ເກີດເຫດມືປືນບຸກຍິງໂຮງຮຽນໃນບຣາຊິລເສຍຊີວິດ 8 ເຈັບ 20 ມືປືນຂ້າໂຕຕາຍຫນີຜິດ

ສຳນັກຂ່າວຕ່າງປະເທດລາຍງານຈາກເມືອງເຊົາເປົາໂລປະເທດບຣາຊິລ ເມື່ອວັນທີ່ 13 ມີນາ 2019 ວ່າສຳນັກງານຕຳຫຼວດລັດເຊົາເປົາໂລທາງຕະເວັນອອກສ່ຽງໃຕ້ຂອງບຣາຊິລ ລາຍງານການເກີດເຫດກວດຍິງພາຍໃນໂຮງຮຽນ “ຣາອູລ ບຣາຊິລ” ໃນເມືອງຊູຊາໂນ ໃກ້ກັບເມືອງເຊົາເປົາໂລ ເມື່ອຊ່ວງເຊົ້າຂອງວັນພຸດຕາມເວລາທ້ອງຖິ່ນ ໂດຍໂຮງຮຽນແຫ່ງນີ້ຖືເປັນຫນື່ງໃນສະຖານທີ່ສຶກສາຂະຫນາດໃຫ່ຍໃນພື້ນທີ່ ເນື່ອງຈາກເປີດສອນຕັ້ງແຕ່ລະດັບປະຖົມສຶກສາຕອນຕົ້ນຈົນເຖິງມັດຖະຍົມສຶກສາຕອນປາຍມີນັກຮຽນຫລາຍກວ່າ 1,000 ຄົນ


ທັງນີ້ສະເພາະໃນທີ່ເກີດເຫດຕຳຫຼວດພົບຜູ້ເສຍຊີວິດ 7 ຄົນ ແບ່ງເປັນນັກຮຽນ 5 ຄົນ ສ່ວນໃຫ່ຍອາຍຸລະຫວ່າງ 15-16 ປີ ຄູແລະເຈົ້າຫນ້າທີ່ອີກຄົນຫນື່ງ ຂະນະທີ່ໃນບໍລິເວນໃກ້ກັນເຊື່ງເປັນຮ້ານສະດວກຊຶ້ ເຈົ້າຫນ້າທີ່ພົບຮ່າງຜູ້ເສຍຊີວິດເຊິ່ງພະຍານໃຫ້ການວ່າຄືເຈົ້າຂອງຮ້ານແຫ່ງນີ້ ຖືກຄົນຮ້າຍສັງຫານເພື່ອຈີ້ຊິງລົດ ສ່ວນຜູ້ກໍ່ເຫດເປັນອາດີດນັກຮຽນຂອງໂຮງຮຽນແຫ່ງນີ້ແລະໃຊ້ປືນສັ້ນ 38 ຄາລິເບີ ແລະມີດເປັນອາວຸດ ພ້ອມທັງສວມຫນ້າກາກອຳພາງໃບຫນ້າຂະນະລົງມື ໂດຍພະນັກງານສືບສວນເປີດເຜີຍໃນເບື້ອງຕົ້ນ ຄືທ້າວ ເອັນຣິເກ້ ເດ ກັສໂຕຣ ອາຍຸ 25 ປີ ແລະທ້າວກີແອຣເມ ເຕົາຊີ ມອນເຕໂຣ ອາຍຸ 17 ປີ ຊື່ງທັງຄູ່ຍິງໂຕຕາຍຫລັງກໍ່ເຫດ


ຢ່າງໃດກໍ່ຕາມ ຕຳຫຼວດຍັງປະຕິເສດຕອບຄຳຖາມກ່ຽວກັບແຮງຈູງໃຈໃນການກໍ່ເຫດຂອງຄົນຮ້າຍທັງສອງຄົນ ເຊິ່ງຈົບການສຶກສາຈາກໂຮງຮຽນແຫ່ງນີ້ຕາມລະບົບຫຼືມີເຫດຜົນໃຫ້ຕ້ອງພົ້ນສະພາບນັກຮຽນໄປກ່ອນຫຼືບໍ່ ແຕ່ໃຫ້ຂໍ້ມູນເພີ່ມວ່າເຈົ້າຫນ້າທີເລັ່ງນຳໂຕຜູ້ໄດ້ຮັບບາດເຈັບອີກປະມານ 20 ຄົນສົ່ງໂຮງຫມໍແລ້ວ


ສຳລັບເຫດກວດຍິງໃນສະຖານສຶກສາຄັ້ງນີ້ເປັນຄັ້ງທຳອິດໃນຮອບເກືອບ 8 ປີຂອງບຣາຊິລ ຫຼັງອາດີດນັກຮຽນຂອງໂຮງຮຽນແຫ່ງຫນື່ງໃນເມືອງຣີໂອເດຈາເນໂຣທີ່ຢູ່ໃກ້ກັນ ບຸກກວດຍິງນັກຮຽນໃນໂຮງຮຽນເກົ່າ ເມື່ອເດືອນເມສາ 2011 ມີຜູ້ເສຍຊີວິດ 12 ຄົນ ສ່ວນຄົນຮ້າຍຍິງໂຕຕາຍລະຫວ່າງຫຼົບຫນີການໄລ່ລ່າຂອງຕຳຫຼວດ

Be the first to comment

Leave a Reply

Your email address will not be published.


*