫຼາຍນັ້ນເອງ

ເຮົາຈະເລືອກກິນອາຫານຫຼືວິຕາມິນແບບໃດໃຫ້ຜົມງາມ ຕາມມາເບິ່ງກັນວ່າມີສານອາຫານແຫຼະແຮ່ທາດຈຳເປັນຫຍັງ ທີ່ມີປະໂຫຍດຕໍ່ເສັ້ນຜົມຂອງເຮົາໄດ້ແດ່

1.ໄບໂອຕິນ (Biotin) ຊ່ວຍໃຫ້ເສັ້ນຜົມແຂງແຮງ ບໍ່ຂາດຫຼືຫຼົ່ນງ່າຍ ຫຼຸດການເກີດຮັງແຄແລະຊ່ວຍບຳລຸງຮາກຜົມ ມີຫຼາຍໃນຖົ່ວກິນໄດ້ທັງຝັກເຊັ່ນ ຖົ່ວແຂກ ຖົ່ວພູ ໝາກຖົ່ວຍາວ ຫຼືຖົ່ວທີ່ກິນໄດ້ສະເພາະເມັດເຊັ່ນ ຖົ່ວເຫຼືອ ຖົ່ວປາກອ້າ

2.ສັງກະສີ (Zinc) ເຜັນໂຕຄວບຄຸມແລະຊ່ວຍສ້າງເຊວຕ່າງໆໃນຮ່າງກາຍໃຫ້ແຂງແຮງ ຫຼຸດການຫຼົ່ນຂອງເສັ້ນຜົມແລະຮັງແຄ ພົບຫຼາຍໃນຊີ້ນສັດ ໂດຍສະເພາະຢ່າງຍິ່ງໃນຫອຍນາງລົມ

3.ຊີລິນຽມ (Selenium) ເປັນແຮ່ທາດສຳຄັນທີ່ຊ່ວຍໃຫ້ຮ່າງກາຍຈະເລີນເຕີບໂຕຢ່າງເປັນປົກກະຕິ ຊ່ວຍໃນເລື່ອງສຸຂະພາບຂອງສາຍຕາ ຜິວໜັງແລະເສັ້ນຜົມ

4.ໂປີ້ຕີນ (Protein) ເນື່ອງຈາກໂປຣຕີນເປັນອົງປະກອບຫຼັກຂອງຜົມ ໂປຣຕີນມີສ່ວນຊ່ວຍໃນການບຳລຸງຮາກຜົມແລະໜັງຫົວ ພົບຫຼາຍໃນຊີ້ນປາແລະຖົ່ວຕ່າງໆລວມເຖິງຊີ້ນໄກ່

 

5.ເຫຼັກ (Iron) ເພີ້ມການບຳລຸງເລືອດ ໃຫ້ເລືອດສາມາດໄປລ້ຽງຮາກຜົມໄດ້ຢ່າງເຕັມທີ ຊ່ວຍໃຫ້ໜັງຫົວແລະເສັ້ນຜົມມີສຸຂະພາບດີ ພົບຫຼາຍໃນຕັບ

6.ວິຕາມິນບີ 5 (Vitamin B5) ພົບຫຼາຍທີ່ສຸດໃນອາຫານປະເພດຕັບ ຮອງລົງມາຄືຊີ້ນມູ ຊີ້ນໄກ່ ປາ ແລະເມັດທັນຍາພືດ ຊ່ວຍບຳລຸງຜົມໃຫ້ແຂງແຮງ ມີສຸຂະພາບດີນຸ້ມເປັນເງົາງາມ

7.ວິຕາມິນຊີ (Vitamin C) ຊ່ວຍເພີ້ມຄວາມຍືດຍຸ່ນໃຫ້ກັບຜິວ ພົບຫຼາຍໃນຜັກໃບຂຽວ ໝາກໄມ້ຊ່ວຍບຳລຸງຜິວໂດຍສະເພາະບໍລິເວນໜັງຫົວ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *