ອີຣ່ານ ຍອມຮັບບໍ່ປະສົບຄວາມສຳເລັດໃນການສົ່ງດາວທຽມ ສອງຄັ້ງໃນສອງເດືອນ

ສຳນັກຂ່າວຕ່າງປະເທດລາຍງານໃນວັນທີ 16 ກຸມພາ 2019 ວ່າ ທ່ານໂມຮັມຫມັດ ຈາວັດ ຊາຣີຟ ລັດຖະມົນຕີກະຊວງການຕ່າງປະເທດອິຣ່ານຍອມຮັບວ່າ ຄວາມພະຍາຍາມສົ່ງດາວທຽມຂື້ນສູ່ອາວະກາດ ບໍ່ປະສົບຄວາມສຳເລັດທັງໃນເດືອນຜ່ານມາ ແລະເດືອນນີ້ ກະຊວງການຕ່າງປະເທດອີຣ່ານບໍ່ໃຫ້ຄວາມເຫັນຕໍ່ລາຍງານຂ່າວນີ້

ສຳນັກຂ່າວຣອຍເຕີລາຍງານວ່າ ຖ້າຫາກທ່ານຊາຣີຟ ຢືນຢັນດັ່ງນັ້ນແທ້ກໍ່ໜ້າຈະເຮັດໃຫ້ຄວາມສຳພັນລະຫວ່າງສະຫະລັດກັບອີຣ່ານເຄັ່ງຕຶງຂື້ນ ເພາະສະຫະລັດຢ້ານວ່າອີຣ່ານຈະໃຊ້ເທັກໂນໂລຢີຈະຫລວດນຳວິຖີພິໄວໄກສົ່ງດາວທຽມເຂົ້າສູ່ອາວະກາດໄປໃຊ້ຕິດຫົວຮົບນິວເຄຼຍ ອີຣ່ານຖືວ່າໂຄງການອາວະກາດເປັນຄວາມພາກພູມໃຈລະດັບປະເທດ ແລະຢືນຢັນວ່າການຍິງດາວທຽມແລະຈະຫລວດ ບໍ່ລະເມີດມະຕິຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ

ເມື່ອເດືອນຜ່ານມາອີຣ່ານເຜີຍວ່າ ພະຍາຍາມປ່ອຍດາວທຽມແຕ່ຄວາມໄວບໍ່ເຖິງເລີຍຕົກລົງມາ ແລະກະຊວງໂທລະຄົມມະນາຄົມອີຣ່ານ ຖະແຫລງໃນເວລານັ້ນວ່າ ດາວທຽມດັ່ງກ່າວເປັນດາວທຽບຖ່າຍພາບ ແລະສື່ສານ ຕັ້ງໃຈໃຫ້ໂຄຈອນຢູ່ໃນອາວະກາດເປັນເວລາ 3 ປີ ອີຣ່ານປ່ອຍດາວທຽມຜະລິດເອງໃນປະເທດເມື່ອປີ 2009 ສະຫລອງຄົບຮອບ 30 ປີການປະຕິວັດອິສລາມ ສ່ວນເດືອນນີ້ອີຣ່ານສະຫລອງຄົບຮອບ 40 ປີ ການປະຕິວັດອິສລາມ.

Be the first to comment

Leave a Reply

Your email address will not be published.


*