ເງິນ ແລະ ຊັບສິນຂອງລັດ ເສຍຫາຍຫລາຍຕື້ຍ້ອນການສໍ້ລາດບັງຫລວງ

ຂປລ. ແຫລ່ງຂ່າວຈາກແຂວງຈຳປາສັກ ລາຍງານໃຫ້ຮູ້ເມື່ອບໍ່ດົນນີ້ວ່າ: ໃນປີ 2018 ຜ່ານມາຄະນະກໍາມະການສະກັດກັ້ນ ແລະ ຕ້ານການສໍ້ລາດບັງຫລວງ ໄດ້ລາຍງານ ຕໍ່ກອງປະຊຸມກວດກາທົ່ວແຂວງ ກ່ຽວກັບຜົນການເຄື່ອນໄຫວຕິດຕາມ, ກວດກາ, ຊຸກຍູ້ການຈັດຕັ້ງປະຕິບັດວຽກງານ ຕ້ານການສໍ້ລາດບັງຫລວງຢູ່ 43 ພາກສ່ວນ, 9 ເມືອງ, 1 ນະຄອນ, ສາມາດພົບເຫັນພະນັກງານ-ລັດຖະກອນ ແລະ ຜູ້ໄດ້ຮັບ ມອບສິດ, ມີພຶດຕິກໍາສໍ້ລາດບັງຫລວງ ເຮັດໃຫ້ເງິນ ແລະ ຊັບສິນຂອງລັດ, ລວມໝູ່, ພົນລະເມືອງ ຖືກເສຍຫາຍ ຈໍານວນ 3,69 ຕື້ກີບ, ໃນນັ້ນສາມາດເກັບກູ້ຄືນໄດ້ 1,07 ຕື້ກີບ, ຍັງຄ້າງຈໍານວນ 2,61 ຕື້ກີບ.

ຂະນະດຽວກັນ ໄດ້ກວດພົບຜູ້ສົງໃສວ່າພົວພັນກັບການສໍ້ລາດບັງຫລວງ ຈໍານວນ 261 ຄົນ, ຍິງ 18 ຄົນ ແລະ ໄດ້ດໍາເນີນການແກ້ໄຂທາງບໍລິຫານ 42 ຄົນ, ດໍາເນີນຄະດີຕາມຂັ້ນຕອນຂອງກົດໝາຍ 13 ຄົນ, ສ່ວນ 206 ຄົນ ໄດ້ຊຸກຍູ້ໃຫ້ການຈັດຕັ້ງທີ່ກ່ຽວຂ້ອງສືບຕໍ່ ແກ້ໄຂຕາມລະບຽບກົດໝາຍ.

ກອງປະຊຸມສະຫລຸບວຽກງານກວດກາທົ່ວແຂວງຈໍາປາສັກ ໄດ້ຈັດຂຶ້ນໃນອາທິດຜ່ານມາ ໂດຍມີ ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ, ທ່ານ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ, ທ່ານ ໜູຈັນ ຈັນທະພົງ ປະທານຄະນະກວດກາພັກ ແຂວງຈໍາປາສັກ, ມີຄະນະປະຈໍາພັກແຂວງ, ກໍາມະການພັກແຂວງ, ພະແນກການອ້ອມຂ້າງແຂວງ, ເຈົ້າເມືອງ, ຫ້ອງການກວດກາພັກ-ລັດ ແຕ່ລະເມືອງ, ບັນດາສະຖາບັນການສຶກສາ ແລະ ພະນັກງານຄະນະກວດກາພັກ-ລັດແຂວງເຂົ້າ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *