ອາເມຣິກາ ທ້າທາຍຈີນ ສົ່ງເຮືອພິຄາດ 2 ລໍາ ເຂົ້າໃກ້ເກາະພິພາດທະເລຈີນໃຕ້

ສໍານັກຂ່າວຕ່າງປະເທດລາຍງານວ່າ ເມື່ອວັນຈັນທີ່ 11 ກຸມພາ 2019 ວ່າເຮືອພິຄາດ “ຢູເອສເອສ ສປຣູເອຊ” ກັບເຮືອພິຄາດ “ຢູເອສເອສ ເພຣເບິລ” ເຄື່ອນຕົວເຂົ້າໃກ້ໝູ່ເກາະສະແປຣດລີ ທີ່ຈີນອ້າງເປັນເຈົ້າຂອງ ພາຍໃນໄລຍະ 20 ກິໂລແມັດ ຫຼັງເມື່ອເດືອນກ່ອນກໍ່ເຮັດແບບດຽວກັນມາແລ້ວ ຈົນຈີນອອກມາປະນາມ ແລະ ເຄື່ອນກໍາລັງມິສໄຊເພື່ອຕອບໂຕ້
ນາວາໂທ ເຄລຍ ດອສ ໂຄສົກກອງທັບເຮືອທີ່ 7 ຂອງກອງທັບເຮືອສະຫະລັດ ບອກກັບສໍານັກຂ່າວ ຊີເອັນເອັນວ່າ ປະຕິກິລິຍາດັ່ງກ່າວມີຂື້ນເພື່ອທ້າທາຍການອ້າງເປັນເຈົ້າຂອງໃນທະເລທີ່ເກີນກວ່າຈະຍອມຮັບໄດ້ ແລະ ເພື່ອປົກປ້ອງການເຂົ້າເຖິງເສັ້ນທາງນໍ້າທີ່ຢູ່ພາຍໃຕ້ກົດໝາຍລະຫວ່າງປະເທດ

“ປະຕິບັດການທັງໝົດກະທໍາຢ່າງສອດຄ້ອງກັບກົດໝາຍລະຫວ່າງປະເທດ ແລະ ພິສູດໃຫ້ເຫັນວ່າສະຫະລັດ ຈະບິນ , ລ່ອງເຮືອ ແລະ ອອກປະຕິບັດ ໃດໆ ທີ່ໄດ້ຮັບອະນຸຍາດຕາມກົດໝາຍລະຫວ່າງປະເທດ” ທ່ານ ດອສສກ່າວ ແລະ ເສີມວ່າ “ນັ້ນເປັນຄວາມຈິງທີ່ເກີດຂື້ນໃນທະເລຈີນໃຕ້ ແລະ ທະເລອື່ນໆທົ່ວໂລກ”

ທັງນີ້ເຫດການເມື່ອວັນຈັນ ນັບເປັນຄັ້ງທີ່ 2 ໃນປີນີ້ທີ່ສະຫະລັດ ສົ່ງເຮືອເຂົ້າໃກ້ເກາະພິພາດໃນທະເລຈີນໃຕ້ທີ່ຈີນອ້າງເປັນເຈົ້າຈອງ ໂດຍຄັ້ງທໍາອິດເກີດຂື້ນເມື່ອເດືອນມັງກອນ ເຮືອພິຄາດ “ເຮືອພິຄາດ ແມກແຄມເບລ” ແລ່ນເຂົ້າໃກ້ໝູ່ເກາະພາຣາເຊລ ເຊິ່ງຫຼັງຈາກເກີດເຫດການຄັ້ງນັ້ນ ທາງການຈີນກໍ່ອອກມາກ່າວວ່າສະຫະລັດ ວ່າລຸກລໍ້ານ່ານນໍ້າຂອງຕົນ ແລະ ວ່າໄດ້ເຄື່ອນກໍາລັງຂີປະນາວຸດທີ່ມີຂີດຄວາມສາມາດໃນການໂຈມຕີເຮືອຂະໜາດກາງ ແລະ ຂະໜາດໃຫຍ່ເພື່ອຕອບໂຕ້ແລ້ວ

“ການກະທໍາຂອງສະຫະລັດ ລະເມີດກົດໝາຍຂອງຈີນ ແລະ ກົດໝາຍລະຫວ່າງປະເທດ ລະເມີດອະທິປະໄຕຂອງຈີນ ,ທໍາລາຍຄວາມສະຫງົບສຸກ ,ຄວາມໝັ່ນຄົງ ແລະ ຄວາມເປັນລະບຽບຮຽບຮ້ອຍໃນພູມິພາກ” ທ່ານ ຫລູ່ ຄັງໂຄສົກກະຊວງການຕ່າງປະເທດຈີນກ່າວເມື່ອເດືອນມັງກອນ “ຈີນຈະໃຊ້ມາດຕາການທີ່ຈໍາເປັນເພື່ອປົກປ້ອງປະທິປະໄຕຂອງປະເທດ”

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *