ລັດຖະບານອາເມຣິກາ ສັ່ງລະງັບໃຊ້ ເຮືອບິນ “ໂບອິ້ງ 737 ແມັກຊ” ທຸກລຸ້ນ

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນປະເທດອາເມຣິກາເມື່ອວັນທີ່ 13 ມີນາ 2019 ວ່າປະທານາທິບໍດີໂດນັລ ທຣັມ ຖະແຫຼງເມື່ອວັນພຸດວ່າ ໄດ້ສັ່ງການໃຫ້ສຳນັກງານບໍລິຫານການບິນແຫ່ງຊາດຂອງອາເມຣິກາ (ເອຟເອເອ) ອອກຄຳສັ່ງສຸກເສີນ ໃນການລະງັບໃຊ້ງານເຮືອບິນໂບອິ້ງ 737 ແມັກຊ “ທຸກລຸ້ນ” ທີ່ຜະລິດໂດຍບໍລິສັດໂບອິ້ງ ຫຼັງຂໍ້ມູນດາວທຽມເບື້ອງຕົ້ນທີ່ໄດ້ຮັບການກັ່ນກອງແລ້ວ ພົບວ່າການຕົກຂອງຖ້ຽວບິນອີທີ 302 ຂອງສາຍການບິນເອທິໂອເປຍ ແອຣໄລສ ເຊື່ງຕົກໃນເຂດຊານນະຄອນແອດດິສ ອາບາບາ ເມືອງຫຼວງຂອງເອທິໂອເປຍ ເມື່ອວັນອາທິດທີ່ຜ່ານມາ ແລະຂ້າຊີວິດຜູ້ຢູ່ເທີງເຮືອບິນ 157 ຄົນນັ້ນ “ມີຄວາມໃກ້ຄຽງຢ່າງຫລາຍ” ກັບການທີ່ຖ້ຽວບິນເຈທີ 610 ຂອງໄລອ້ອນ ແອຣ ຕົກໃນທະເລຊວາຂອງອິນໂດເນເຊຍເມື່ອເດືອນຕຸລາປີທີ່ຜ່ານມາ ແລະມີຜູ້ເສຍຊີວິດ 189 ຄົນ


ຂະນະທີ່ສາຍການບິນໃນອາເມຣິກາເຊື່ງມີເຮືອບິນ 737 ແມັກຊ ຢູ່ໃນຝູງບິນ ໂດຍອາເມຣິກາ ແອຣລາຍ ຊື່ງເປັນສາຍການບິນຂະຫນາດໃຫ່ຍທີ່ສຸດໃນປະເທດ ອອກຖະແຫຼງການວ່າໄດ້ແຈ້ງໃຫ້ຜູ້ໂດຍສານຮູ້ເຖິງຄວາມປ່ຽນແປງທີ່ເກີດຂື້ນ ແລະໄດ້ປະສານງານກັບທຸກຝ່າຍເລື່ອງການຈັດການປ່ຽນເຮືອບິນ ແລະຈັດທີ່ນັ່ງໃຫ່ມໃຫ້ກັບຜູ້ໂດຍສານຕໍ່ໄປ ສ່ວນເຊົາເວສ ແອຣລາຍ ເຊື່ງເປັນຫນື່ງໃນສາຍການບິນຂະຫນາດໃຫ່ຍຂອງອາເມຣິກາ ແລະເປັນສາຍການບິນເຊື່ງມີເຮືອບິນໂບອິ້ງລຸ້ນ 737 ແມັກຊ 8 ປະຈຳການຢູ່ໃນຝູງບິນຫລາຍທີ່ສຸດໃນໂລກ ເວລານີ້ຄື 34 ລຳ ອອກຖະແຫຼງການແບບດຽວກັນ


ຢ່າງໃດກໍ່ຕາມ ຄວາມເຄື່ອນໄຫວຂອງລັດຖະບານວໍຊິງຕັນແລະເອຟເອເອບໍ່ໄດ້ຮັບການຕອບຮັບທີ່ດີຫລັງສະພາຄອງເກຣສ ໂດຍຄະນະກຳມະທິການດ້ານການຄົມມະນາຄົມ ແລະລະບົບໂຄງສ້າງພື້ນຖານຂອງສະພາຜູ້ແທນປະຊາຊົນ ແລະຄະນະກຳມະທິການດ້ານການພານິດຂອງວຸດທິສະພາກຽມເຊີນນາງອີເລນ ເຊົາ ລັດຖະມົນຕີກະຊວງຄົມມະນາຄົມ ແລະຜູ້ບໍລິຫານລະດັບສູງຂອງເອຟເອເອໃຫ້ເຂົ້າມາຊີ້ແຈງວ່າເພາະເຫດໃດອາເມຣິກາ ຈື່ງຕ້ອງໃຊ້ເວລາຫລາຍມື້ ກວ່າຈະຕັດສິນໃຈລະງັບໃຊ້ເຮືອບິນລຸ້ນນີ້ ທັງທີ່ທຸກປະເທດຊື່ງມີເຮືອບິນລຸ້ນນີ້ປະຈຳການຢູ່ສັ່ງລະງັບໃຊ້ເກືອບທັນທີດ້ວຍຄວາມກັງວົນເລື່ອງຄວາມປອດໄພ ຫຼັງເກີດເຫດກັບເອທິໂອເປຍ ແອຣລາຍ ທີ່ຈະສົ່ງກ໋ອງບັນທຶກຂໍ້ມູນການບິນໄປກວດສອບທີ່ຝຣັ່ງ ເພື່ອວິເຄາະຫາສາເຫດການຕົກຂອງເຮືອບິນຕໍ່ໄປ

Be the first to comment

Leave a Reply

Your email address will not be published.


*