ແຄ້ນຖືກປະຕິເສດ! ຫນຸ່ມຂົ່ມຂືນລູກສາວອາຍຸ 4 ປີຂອງຍິງທີ່ຕາມຈີບກ່ອນ ຂ້າຕັດຫົວ

ສຳນັກຂ່າວຕ່າງປະເທດລາຍງານໃນ ວັນທີ່ 18 ກຸມພາ 2019 ວ່າ ມີເຫດສະເທືອນຂວັນກໍລະນີ ລ່ວງລະເມີດທາງເພດເດັກ ໃນອິນເດຍ ອີກຄັ້ງ ຫຼັງຈາກຊາຍອາຍຸ 27 ປີ ແຄ້ນທີ່ຖືກຍິງຫມ້າຍຄົນຫນື່ງປະຕິເສດຮັກ ເລີຍແກ້ແຄ້ນດ້ວຍການລັກພາໂຕລູກສາວອາຍຸ 4 ປີຂອງຍິງຫມ້າຍໄປຂົ່ມຂືນກ່ອນຂ້າໂຫດຕັດຫົວຂອງເດັກນ້ອຍ ຈາກນັ້ນນຳຮ່າງໄປຖິ້ມໃນປ່າຫຍ້າບໍ່ໄກຈາກບ້ານ ແລະຫຼົບຫນີໄປໄດ້


ຢ່າງໃດກໍ່ຕາມ ຕຳຫຼວດສາມາດຈັບກຸມຊາຍຄົນດັ່ງກ່າວຊື່ງໃຫ້ການຮັບສາລະພາບຂະນະທີ່ປະຊາຊົນລວມໂຕຊຸມນຸມຮຽກຮ້ອງໃຫ້ທາງການລົງໂທດຂັ້ນເດັດຂາດກັບຊາຍຄົນຮ້າຍ
ຕຳຫຼວດເມືອງໂຄໂປລີລັດມະຫາລາດຣະທາງຕະເວັນຕົກ ຂອງປະເທດອິນເດຍ ເປີດເຜີຍວ່າຄະດີສະຫຍອງນີ້ເກີດຂື້ນເມື່ອວັນທີ່ 12 ກຸມພາ ເຊິ່ງຊາຍຜູ້ຕ້ອງສົງໄສພາລູກສາວຂອງຍິງຫມ້າຍຊື່ງຍ່າງກາຍໄປທີ່ບ້ານຕົນກັບມາສົ່ງ ແລະເວົ້າຈາກ້ຽວພາຣາສີແມ່ຂອງເດັກຍິງແຕ່ຖືກປະຕິເສດລວມເຖິງຖືກດ່າຢ່າງຮຸນແຮງຕໍ່ຫນ້າຊາວບ້ານ


ສົ່ງຜົນໃຫ້ຊາຍຫນຸ່ມເຈັບແຄ້ນຈຶ່ງລົງມືກໍ່ເຫດຈັບລູກສາວຍິງຫມ້າຍໄປທີ່ເຮືອນຂອງໂຕເອງແລ້ລົງມືຂົ່ມຂືນ ແລະຂ້າ ແຕ່ຍັງບໍ່ຫນຳໃຈຊາຍຄົນຮ້າຍຕັດຫົວຂອງເດັກນ້ອຍອອກ ກ່ອນລອກຫນັງບໍລິເວນໃບຫນ້າເພາະບໍ່ຕ້ອງການໃຫ້ຕຳຫຼວດຮູ້ວ່າເປັນໃຜ ແລ້ວນຳສົບໄປຖິ້ມໃນປ່າຫຍ້າຫ່າງຈາກບ້ານຂອງເດັກຍິງປະມານ 300 ແມັດ


ດ້ານແມ່ຂອງເດັກພໍຮູ້ວ່າລູກສາວຫາຍໂຕໄປກໍ່ຮີບອອກຕາມຫາ ແລະໄປແຈ້ງຄວາມຕໍ່ມາບໍ່ດົນຕຳຫຼວດກໍ່ພົບຮ່າງຂອງເດັກຍິງ ຈາກການສືບສວນຂະຫຍາຍຜົນເຈົ້າຫນ້າທີ່ນຳກຳລັງໄປເຮືອນຂອງຊາຍຜູ້ຕ້ອງສົງໄສ ແລະພົບເຫັນມີດເປື້ອນເລືອດ ຈື່ງຈັບກຸມນຳໂຕມາດຳເນີນຄະດີໃນທີ່ສຸດ

Be the first to comment

Leave a Reply

Your email address will not be published.


*