ຢາກຮູ້ວ່ານົມສົ​ດ​ບໍ່​ປະສົມ​ນົມ​ຜົງ​ ມີ​ຢີ່​ຫໍ້​ຫຍັງ​ແດ່?? ພ້ອມ​ວິທີ​ທົດສອບ

ຢາກຮູ້ວ່ານົມສົ​ດ​ບໍ່​ປະສົມ​ນົມ​ຜົງ​ ມີ​ຢີ່​ຫໍ້​ຫຍັງ​ແດ່?? ພ້ອມ​ວິທີ​ທົດສອບ​
ໃນ​ຕະຫຼາດ​ມີນົ​ມ​ຫຼວງ​ຫຼາຍ​ວາງ​ຂາຍ​ຢູ່​ທົ່ວ​ໄປ​ ຫຼາກ​ຫຼາຍ​ຊະນິດ​ ​ຫຼາຍ​ຢີ່​ຫໍ້​ ແຕ່​ຖ້າ​ເວົ້າ​ຕາມ​ຄວາມຈິງ​ແລ້ວ​ຈະມີ​​ຢີ່​ຫໍ້ຫຍັງແດ່​ທີ່​ເປັນ​ນົມ​​ແທ້​ 100% ທີ່​ບໍ່​ໄດ້​ມີ​ການ​ປະສົມ​ນົມ​ຜົງ​ລົງ​ໄປ.


ເປັນຫຍັງ​ຈຶ່ງ​ມີຊໍ້າ​ນີ້​ ແລ້ວ​ການ​ປະສົມ​ນົມ​ຜົງ​ກໍ່​ໃຫ້​ເກີດ​ຜົນແນວໃດຕໍ່​ຄຸນນະ ພາບ​ນ້ຳ​ນົມ​ ມື້​ນີ້​ເຮົາ​ມີ​ຄຳ​ຕອບ​ມາ​ບອກ​ເຈົ້າ​ ພ້ອມ​ວິທີ​ສັງເກດ​ງ່າຍໆ​ທີ່​ຈະ​ເຮັດໃຫ້​ເຈົ້າ​ກວດ​ສອບ​ນ້ຳ​ນົມ​ທີ່​ກຳ​ລັງ​ຈະ​ດື່ມ​ໄດ້​ດີ​ ຫາກ​ເຈົ້າ​ຕ້ອງ​ການ​ດື່ມ​ນົມ​​ແທ້​ 100% ຕ້ອງ​ອ່ານ​ດ່ວນ​!
ນົມ​ UHT ທີ່​ວາງ​ຂາຍ​ໃນ​ຕະຫຼາດ​ສາມາດ​ແບ່ງ​ອອກ​ໄດ້​ 2ຊະນິດ​ ຄື:


1. ນົມ​ງົວ​ທີ່​ມີ​ການ​ປະສົມ​ນົມ​ຜົງ​ຄືນ​ຮູບ​ທີ່​ນຳ​ເຂົ້າ​ມາ​ຈາກ​ຕ່າງ​ປະເທດ.
2. ນົມ​ງົວສົດ​ທີ່​ບໍ່​ມີ​ການ​ປະສົມ​ນົມ​ຜົງ​ຄືນ​ຮູບ​ ນົມ​ປະ​ເພດ​ທີ່​ 2 ຈະ​ມີ​ລາ​ຄາ​ສູງ​ກວ່ານົມປະ​ເພດ​ທີ່​ 1 ເນື່ອງ​ຈາກ​ການ​ຕື່ມ​ນົມ​ຜົງ​ຈະ​ຊ່ວຍ​ຫຼຸດ​ຕົ້ນ​ທືນ​ຂອງ​ນ້ຳ​ນົມ​ໄດ້​ ຊຶ່ງ​ເຖິງວ່າ​ນົມ​ທຸກ​ຢີ່​ຫໍ້​ຈະ​ຂຽນ​ຂ້າງ​ກ່ອງ​ວ່າ​ “ມີ​ສ່ວນ​ປະກອບ​ຈາກ​ນົມ​ງົວສົດ​ແທ້​ 100%” ແຕ່​ໃນ​ຄວາມ​ເປັນ​ຈິງ​ນັ້ນ​ ກັບ​ມີ​ຄວາມ​ແຕກ​ຕ່າງ​ກັນ​ຂອງ​ອົງ​ປະກອບ​ພາຍ​ໃນ​ໂດຍ​ສິ້ນ​ເຊີງ​ ແຕ່​ບໍ່​ໄດ້ຮັບ​ການ​ກຳນົດ​ມາດຕະຖານ​ທີ່​ແນ່ນອນ​ໂດຍ​ພາກ​ລັດ​ ເຮັດໃຫ້​ທຸກ​ຢີ່​ຫໍ້​ສາມາດ​ກ່າວ​ອ້າງ​ໄດ້​ວ່າ​ເປັນ​ນົມ​ງົວ​ແທ້​ 100% ທັງ​ທີ່​ໃນ​ຄວາມ​ເປັນ​ຈິງ​ແລ້ວ​ມີ​ການ​ປະສົມ​ນົມ​ຜົງ​ລົງ​ໄປ​ບາງ​ສ່ວນ​ ແລະ ​ບໍ່​ຖື​ວ່າ​ຜິດ​ກົດໝາຍ​ແນວໃດ.​


ນົມ​ງົວສົດ​ທີ່​ບໍ່​ມີ​ການ​ຕື່ມ​ນົມ​ຜົງ​ລົງ​ໄປ​ຈະໃຫ້​ຄຸນຄ່າ​ທາງ​ອາຫານ​ສູງ​ກວ່າ​ ແລະ ​ມີ​ສິ່ງ​ປອມ​ປົນ​ນ້ອຍ​ກວ່ານົ​ມ​ UHT ທີ່​ມີ​ການ​ໃຊ້​ນົມ​ຜົງ​ຊົງ​ນ້ຳ​ທີ່​ນຳ​ເຂົ້າ​ຈາກ​ຕ່າງ​ປະເທດ​ ຫາກ​ຕ້ອງ​ການ​ຄຸນຄ່າ​ທາງ​ອາຫານ​ຢ່າງ​ສົມບູນ​ການ​ເລືອກ​ນົມ​ງົວ​ແທ້​ 100 % ໂດຍ​ບໍ່​ປະສົມ​ນົມ​ຜົງ​ ຈະ​ໄດ້ຮັບ​ປະໂຫຍດ​ຫຼາຍກວ່າ​ ແນວໃດ​ກໍ່ຕາມ​ ນົມ​ UHT ທົ່ວ​ໄປ​ທີ່​ມີນົ​ມ​ຜົງ​ເປັນ​ສ່ວນ​ປະກອບ​ກໍ່​ຍັງມີ​ສານ​ອາຫານຢູ່ ພຽງ​ແຕ່​ວ່າ​ຈະ​ໄດ້ຮັບສານອາຫານ​ນ້ອຍ​ກວ່າ​​.

ວິທີ​ການ​ທົດສອບ​ນົມ​ສົດ​ແທ້​ໆ​ເຮັດ​ໄດ້ແນວໃດ​?
ການ​ກວດ​ສອບ​ວ່ານົ​ມ​ໃນ​ມື​ເຈົ້າ​ມາ​ຈາກ​ນົມ​ຜົງ​ຫຼື​ບໍ່​ ສາມາດ​ທົດສອບ​ໄດ້​ດ້ວຍ​ ວິທີ​ທີ່​ອ້າງ​ອິງ​ຈາກ​ການ​ກວດ​ສອບ​ນົມ​ໂດຍ​ນັກ​ໂພຊະ​ນາ​ການ​ ມະຫາ​ວິທະຍາໄ​ລ​ກະເສດ​ສາດ​ ດັ່ງ​ວິທີ​ຕໍ່ໄປ​ນີ້:​


