ເຟສບຸ໊ກຫລົ່ມ ກະທົບຄົນທົ່ວໂລກ

ສຳນັກຂ່າວຕ່າງປະເທດລາຍງານວ່າ ເຄືອຂ່າຍສັງຄົມອອນໄລນ ເຟສບຸ໊ກ ກັບແອັບພິເຄຊັ່ນ ອິນສະຕາແກຣມ ຫລົ່ມກະທົບຜູ້ຄົນບາງສ່ວນໃນທຸກພູມມີພາກທົ່ວໂລກ ໂດຍເຄືອຂ່າຍຂາດການເຊື່ອມຕໍ່ໄປຕັ້ງແຕ່ເວລາປະມານ 23:00 ໂມງ ວັນພຸດທີ່ 13 ມີນາ 2019 ຕາມເວລາປະເທດລາວ ເຮັດໃຫ້ຜູ້ໃຊ້ແຫ່ອອກມາເວົ້າເຖິງເລື່ອງນີ້ເທີງທະວິດເຕີເປັນຈຳນວນຫລາຍ

ຕໍ່ມາບໍລິສັດ ເຟສບຸ໊ກ ຢືນຍັນຜ່ານອີເມລ ແລະທະວິດເຕີວ່າ ເຄືອຂ່າຍຫລົ່ມແທ້ “ເຮົາກັງວົນວ່າຕອນນີ້ບາງຄົນກຳລັງປະສົບບັນຫາໃນການເຊື່ອມຕໍ່ກັບແອັບພິເຄຊັ່ນໃນເຄືອຂ່າຍເຟສບຸ໊ກ ເຮົາກຳລັງເຮັດວຽກເພື່ອແກ້ໄຂບັນຫາດັ່ງກ່າວໃຫ້ໄວທີ່ສຸດເທົ່າທີ່ຈະເປັນໄປໄດ້”

ເຫດເຄືອຂ່າຍຫລົ່ມຄັ້ງນີ້ສົ່ງຜົນກະທົບຕໍ່ຜູ້ໃຊ້ງານໃນອາເມຣິກາ, ຢູໂຣບ, ອາເມຣິກາໃຕ້, ອອສເຕຣເລຍ ແລະເອເຊຍ ຕາມການເປີດເຜີຍຂອງເວັບໄຊຕ “DownDetector” ຢ່າງໃດກໍ່ຕາມ ເຟສບຸ໊ກບໍ່ໄດ້ເປີດເຜີຍວ່າ ແມ່ນຫຍັງເປັນສາເຫດທີ່ເຮັດໃຫ້ລະບົບຫລົ່ມ ແຕ່ຢືນຢັນວ່າບໍ່ໄດ້ເປັນເພາະການໂຈມຕີທາງໄຊເບີທີ່ເອີ້ນວ່າ “DDos” ຫຼືການທີ່ແຮັກເກີ້ຫລາຍໆຄົນພະຍາຍາມເຮັດໃຫ້ເວັບໄຊຕຫລົ່ມ ດ້ວຍການລະດົມໂພສຂໍ້ຄວາມໃຫ້ຂໍ້ມູນຈະລາຈົນທາງຄອມພິວເຕີມີຫລາຍເກີນໄປ

Be the first to comment

Leave a Reply

Your email address will not be published.


*