ຫລວງພະບາງ ມອບເງິນຄ່າຊົດເຊີຍ ໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ

ພິທີມອບເງິນຄ່າຊົດເຊີຍໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ ຊ່ວງຜ່ານ ຫຼວງພະບາງງວດທີ 2 ຂອງແຂວງ (ງວດ 4 ຂອງໂຄງການ) ໄດ້ຈັດຂຶ້ນໃນ ວັນທີ 8 ກຸມພາ 2019 ນີ້ ຢູ່ຫ້ອງປະຊຸມຂອງຫ້ອງວ່າການປົກ ຄອງນະຄອນຫຼວງພະບາງ, ໂດຍເປັນປະທານຂອງ ທ່ານ ຈັນທະວົງ ພົນນະຈິດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫຼວງພະບາງ ,ຮອງຄະນະປະທານງານໂຄງການກໍ່ສ້າງທາງລົດໄຟ ລາວ-ຈີນ ພ້ອມດ້ວຍຄະນະຮັບຜິດ ຊອບການເບີກຈ່າຍເງິນຄ່າຊົດເຊີຍສິ່ງກີດຂວາງຂອງໂຄງການກໍ່ສ້າງທາງລົດໄຟ ລາວ-ຈີນ, ມີປະຊາຊົນຜູ້ທີ່ໄດ້ຮັບຜົນກະທົບພາຍໃນນະຄອນຫຼວງພະບາງ ເຂົ້າຮ່ວມ.


ທ່ານ ຈັນທະວົງ ຜົນນະຈິດ ຫົວໜ້າພະແນກຊັບພະຍາກອນທຳມະຊາດ ແລະ ສິ່່ງແວດລ້ອມ ແຂວງຫຼວງພະບາງ,ຮອງຄະນະປະທານໂຄງການກໍ່ສ້າງທາງລົດໄຟ ລາວ-ຈີນ ກ່າວວ່າ: ໂຄງການກໍ່ສ້າງທາງລົດໄຟລາວ-ຈີນ ເປັນໂຄງການໃຫຍ່ລະດັບຊາດ ເຊິ່ງເສັ້ນທາງການກໍ່ສ້າງໄດ້ກວມເອົາທີ່ຢູ່ອາໄສຕະ ຫຼອດຮອດເນື້ອທີ່ທຳການຜະລິດຂອງພໍ່ແມ່ປະຊາ ຊົນເປັນຈຳນວນຫຼາຍຖືກເສຍຫາຍ, ສະນັ້ນລັດຖະ ບານໄດ້ໃຫ້ຄວາມສຳຄັນ ແລະ ເອົາໃຈໃສ່ຕິດຕາມຕະຫຼອດມາໃນການຊົດເຊີຍຄ່າເສຍຫາຍຂອງປະຊາຊົນໃຫ້ມີຄວາມຍຸດຕິທຳ, ມີຄວາມໂປ່ງໃສ່, ຖືກຕ້ອງຕາມລະບຽບການ ແລະ ສາມາດກວດສອບໄດ້.

ສໍາລັບແຂວງຫຼວງພະບາງການມອບເງິນສົດເຊີຍໃຫ້ຜູ້ຖືກຜົນກະທົບແມ່ນຊ້າຫຼຸດແຂວງອື່ນໆເນື່ອງຈາກການເກັບກໍາຂໍ້ມູນບໍ່ລະອຽດ ແລະ ມາຮອດເດືອນ ກຸມພາ 2019 ນີ້ ທາງຄະນະຮັບຜິດຊອບໄດ້ເລີ່ມໂຄງການເບີກຈ່າຍ ມອບເງິນຄ່າຊົດເຊີຍໃຫ້ແກ່ຜູ້ທີ່ໄດ້ຮັບຜົນກະທົບຈາກໂຄງການກໍ່ສ້າງທາງລົດໄຟ ລາວ-ຈີນ. ສຳລັບມູນຄ່າຊົດເຊີຍຜ່ານຫຼວງພະບາງມີທັງໝົດ 255 ຕື້ກວ່າກີບ ແລະ ຜ່ານມາໄດ້ມອບໄປແລ້ວ 3 ງວດ ແລະ ໃນຄັ້ງນີ້ ເປັນຊຸດທີ 4 ຂອງໂຄງການ, ລວມມູນຄ່າ 7 ຕື້ກວ່າກີບ, ກວມເອົາ 3 ບ້ານ ຄື: ບ້ານ ພອນໄຊ, ບ້ານນູນສະຫວາດ ແລະ ບ້ານ ກົກງິ້ວ ມີທັງໝົດ 39 ຄອບຄົວ.


ໃຫ້ກຽດມອບເງິນຊົດເຊີຍຄັ້ງນີ້ໂດຍແມ່ນ ທ່ານ ຈັນທະວົງ ຜົນນະຈິດ ຫົວໜ້າພະແນກຊັບພະຍາ ກອນທຳມະຊາດ ແລະ ສິ່ງແວດລ້ອມ ແຂວງຫຼວງພະບາງ,ຮອງຄະນະປະທານໂຄງການກໍ່ສ້າງທາງລົດໄຟ ລາວ-ຈີນ ແລະ ຄອບຄົວຜູ້ທີ່ຖືກຜົນກະທົບ ພັດປ່ຽນກັນຂຶ້ນຮັບ ໂດຍຊ້ອງໜ້າຂອງຜູ້ເຂົ້າຮ່ວມເປັນສັກຂີພິຍານ. ຂ່າວ: ຂ່າວສານຫລວງພະບາງ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *