ທ່ານຮວນ ກວຍໂດ ເຕືອນກອງທັບເວເນຊຸເອລາ “ກໍ່ອາດຊະຍາກໍາຕໍ່ມະນຸດຊະຍະຊາດ”

ສໍານັກຂ່າວຕ່າງປະເທດາຍງານຈາກນະຄອນກາຣາກັສ ປະເທດເວເນຊຸເອລາ ເມື່ອວັນທີ່ 10 ກຸມພາ 2019 ວ່າ ທ່ານ ຮວນ ກວຍໂດ ຜູ້ນໍາຝ່າຍຄ້ານ ແລະ ປະທານສະພາແຫ່ງຊາດ ເຊິ່ງປະກາດຕົວເປັນ “ຮັກສາການປະທານາທິບໍດີ” ຂອງເວເນຊຸເອລາ ເມື່ອທ້າຍເດືອນທີ່ຜ່ານມາ ກ່າວເມື່ອວັນອາທິດ ວ່າການທີ່ກອງທັບເວເນຊຸເອລາປິດກັ້ນຄາລານເຄື່ອງຂອງຊ່ວຍເຫຼືອທາງມະນຸດຊະຍະທໍາຂອງສະຫະລັດ ຢູ່ໂຄໂລມເບຍຖືເປັນ “ການກໍ່ອາດຊະຍາກໍາຕໍ່ມະນຸດຊະຍະຊາດ” ເນື່ອງຈາກເປັນ “ການຂ້າລ້າງເຜົ່າພັນ” ຊາວເວເນຊຸເອລາທີ່ກໍາລັງຕ້ອງການທັງອາຫານ ແລະ ຢາຮັກສາໂລກ

ຂະນະດຽວກັນ ທ່ານກວຍໂດ ຢໍ້າກໍານົດຊຸມນຸມຂັບໄລ່ລັດຖະບານຄັ້ງຕໍ່ໄປວັນທີ່ 12 ກຸມພາ ນີ້ ເຊິ່ງ ທ່ານກວຍໂດ ກ່າວວ່າຈະໃຊ້ໂອກາດນີ້ລະນຶກໃຫ້ກັບຜູ້ເສຍຊີວິດປະມານ 40 ຄົນ ຈາກເຫດຮຸນແຮງເຊິ່ງເກີດຂື້ນນັບຕັ້ງແຕ່ທ່ານຕັ້ງຕົວເປັນ “ຮັກສາການຜູ້ນໍາ” ແລະ ກ່າວວ່າຈະຫາທາງໃຫ້ຄາລາວານລົດບັນທຸກເຄື່ອງຂອງຈາກສະຫະລັດຂ້າມຂົວຈາກເມືອງກູກູຕາ ທາງຕາເວັນອອກສຽງເໜືອຂອງໂຄໂລມເບຍໃຫ້ໄດ້


ສະນັ້ນ ທ່ານກວຍໂດ ຍັງຢືນຢັນຂໍ້ສະເໜີ “ນິລະໂທດສະກໍາ” ໃຫ້ແກ່ທະຫານທຸກຄົນ ທີ່ “ແປພັກ” ຈາກການສະໜັບສະໜູນປະທານາທິບໍດີນິໂຄລັສ ມາດູໂຣ ຢ່າງໃດກໍ່ຕາມ ກອງທັບເວເນຊຸເອລາຈັດການຊ້ອມຮົບຕັ້ງແຕ່ຊ່ວງທ້າຍອາທິດທີ່ຜ່ານມາ ໂດຍຈະສໍາເລັດໃນວັນທີ່ 15 ກຸມພານີ້ “ເພື່ອຍົກລະດັບສັກກະຍາພາບການປ້ອງກັນປະເທດ” ຢ່າງໃດກໍ່ຕາມ ທ່ານກວຍໂດກັບປະຕິເສດການເຈລະຈາໂດຍກົງກັບ ທ່ານມາດູໂຣ ແມ່ນວ່າຜູ້ນໍາເວເນຊຸເອລາເປັນຝ່າຍຍື່ນຂໍ້ສະເໜີເລື່ອງນີ້ກ່ອນກໍ່ຕາມ


ນອກຈາກນີ້ ມີລາຍງານອີກວ່າ ລັດຖະບານທ່ານມາດູໂຣ ທາບທາມສົມເດັດພຣະສັນຕະປາປາຟຣານຊິສ ແລະ ສໍານັກວາຕິກັນໃຫ້ເຮັດໜ້າທີ່ຜູ້ໄກ່ເກ່ຍໃນການເຈລະຈາສັນຕິພາບລະຫວ່າງທ່ານກັບທ່ານກວຍໂດ ແລະ ປະຕິເສດຮັບຂໍ້ຮຽກຮ້ອງຈາກທີ່ປະຊຸມຂອງກຸ່ມປະເທດທີ່ສະໜັບສະໜູນທ່ານກວຍໂດ ເຊິ່ງຕອນນີ້ເພີ່ມເປັນປະມານ 50 ປະເທດແລ້ວ ໂດຍມີການຫາລືກັນທີ່ນະຄອນມອນເຕວິເດໂອ ເມືອງຫຼວງຂອງອຸຣຸໄກວ ເມື່ອອາທິດທີ່ຜ່ານມາ ພ້ອມທັງຢືນຢັນວ່າການເລືອກຕັ້ງຜູ້ນໍາເວເນຊຸເອລາຄັ້ງຕໍ່ໄປຈະເກີດຂື້ນຕາມກໍານົດການເດີມ ຄືປີ 2024

Be the first to comment

Leave a Reply

Your email address will not be published.


*