5 ວິທີຊ່ວຍຝຶກສະໝອງໃຫ້ລູກມີຄວາມຈື່ຈຳດີ

ເພາະ​ສະ­ໝອງ​ຄື​ສ່ວນ​ສຳ­ຄັນ ແລະ​ສາ­ມາດ​ພັດ­ທະ­ນາ​ໄດ້​ຕັ້ງ ແຕ່​ຍັງ​ນ້ອຍ​ໄປ​ຈົນ​ເຖິງ​ໄວ​ສູງ​ອາ­ຍຸ ຊຶ່ງ​ວິ­ທີ​ພັດ­ທະ­ນາ​ສະ­ໝອງ​ໃຫ້​ລູກ​ມີຄວາມ​ຈື່​ຈຳ​ທີ່​ດີ​ນັ້ນ​ແມ່ນ​ສາ­ມາດ​ເຮັດ​ໄດ້​ງ່າຍໆ​ດັ່ງ­ນີ້
ເຝິກ​ໃຫ້​ລູກ​ຂຽນ​ຫຼື​ຈົດ​ບັນ­ທຶກ: ຜູ້​ເປັນ​ພໍ່່-ແມ່​ຄວນ​ຝຶກ​ໃຫ້​ລູກ​ຈົດ​ບັນ ທຶກ​ເລື່ອງ​ລາວ​ຕ່າງໆ​ລົງ​ໃນ​ປື້ມ​ບັນ­ທຶກ​ເປັນ​ປະ­ຈຳ ວິ­ທີ​ນີ້​ຈະ​ຊ່ວຍ ຝຶກ​ທັກ​ສະ​ເລື່ອງ​ຂອງ​ພາ­ສາ​ໃນ​ການ​ຂຽນ ແລະ​ການ​ລຳ­ດັບ​ເລື່ອງ ລາວ​ຢ່າງ​ເປັນ​ຂັ້ນ​ເປັນ​ຕອນ ທັງ​ຊ່ວຍ​ໃຫ້​ລູກ​ຮູ້­ຈັກ​ການ​ຮີບ​ໂຮມ ຄວາມ​ຄິດ ແລະ​ຝຶກ​ການ​ຈົດ​ຈຳ​ເລື່ອງ​ລາວ​ຕ່າງໆ​ໄດ້​ເປັນ​ຢ່າງ​ດີ.

ຫຼິ້ນ​ເກມ​ຫຼື​ຫາ​ເກມ​ທີ່​ພັດ­ທະ­ນາ​ຄວາມ​ຈຳ​ຝຶກ​ທັກ​ສະ​ເຊັ່ນ:ຫາເກມ​ທີ່​ມີ​ຄຳ​ສັບ, ເກມ​ບິງ​ໂກ, ເກມ​ຕໍ່​ຈິກ​ຊໍ ເປັນ­ຕົ້ນ ເພາະ​ສາ ມາດ​ຊ່ວຍ​ເພີ່ມ​ຄວາມ​ຈື່​ຈຳ​ຂອງ​ສະ­ໝອງ​ໄດ້​ດີ.
ສົ່ງ­ເສີມ​ໃຫ້​ລູກ​ຫຼິ້ນ​ດົນ­ຕີ ຫຼື ຟັງ​ເພງ: ການ​ຟັງ​ເພງ ແລະ​ຫຼິ້ນ​ດົນ­ຕີ ຈະ​ເຮັດ​ໃຫ້​ເດັກ​ສາ­ມາດ​ຈື່​ເນື້ອ​ໃນ ແລະ​ຄອສ​ເພງ​ໄດ້​ດີ ເພາະ​ດົນ­ຕີ​ເປັນ​ສື່​ທີ່​ນອກ­ຈາກ​ຈະ ຊ່ວຍ​ຜ່ອນ­ຄາຍ​ອາ­ລົມ​ຍັງ​ສາ­ມາດ​ພັດ­ທະ­ນາ​ຄວາມ​ຄິດ ສ້າງ­ສັນ ແລະ​ຈິນ­ຕະ­ນາ­ການ​ໃຫ້​ແກ່​ເດັກ​ດ້ວຍ.

ຮັບ​ປະ­ທານ​ອາ­ຫານ​ທີ່​ຊ່ວຍ​ເພີ່ມ​ຄວາມ​ຈຳ: ໃຫ້​ລູກໄດ້​ກິນ​ອາ­ຫານ​ທີ່​ມີ​ຄຸນ­ຄ່າ ແລະ​ຊ່ວຍ​ເພີ່ມ​ຄວາມ​ຈຳ​ເຊັ່ນ: ຜັກ,ໝາກ​ໄມ້ ເພາະ​ມີ​ວິ­ຕາ­ມິນ​ບີ2 , ກົດ​ໂຟ​ລິກ ທີ່​ຊ່ວຍ ປ້ອງ​ກັນ​ສະ­ໝອງ​ເສື່ອມ ນອກ­ຈາກ​ນີ້​ຍັງ​ໃຫ້​ລູກ​ໄດ້​ກິນ​ຊີ້ນ​ສັດ, ອາ­ຫານ​ທະ­ເລ ເພາະ​ມີ​ທາດ​ເຫຼັກ​ທີ່​ຊ່ວຍ​ກະ​ຕຸ້ນ ການ​ເຮັດ​ວຽກ​ຂອງ​ສະ­ໝອງ​ຂ້າງ​ຊ້າຍ​ໃນ​ເລື່ອງ​ຂອງ​ຄວາມ​ຈຳ.

ການ​ອອກ­ກຳ­ລັງ​ກາຍ: ການ​ອອກ­ກຳ­ລັງ​ກາຍ­ເປັນ​ກິດ­ຈະ­ກຳ​ໜຶ່ງ​ທີ່​ຊ່ວຍ​ເພີ່ມ​ປະ­ສິດ­ທິ­ພາບ​ໃນ​ເລື່ອງ​ຂອງ ຄວາມ​ຈຳ​ຂອງ​ເດັກ​ໄດ້​ເປັນ​ຢ່າງ​ດີ ເພາະ​ຂະ­ນະ​ທີ່​ເດັກ​ໄດ້​ເຄື່ອນ​ໄຫວ​ຮ່າງ­ກາຍ​ບໍ່​ວ່າ​ຈະ​ຍ່າງ, ກະ­ໂດດ ແລະ ແລ່ນ​ຈະ​ສົ່ງ​ຜົນ​ໃນ​ການ​ກະ​ຕຸ້ນ​ໃຫ້​ເລືອດ​ໄປ​ລ້ຽງ​ສະ­ໝອງ​ໄດ້​ຫຼາຍ​ຂຶ້ນ ເຮັດ​ໃຫ້​ສະ­ໝອງ​ພ້ອມ​ທີ່​ຈະ​ເປີດ​ຮັບ​ຕໍ່ ການ​ຈື່​ຈຳ​ໃນ​ການ​ຮຽນ​ຮູ້​ສິ່ງ​ໃໝ່ໆ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *