ສະຫະລັດ ເຕືອນປະເທດພັນທະມິດ ຫລີກລ້ຽງການຕິດຕັ້ງອຸປະກອນ ຫົວເວີ່ຍ ຖ້າບໍ່ຢາກມີບັນຫາກັບສະຫະລັດ

ສຳນັກຂ່າວຕ່າງປະເທດລາຍງານໃນວັນທີ 12 ກຸມພາ 2019 ວ່າ ທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດສະຫະລັດໄດ້ກ່າວລະຫວ່າງການເດີນທາງຢ້ຽມຢາມປະເທດຮັງກາລີເປັນໄນໆວ່າ ຫາກປະເທດໃດທີ່ຕິດຕັ້ງອຸປະກອນຂອງບໍລິສັດຫົວເວີ່ຍ ອາດຈະມີບັນຫາດ້ານຄວາມຮ່ວມມືກັບສະຫະລັດໃນພາຍຫຼັງ

ທ່ານ ປອມເປໂອໄດ້ກ່າວຍົກຕົວຢ່າງເຖິງປະເທດຮັງກາຣີວ່າ ການທີ່ຮັງກາຣີມີສັນຍາຕິດຕັ້ງອຸປະກອນຫົວເວີ່ຍໃນເຄືອຂ່າຍໂທລະຄົມມະນາຄົມຂອງຕົນ ອາດຈໍາກັດໂອກາດການຊື້ອຸປະກອນຂອງສະຫະລັດໃນພາຍຫຼັງ “ເຮົາຕ້ອງແນ່ໃຈວ່າຫາກຈຸດທີ່ຕິດຕັ້ງລະບົບສໍາຄັນຂອງອາເມຣິກາມີອຸປະກອນຫົວເວີ່ຍຮ່ວມດ້ວຍ ຄົງເປັນການຍາກທີ່ສະຫະລັດກັບຊາດນັ້ນເຮັດວຽກຮ່ວມກັນໄດ້” ທ່ານ ປອມເປໂອກ່າວກັບນັກຂ່າວ


ສະຫະລັດຕ້ອງເຮັດໃຫ້ຊັດເຈນວ່າແມ່ນຫຍັງຄືໂອກາດ ແລະ ຄວາມສ່ຽງຄວາມປອດໄພຫາກປະເທດນັ້ນຕັດສິນໃຈຮັບຄວາມສ່ຽງດ້ວຍຕົນເອງ ຢ່າງໃດກໍ່ຕາມທ່ານປອມເປໂອ ບໍ່ລະບຸຢ່າງຊັດເຈນວ່າລະບົບສໍາຄັນຂອງອາເມຣິກາຄືຫຍັງ ການເດີນທາງຢ້ຽຢາມຮັງກາຣີຄັ້ງນີ້ເປັນຈຸດໝາຍທໍາອິດຂອງທ່ານ ປອມເປໂອ ເຊິ່ງຢູ່ລະຫວ່າງການເດີນທາງຢ້ຽມຢາມປະເທດໃນແຖບຢູໂຣບກາງຫຼາຍປະເທດ ເຊິ່ງລວມເຖິງໂປແລນ ແລະ ສະໂລວາເກຍ ເຊິ່ງນັບເປັນປະຕູສູ່ຣັດເຊຍ


ລັດຖະບານສະຫະລັດທີ່ຕ້ອງການເພີ່ມຄວາມເປັນຫຸ້ນສ່ວນກັບຮັງກາຣີ ແລະ ປະເທດຢູໂຣບກາງເຕືອນປະເທດທີ່ໃຊ້ອຸປະກອນຂອງຫົວເວີ່ຍວາງໂຄງສ້າງພື້ນຖານສໍາຄັນວ່າ ຈະເປີດຊ່ອງໃຫ້ເກດຄວາມສ່ຽງດ້ານຄວາມໝັ້ນຄົງ ພ້ອມກັບຊວນໃຫ້ຫັນໄປໃຊ້ອຸປະກອນຂອງບໍລິສັດອາເມຣິກາແທນ ເຊັ່ນ ຊິສໂກຊິສເຕັມອິງ ແທນ

ທັງນີ້ຫົວເວີ່ຍໄດ້ຮັບໂອກາດໃນການລົງທຶນດ້ານຄົມມະນາຄົມໃນຮັງກາຣີກວ່າ 70 % ຮ່ວມກັບຜູ້ໃຫ້ບໍລິການເຄືອຂ່າຍໂທລະຄົມໃນທ້ອງຖິ່ນ

Be the first to comment

Leave a Reply

Your email address will not be published.


*