UN ກຽມກວດສອບທີ່ມາລົດຫລູ ຂອງຜູ້ນຳເກົາຫລີເຫນືອ

ສຳນັກຂ່າວຕ່າງປະເທດລາຍງານຈາກນະຄອນໂຊລປະເທດເກົາຫຼີໃຕ້ເມື່ອວັນທີ່ 13 ມີນາ 2019 ວ່າທ່ານຮິວຈ ກຣິຟຟິສ ຜູ້ປະສານງານຊຸດຍ່ອຍຂອງຄະນະມົນຕີຄວາມຫມັ້ນຄົງແຫ່ງສະຫະປະຊາຊາດ (ຢູເອັນເອສຊີ) ກ່າວເມື່ອວັນອັງຄານວ່າກຳລັງມີການກວດສອບເສັ້ນທາງການເງີນ ແລະທີ່ມາທີ່ໄປທຸກດ້ານ ເຊື່ງອາດຊ່ວຍເຊື່ອມໂຍງກັບການຈັດຊື້ລົດຍົນລາຄາແພງຂອງທ່ານຄິມ ຈອງ-ອຶນ ຜູ້ນຳສູງສຸດຂອງເກົາຫຼີເຫນືອ ທີ່ມີການນຳອອກມາໃຊ້ງານໃຫ້ສາທາລະນະໄດ້ເຫັນຫລາຍຄັ້ງຂື້ນ


ທັງນີ້ ໃນລະຫວ່າງການຕ້ອນຮັບທ່ານໄມຄ ປອມເປໂອ ລັດຖະມົນຕີກະຊວງການຕ່າງປະເທດອາເມຣິກາທີ່ນະຄອນປຽງຢາງເມື່ອວັນທີ່ 7 ຕຸລາ ປີຜ່ານມາ ຜູ້ນຳຂອງເກົາຫຼີເຫນືອຍ່າງລົງຈາກລົດໂຣລສ-ຣອຍ ແຟນທອມ ແລະລົດຍີ່ຫໍ້ເມີຣເຊເດສ-ເບັນຊ ສີດຳອີກຫລາຍຄັນ ເປັນພາຫະນະທີ່ທ່ານຄິມ ຈອງ-ອຶນ ແລະຄະນະໃຊ້ໂດຍສານລະຫວ່າງພາລະກິດຢ້ຽມຢາມສິງກະໂປ ຈີນ ແລະຫວຽດນາມ ນອກຈາກນີ້ຍັງມີລົດເລັກຊັສ ແອລເອັກ-570 ທີ່ທ່ານຄິມ ຈອງ-ອຶນ ແລະຄະນະໃຊ້ງານລະຫວ່າງການປະຊຸມທີ່ນະຄອນປຽງຢາງຮ່ວມກັບປະທານາທິບໍດີມຸນ ແຈ-ອິນ ຜູ້ນຳເກົາຫຼີໃຕ້ ເມື່ອເດືອນກັນຍາປີທີ່ຜ່ານມາອີກດ້ວຍ


ທ່ານກຣິຟຟິສ ກ່າວວ່າຢູເອັນເອສຊີໄດ້ປະສານງານໄປຍັງບໍລິສັດຜູ້ຜະລິດລົດທີ່ກ່ຽວຂ້ອງແລ້ວ ເພື່ອຂໍຮັບຮູ້ຂໍ້ມູນເພີ່ມຕື່ມ ເນື່ອງຈາກລົດຫຼູທັງຫມົດຖືເປັນສັບສິນທີ່ຢູເອັນເອສຊີຂື້ນບັນຊີດຳຫ້າມເກົາຫຼີເຫນືອຈັດຊື້ ຂະນະທີ່ມີການຕັ້ງຂໍ້ສົງໄສໃນເບື້ອງຕົ້ນ ວ່າລົດເຫຼົ່ານີ້ຫນ້າຈະຂົນສົ່ງຈາກລັດແຄລິຟໍເນຍຂອງອາເມຣິກາ ມາຍັງເມືອງຕ່າຫຼຽນ ໃນມົນທົນຫຼຽວຫນິງ ທາງຕະເວັນອອກສຽງເຫນືອຂອງຈີນ ແລະຜ່ານທາງທ່າເຮືອໃນຮົງກົງໂດຍມີທ່ານ ຈອຣຈ ຫມ່າ ນັກທຸລະກິດທ້ອງຖິ່ນຊື່ງມີສາຍສຳພັນກັບລັດຖະບານປຽງຢາງຄອຍອຳນວຍຄວາມສະດວກ

Be the first to comment

Leave a Reply

Your email address will not be published.


*