ກອງທັບກຳປູເຈຍ-ຈີນ ເປີດສາກຊ້ອມຮົບຮ່ວມມັງກອນຄຳ 2019

ສຳນັກຂ່າວຕ່າງປະເທດລາຍງານເມື່ອວຫນທີ 14 ມີນາ 2019 ວ່າ ການເຝິກຊ້ອມຮົບຮ່ວມປະຈຳປີລະຫວ່າງກອງທັບກຳປູເຈຍ (RCAF) ແລະກອງທັບປົດປ່ອຍປະຊາຊົນຈີນ (PLA) ໃນລະຫັດ “ມັງກອນຄຳ 2019” (Golden Dragon) ໄດ້ເລີ່ມຕົ້ນຂື້ນຢ່າງເປັນທາງການແລ້ວເມື່ອວັນທີ 13 ມີນາຜ່ານມາ ໂດຍການເຝິກຊ້ອມຮົບຈະດຳເນີນໄປຈົນເຖິງວັນທີ່ 28 ມີນານີ້


ການເຝິກຊ້ອມຮົບຮ່ວມປະຈຳປີລະຫວ່າງສອງປະເທດ ລະຫວ່າງວັນທີ່ 13-27 ມີນາ ຈັດຂື້ນທີ່ສະຫນາມເຝິກ ໃນບ້ານຕຣະພັງຣັງ ເມືອງຊຸມຄີຣີ ແຂວງກັມໂປ້ດ (Kampot) ໂດຍມີພົນເອກ ວົງ ພິແສນ ຜູ້ບັນຊາການທະຫານສູງສຸດກອງທັບກຳປູເຈຍ ແລະພົນຕີ ເຟິງ ຊຽງ ເຈົ້າຫນ້າທີ່ທະຫານລະດັບສູງຂອງກອງທັບປົດປ່ອຍປະຊາຊົນຈີນຮ່ວມເປັນປະທານ


ການເຝິກຊ້ອມຮົບຮ່ວມມັງກອນທອງປະຈຳປີນີ້ ມີທະຫານກຳປູເຈຍ 2.542 ຄົນ ແລະທະຫານຈີນ 252 ຄົນ ເຂົ້າຮ່ວມການເຝິກຊ້ອມ ທີ່ປະກອບດ້ວຍກິດຈະກຳຫລາກຫລາຍ ທັງການເຝິກຕໍ່ຕ້ານການກໍ່ການຮ້າຍ ການຊ່ວຍເຫຼືອໂຕປະກັນ ການຕອບສະຫນອງໄພພິບັດທາງທຳມະຊາດການຊ່ວຍເຫຼືອດ້ານມະນຸດສະທຳ ພາລະກິດສະຫະປະຊາຊາດ ແລະການເຝິກທະຫານຊ່າງ


ການເຝິກຊ້ອມຮົບຮ່ວມ ມັງກອນທອງ ລະຫວ່າງກຳປູເຈຍ ແລະຈີນ ເກີດຂື້ນຄັ້ງທຳອິດໃນປີ 2016 ໂດຍມີທະຫານຂອງກຳປູເຈຍເຂົ້າຮ່ວມການເຝິກ 280 ຄົນ ແລະທະຫານຈີນ 97 ຄົນ ໂດຍມຸ່ງເນັ້ນທີ່ການຊ່ວຍເຫຼືອກູ້ໄພດ້ານມະນຸດສະທຳ ແລະທັກສະການບັນເທົາໄພພິບັດ ຂະນະທີ່ການເຝິກຊ້ອມຄັ້ງທີ່ 2 ເຊື່ງເກີດຂື້ນໃນເດືອນມີນາ 2018 ໂດຍມຸ່ງເນັ້ນການຕໍ່ຕ້ານການກໍ່ການຮ້າຍ ແລະການຊ່ວຍເຫຼືອດ້ານມະນຸດສະທຳໂດຍມີທະຫານກຳປູເຈຍເຂົ້າຮ່ວມ 307 ຄົນ ແລະກອງກຳລັງທະຫານຂອງຈີນ 216 ຄົນ

Be the first to comment

Leave a Reply

Your email address will not be published.


*