ກອງພົນທີ 3 ເປີດຊຸດອົບຮົມ-ຫັດແອບປະຈຳປີ 2019

ພິທີເປີດຊຸດອົບຮົມການ ເມືອງ, ການທະຫານ, ພະລາທິ ການເຕັກນິກປະຈຳປີ 2019 ຂອງກອງພົນທີ 3 ໄດ້ໄຂຂຶ້ນໃນ ວັນທີ 4 ມີນາ 2019 ນີ້, ຢູ່ທີ່ເດີ່ນ ກີລາຂອງກົມກອງດັ່ງກ່າວ ໂດຍ ການເປັນປະທານຂອງສະຫາຍ ພັນ ເອກ ໄຊຍະວົງ ໄຊນາມທິລາດ ຫົວໜ້າການທະຫານກອງພົນທີ 3 ເຂົ້າຮ່ວມມີສະຫາຍພົນຈັດ ຕະວາ ບຸນເຈື້ອ ຕຽນແສງດາວ ກຳມະການຄະນະພັກກະຊວງ ປ້ອງກັນປະເທດ ຫົວໜ້າການ ເມືອງກອງພົນທີ 3 ພ້ອມຄະນະ ພັກ-ຄະນະບັນຊາ, ອົງການ 5 ຫ້ອງກອງພັນໃຫຍ່ 301, ກອງ ພັນໃຫຍ່ 302, ກົມກອງອ້ອມຂ້າງ ຕະຫຼອດຮອດ ໂຮງຮຽນ, ໂຮງໝໍ ເຂົ້າຮ່ວມ.

ສະຫາຍພັນເອກ ກິງແກ້ວ ອຸນມະນີວົງ ຄະນະປະຈຳພັກກອງ ພົນ ຫົວໜ້າຫ້ອງເສນາທິການ ກອງພົນທີ 3 ກໍໄດ້ຂຶ້ນຜ່ານບົດ ສະຫຼຸບລາຍງານຜົນການອົບຮົມ- ຫັດແອບປະຈຳປີ 2018 ໂດຍໄດ້ ຍົກໃຫ້ເຫັນຜົນງານດ້ານຕ່າງໆ ໂດຍຄະນະພັກ-ຄະນະບັນຊາແຕ່ ລະຂັ້ນໄດ້ເອົາໃຈໃສ່ຊີ້ນຳ-ນຳພາ ອົບຮົມຫັດແອບ, ການເມືອງ, ການ ທະຫານ, ພະລາທິການເຕັກນິກ, ທີ່ກົມອົບຮົມກົມໃຫຍ່ເສນາທິ ການກອງທັບວາງອອກ, ໂດຍໄດ້ ແບ່ງອອກເປັນ 2 ໄລຍະຄື ໄລຍະ ທີ 1 ແມ່ນເລີ່ມແຕ່ເດືອນກຸມພາ ຫາ ເດືອນພຶດສະພາ ແລະ ໄລຍະ ທີ 2 ແມ່ນເລີ່ມແຕ່ ເດືອນ ກັນ ຍາເຖິງເດືອນພະຈິກ 2018,

ເຊິ່ງ ແຕ່ລະພາກສາມາດບັນລຸໝາກ ຜົນຢ່າງໜ້າເພິ່ງພໍໃຈ ເຊິ່ງພາກ ການເມືອງບັນລຸ 82,37%, ພາກ ການທະຫານບັນລຸ 84,57%, ພາກພະລາທິການບັນລຸ 81,45%, ນອກນີ້ຍັງໄດ້ເປີດ ອົບຮົມວຽກງານເລຂາ, ຮອງ ເລຂາໜ່ວຍພັກທົ່ວກອງພົນບັນລຸ 81,47% ເຊິ່ງພາກການເມືອງຈະ ໄດ້ຮຽນຮູ້ກ່ຽວກັບ, ເປົ້າໝາຍອຸດົມຄະຕິສູ້ຮົບຂອງກອງທັບ ປະຊາຊົນລາວ, ກຽດສັກສີ ແລະ ຄວາມຮັບຜິດຊອບຂອງນັກຮົບ ໃນກອງທັບ, ປົກປັກຮັກສາປະ ເທດຊາດແມ່ນໜ້າທີ່ຕົ້ນຕໍຂອງ ກຳລັງປະກອບອາວຸດ, ພາລະບົດ ບາດໜ້າທີ່ຂອງກອງທັບ,

ກົດ ໝາຍພັນທະປ້ອງກັນຊາດ, ທາດ ແທ້ຂອງຊົນຊັ້ນກຳມະກອນ ແລະ ມູນເຊື້ອອັນສະຫງ່າງາມຂອງ ກອງທັບປະຊາຊົນລາວ, ພາກ ການທະຫານຈະໄດ້ຮຽນຂໍ້ກຳ ນົດ 7 ລະບອບ, 18 ວຽກຂອງ ກອງທັບ, ທາງດ້ານສິລະປະຍຸດ-ຍຸດທະວິທີ ຈະໄດ້ຮຽນຮູ້ຂັ້ນພື້ນ ຖານຂອງທະຫານຮາບເປັນຕົ້ນ ແມ່ນຫັດກາຍ 2 ບົດ 24 ຈັງ ຫວະ, 16 ຈັງຫວະບຸກຄົນ, ລະ ບຽບບຸກຄົນ, ລະບຽບຮູບແຖວ, ຂັ້ນຈຸ, ຫມວດກອງຮ້ອຍ; ພາກ ພະລາທິການ-ເຕັກນິກ ແມ່ນຮຽນ ວຽກງານອະນາໄມປ້ອງກັນພະ ຍາດ, ການປະຖົມພະຍາບານຂັ້ນ ພື້ນຖານ, 5 ເຕັກນິກ, ການບົວ ລະບັດຜັດເຊັດອາວຸດກະສູນໃຫ້ຢູ່ໃນສະພາບທີ່ກຽມພ້ອມໃຊ້ງານ ຕະຫຼອດເວລາ.

ສະຫາຍ ພັນເອກ ໄຊຍະວົງ ໄຊນາມທິລາດ ຫົວໜ້າການທະ ຫານກອງພົນທີ 3 ກໍໄດ້ ຮຽກຮ້ອງ ໃຫ້ພະນັກງານນນຳພາ-ບັນຊາ ແຕ່ລະກົມກອງ ຈົ່ງເອົາໃຈໃສ່ຈັດ ຕັ້ງປະຕິບັດການອົບຮົມ-ຫັດ ແອບ, ລະບຽບແບບແຜນ, ເຝິກ ຝົນຫຼໍ່ຫຼອມກຳລັງແຮງກາຍ ກໍຄື ການຈັດຕັ້ງປະຕິບັດເຂົ້າໃນວຽກ ງານຕົວຈິງ, ໃຫ້ຄ່ອງແຄ້ວຖືກ ກັບຫຼັກການ ແລະ ບົດຮຽນເພື່ອ ຮັບປະກັນໃຫ້ບັນລຸຄຸນນະພາບ ສູງ.

ໂດຍ: ສຸລິພັນ (ນສພ ກອງທັບ)

Be the first to comment

Leave a Reply

Your email address will not be published.


*