ຜູ້ນຳອີຣ່ານ ປະກາດຂະຫຍາຍແສນຍານຸພາບກອງທັບ ແລະ ເດີນໜ້າໂຄງການຂີປະນາວຸດຕໍ່ໄປ

ສໍານັກຂ່າວຣອຍເຕີ ເອພີ ແລະ ເອເອຟພີລາຍງານຈາກນະຄອນເຕຫະຣານ ປະເທດອີຣ່ານ ເມື່ອວັນທີ່ 11 ກຸມພາ 2019 ວ່າ ຊາວອີຣ່ານຫຼາຍລ້ານຄົນໄດ້ເດີນຂະບວນໃນເມືອງຕ່າງໆທົ່ວປະເທດ ເມື່ອວັນຈັນເຊິ່ງ ເປັນວັນສຸດທ້າຍຂອງ “10 ວັນແຫ່ງຣຸ່ງອາລຸນ” ການສະຫຼອງຄົບຮອບ 40 ປີການປະຕິວັດອິສລາມອີຣ່ານລະຫວ່າງວັນທີ່ 1-10 ກຸມພາ 1979 ໂຄ່ນລົ້ມລະບອບກະສັດ ໂມຮັມໝັດ ເຣຊ່າ ປາເລວີ ທີ່ສະຫະລັດໃຫ້ການສະໜັບສະໜູນ ແລະ ຣູຮັລເລາະ ໂຄໄມນີ ຜູ້ນໍາການປະຕິວັດ ເດີນທາງກັບປະເທດຈາກການລີ້ໄພໃນຕ່າງແດນ ແລະ ຕັ້ງລັດຖະບານຊຸດໃໝ່


ກຸ່ມຜູ້ເດີນຂະບວນຖືແຜ່ນປ້າຍຂຽນຂໍ້ຄວາມສະໜັບສະໜູນລັດຖະບານ ແລະ ຮ້ອງສາບແຊ່ງອາເມຣິກາ ການສະຫຼອງຄົບຮອບໃນປີນີ້ຈະມີຂື້ນທ່າມກາງຄວາມເຄັ່ງຕຶງສູງຂື້ນ ລະຫວ່າງອີຣານກັບສະຫະລັດ ແລະ ອີຣ່ານກໍາລັງຕໍ່ສູ້ກັບຜົນກະທົບຈາກການທີ່ປະທານາທິບໍດີໂດນັລ ທຣັມ ຜູ້ນໍາສະຫະລັດ ຕັດສິນໃຈຖອນອາເມຣິກາອອກຈາກຂໍ້ຕົກລົງນິວເຄຼຍ ອີຣ່ານ-ກຸ່ມຊາດມະຫາອໍານາດໂລກປີ 2015 ໃນເດືອນພຶດສະພາປີຜ່ານມາ ແລະ ປະກາດມາດຕາການຂວໍ່າບາດອີຣ່ານຄັ້ງໃໝ່ ໃນເດືອນພະຈິກ


ປະທານາທິບໍດີຮັລຊັນ ໂຣຮານີ ຜູ້ນໍາລັດຖະບານອີຣ່ານ ກ່າວປາໄສຕໍ່ຜູ້ຊຸມນຸມສະຫຼອງຄົບຮອບການປະຕິວັດ ທີ່ລານຈັດຕຸລັດອາຊາດີ ໃນນະຄອນເຕຫະຣານ ເມື່ອວັນຈັນວ່າ ອີຣ່ານມີຄວາມມຸ່ງໝັ້ນທີ່ຈະຂະຫຍາຍແສນຍານຸພາບກອງທັບ ແລະ ເດີນໜ້າໂຄງການຂີປະນາວຸດຕໍ່ໄປ ແມ່ນ່ວ່າຈະຖືກກົດດັນຫຼາຍຂື້ນຈາກກຸ່ມປະເທດສັດຕູ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *