ຈະພັດທະນາວຽກງານສາທາໃຫ້ດີຂຶ້ນເທື່ອລະກ້າວ

ກອງ​ປະ­ຊຸມ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ ວຽກ​ງານ​ຄຸ້ມ​ຄອງ​ພັດ­ທະ­ນາ​ພະ­ນັກ­ງານ ແລະ ຄົ້ນ­ຄວ້າ​ວິ­ທະ­ຍາ­ສາດ​ສາ­ທາ­ລະ­ນະ​ສຸກ ປະ­ຈຳ​ປີ 2018 ຈັດ​ຂຶ້ນ​ວັນ​ທີ 13-15 ມີ­ນາ 2019 ຢູ່​ສູນ​ເຝິກ­ອົບ­ຮົມ​ສູນ​ກາງ​ແນວ​ລາວ​ສ້າງ​ຊາດ ໂດຍ​ເປັນ​ປະ­ທານ​ຂອງ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ມີ​ຮອງ​ລັດ­ຖະ­ມົນ­ຕີ ຫົວ­ໜ້າ​ກົມ ສະ​ຖາ​ບັນ ຫ້ອງ­ການ ພະ​ແນກ​ສາ­ທາ­ລະ­ນະ​ສຸກ​ທົ່ວ​ປະ­ເທດ ແລະ ພະ­ນັກ­ງານ​ຫຼັກ​ແຫຼ່ງ​ເຂົ້າ​ຮ່ວມ.

 

ທ່ານ​ລັດ­ຖະ­ມົນ­ຕີ ກ່າວ​ວ່າ: ວຽກ​ງານ​ກໍ່­ສ້າງ​ຊັບ­ພະ­ຍາ­ກອນ​ມະ­ນຸດ ທີ່​ເປັນ​ຂໍ​ກຸນ­ແຈ​ສຳ­ຄັນ​ໃນ​ການ​ຮັບ​ໃຊ້​ວຽກ​ງານ​ສາ­ທາ­ລະ­ນະ​ສຸກ ໃຫ້​ມີ​ຄຸນ​ນະ​ພາບ​ນັ້ນ ຕ້ອງ​ມີ​ຫຼາຍ​ປັດ​ໄຈ​ສະ­ໜັບ­ສະ­ໜູນ ນັບ​ແຕ່​ພື້ນ­ຖານ​ໂຄງ​ລ່າງ ອາ­ຄານ ຫ້ອງ​ຮຽນ ຫ້ອງ​ທົດ​ລອງ ຫ້ອງ​ສະ­ໝຸດ ມີ​ອຸ­ປະ­ກອນ ຕຳ­ລາ​ຮຽນ ມີ​ໂຮງ­ໝໍ​ເຝິກ​ຫັດ ມີ​ອາ­ຈານ​ທີ່​ມີ​ຄຸນ​ນະ​ພາບ ແລະ ມີ​ປະ­ສົບ​ປະ­ການ ມີ​ຫຼັກ­ສູດ​ທີ່​ເໝາະ​ສົມ​ກັບ​ຍຸກ​ສະ­ໄໝ

ລວມ​ທັງ​ມີ​ລະ­ບົບ​ການ​ຄັດ​ເລືອກ ແລະ ສອບ­ເສັງ​ນັກ​ສຶກ​ສາ ມີ​ລະ­ບົບ​ປະ­ກັນ​ຄຸນ​ນະ​ພາບ​ນັກ​ສຶກ​ສາ ແລະ ສາ­ມາດ​ເຊື່ອມ​ໂຍງ​ກັບ​ຂົງ­ເຂດ ແລະ ສາ­ກົນ​ໄດ້​ການ​ພັດ­ທະ­ນາ​ພະ­ນັກ­ງານ ການ​ສຶກ​ສາ ສາ­ທາ­ລະ­ນະ​ສຸກ ແລະ ຄົ້ນ­ຄວ້າ​ວິ­ທະ­ຍາ­ສາດ ໃຫ້​ມີ​ຄຸນ​ນະ​ພາບ ຈະ​ຊ່ວຍ​ໃຫ້​ກະ­ຊວງ​ສາ​ທາ​ສາ­ມາດ​ບັນ­ລຸ​ຕາມ​ແຜນ​ຍຸດ​ທະ​ສາດ ຫຼຸດ​ພົ້ນ​ອອກ​ຈາກ​ສະ­ພາ­ວະ​ດ້ອຍ​ພັດ­ທະ­ນາ ກ້າວ​ໄປ​ເຖິງ​ການ​ປົກ​ຄຸມ​ສຸ­ຂະ­ພາບ​ທົ່ວ​ປວງ​ຊົນ UHC ໃນ​ປີ 2025 ແລະ ການ​ບັນ­ລຸ​ການ​ພັດ­ທະ­ນາ​ທີ່​ຍືນ​ຍົງ SDG ໃນ​ປີ 2030.

ພາບ-ຂ່າວ: ນສພ ວຽງຈັນໃຫ່ມ

Be the first to comment

Leave a Reply

Your email address will not be published.


*