ສິ່ງທີ່ຕ້ອງຮູ້ກ່ອນຮຽນຈົບວິຊາຊີບ

ຕັ້ງເປົ້າໝາຍໃນຊີວິດໃຫ້ໄດ້ໄວທີ່ສຸດເທົ່າທີ່ຈະໄວໄດ້.
ການຮຽນໃນມະຫາວິທະຍາໄລໄດ້ເອົາຄວາມຮູ້ມາໃຊ້ໃນວຽກຕົວຈິງພຽງ 20% ດັ່ງນັ້ນຄວນຕັ້ງໃຈຮຽນແຕ່ປະມານ ແລະຫາປະສົບການໃຫ້ຫຼາຍໆ.
ການເຮັດກິດຈະກຳສຳຄັນຫຼາຍ ເພາະ ເກຣດເຮັດໃຫ້ຄົນມີວຽກເຮັດງານທຳ ແຕ່ກິດຈະກຳຊ່ວຍໃຫ້ຄົນເຮັດວຽກເປັນ.
ທ່ານເລີ່ມມີຊີວິດເມື່ອເກີດຈາກທ້ອງແມ່ ແຕ່ທ່ານຈະເລີ່ມໃຊ້ຊີວິດຕັ້ງແຕ່ຮຽນຈົບ.

ໝູ່ເພື່ອນສຳຄັນຫຼາຍ ພະຍາຍາມຄົບໝູ່ເພື່ອນໃນຫຼາຍໆແວດວົງ, ເຝິກໃຫ້ຕົນມີມະນຸດສຳພັນທີ່ດີ ເພາະຄຳວ່າ ໝູ່ສະໄໝຮຽນ ຈະກາຍເປັນເຄືອຂ່າຍຄວາມສໍາພັນຕໍ່ໄປໃນອະນາຄົດອີກຍາວນານ.
ເກັ່ງຮຽນ ບໍ່ເທົ່າເກັ່ງກິດຈະກຳ ເກັ່ງກິດຈະກຳບໍ່ເທົ່າກັບເກັ່ງຄົນ ຄືຮູ້ທັນຄົນ, ເອົາຊະນະໃຈຄົນ, ຮູ້ໃຊ້ຄົນ, ຮູ້ຄົນທີ່ເປັນມິດ ແລະສັດຕູ.
2ທັກສະທີ່ຕ້ອງມີໃນສະໄໝນີ້ຄື ທັກສະພາສາສາກົນ ແລະທັກສະທາງດ້ານ online

ເວລາໄປຮຽນ ຢ່າຮຽນແຕ່ໜັງສື ໃຫ້ຮຽນຮູ້ທັກສະຊີວິດ
ຢ່າເລືອກຮຽນວິຊາທີ່ໄດ້ຄະແນນສູງພຽງຢ່າງດຽວ ເນັ້ນໜັກການຮຽນວິຊາທີ່ສາມາດນຳເອົາໄປຕໍ່ຍອດໄດ້ດີກວ່າ.
ເດີນທາງໄປທ່ຽວຫຼາກຫຼາຍບ່ອນຈະໄດ້ເຫັນໂລກໃບເກົ່າໃນມຸມມອງທີ່ແຕກຕ່າງ
ເຮັດກິດຈະກຳຊ່ວຍເຫຼືອສັງຄົມ ອາສາສະໝັກຕ່າງໆ ເພື່ອປູກຈິດສຳນຶກການເປັນຜູ້ໃຫ້ ແລະຮຽນຮູ້ສັງຄົມທີ່ຫຼາກຫຼາຍ

ບໍ່ຈຳເປັນຕ້ອງຮຽນຈົບຈຶ່ງເລີ່ມເຮັດວຽກ ຍິ່ງເຮັດວຽກໄວເທົ່າໃດ, ຍິ່ງເຊົາຂໍເງິນພໍ່ແມ່ໄດ້ໄວເທົ່າໃດ  ຍິ່ງມີໂອກາດປະສົບຜົນສຳເລັດໄດ້ໄວເທົ່ານັ້ນ (ແຕ່ຢ່າປະການຮຽນເດີ)
ອ່ານປຶ້ມຫຼາຍຫົວຫຼາຍ ເພາະ ຮອບຮູ້ເຄິ່ງໂລກເມື່ອໄດ້ອ່ານໜັງສື
ຢ່າຫຼົງລະເລີງກັບຄວາມຮັກຈົນລືມຕົວ, ລືມຄອບຄົວ ແລະອະນາຄົດ

ກ່ອນຮຽນຈົບໜ້າທີ່ສຳຄັນຄືຄົ້ນຫາຕົວເອງໃຫ້ພົບ ຖ້າເຮົາຍັງຫາຕົວເອງບໍ່ເຫັນ ໂລກນີ້ກໍບໍ່ມີທີ່ຢືນສຳລັບເຮົາ.
ສຸດທ້າຍຂໍເພີ່ມຕື່ມ ໜຶ່ງຂໍ້ຄິດ ຫຼາຍຄົນຄົງຈະເຫັນວ່າມະຫາເສດຖີຫຼາຍຄົນ ເຊັ່ນຜູ້ສ້າງໄມໂຄຣຊັອບ, ເຟຊບຸກ, ໄອໂຟນ… ພວກເຂົາຮຽນບໍ່ຈົບກໍສາມາດປະສົບຜົນສຳເລັດໃນຊີວິດໄດ້ ນັ້ນເພາະເຂົາມີເປົ້າໝາຍຊີວິດອັນຊັດເຈນ ແຕ່ມັນກໍເປັນໜຶ່ງໃນລ້ານຄົນເທົ່ານັ້ນ! ສຳລັບເຮົາຫາກບໍ່ມີເປົ້າໝາຍຊັດເຈນ ກໍຈົ່ງຮຽນໄປເທາະ ເພາະເຈ້ຍບາງໆແຜນດຽວທີ່ເອີ້ນວ່າໃບປະກາດ ອາດຊ່ວຍໃຫ້ຮັບປະກັນໃຫ້ມີຊ່ອງທາງທຳມະຫາກິນໄດ້.

Be the first to comment

Leave a Reply

Your email address will not be published.


*