1. ເທນົ​ມ​ທີ່​ຕ້ອງ​ການ​ກວດ​ສອບ​ໃສ່​ໃນ​ແກ້ວ​ໃສ​ທີ່​ມີ​ຜິວລຽບ​ ແລະ ​ງ່າຍ​ຕໍ່​ການ​ສັງເກດ.
2. ອຽງ​ແກ້ວ​ນົມ​ໃຫ້​ໄດ້​ມຸມ​ອຽງ​ ແລະ ​ພິກ​ກັບ​ມາ​ຕັ້ງ​ກົງ​ທັນ​ທີ.​
3. ສັງເກດ​ຄາບ​ນົມ​ທີ່​ຖິ້ມ​ຮ່ອງ​ຮອຍ​ເອົາ​ໄວ້​ທີ່​ຂ້າງ​ແກ້ວ.

4. ກວດ​ສອບ​ຜົນ​.
“ຖ້າ​ເປັນ​ນົມ​ທີ່​ຜະລິດ​ຈາກ​ນົມ​ສົດ​ແທ້​ຈະ​ຖິ້ມ​ຄາບ​ນົມ​ທີ່​ຂ້າງ​ແກ້ວ​ຢ່າງ​ເຫັນ​ໄດ້​ຈະແຈ້ງ​ ແຕ່​ຖ້າ​ເປັນ​ນົມ​ທີ່​ຜະລິດ​ຈາກ​ນົມ​ຜົງ​ຊົງ​ນ້ຳ​ຈະ​ບໍ່​ຖິ້ມ​ຄາບ​ນົມ​ເອົາ​ໄວ້​ ແລະ ​ຈະ​ໄຫຼ​ຄືນ້ຳ​ຕາມ​ປົກກະຕິ​”


ຊຶ່ງ​ນົມ​ UHT ທີ່​ທ່ານ​ວ່າ​​ບໍ່​ມີ​ການ​ປະສົມ​ນົມ​ຜົງ​ກໍ​ຄື:​ ນົມ​ຈິດ​​ດາ ​ແລະ​ ນົມ​ໄທ​ເດນ​ມາກ​ ຫາກ​​ແມ່ຄົ​ນ​ໃດ​ຢາກ​ໃຫ້​ລູກ​ນ້ອຍ​ໄດ້ຮັບ​ສານ​ອາຫານ​ຈາກ​ນົມ​ງົວສົດແທ້ໆ ມີ​ການ​ຈະເລີນ​ເຕີບໃຫຍ່​ຢ່າງ​ເຕັມ​ທີ່​ ກໍ​ຄົງ​ຕ້ອງ​ໃຫ້​ດື່ມ​ນົມ​ສອງ​ຢີ່​ຫໍ້​ນີ້​ໃຫ້​ຫຼາຍໆ.

ແຕ່​ສຳລັບ​ຜູ້ໃຫຍ່​ທີ່​ໃຫຍ່​ແລ້ວ​ ແລະ​ ມີ​ພູ​ມ​ຕ້ານ​ທານ​ທີ່​ດີ​ ການ​ຈະ​ດື່ມ​ນົມ​ຢີ່​ຫໍ້​ອື່ນ​ກໍ​ສາມາດ​ເຮັດ​ໄດ້​ ພຽງ​ແຕ່​ອາດຈະ​ໄດ້​ປະໂຫຍດ​ນ້ອຍ​ກວ່າ​ ຫຼື ​ຕ້ອງ​ດື່ມ​ໃນ​ປະລິມານ​ທີ່​ຫຼາຍກວ່າ​ຈຶ່ງ​ຈະ​ໄດ້​ປະໂຫຍດ​ທີ່​ເທົ່າກັນ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *