ທຣັມ ສັ່ງເລັ່ງເສີມບົດບາດຜູ້ນໍາ “ປັນຍາປະດິດ” ຂອງສະຫະລັດ

ສຳນັກຂ່າວຊິນຫົວລາຍງານເມື່ອວັນທີ່ 11 ກຸມພາ 2019 ວ່າ ທ່ານ ໂດນັລ ທຣັມ ປະທານາທິບໍດີສະຫະລັດອາເມຣິກາ ໄດ້ເລີ່ມລົງນາມຄໍາສັ່ງພິເສດ (executive order) ວ່າດ້ວຍແຜນການລິເລີ່ມເພື່ອເສີມສ້າງບົດບາດຄວາມເປັນຜູ້ນໍາດ້ານປັນຍາປະດິດຫຼື ເອໄອ (AI) ຂອງສະຫະລັດ

ລາຍງານບະລຸວ່າແຜນການດັ່ງກ່າວຮຽກຮ້ອງການປົກປ້ອງຄວາມໄດ້ປຽບຂອງສະຫະລັດ ໃນດ້ານເອໄອເໜືອ “ຄູ່ແຂ່ງທາງຍຸດທະສາດ” ແລະ “ຄູ່ຕໍ່ສູ້ຕ່າງປະເທດ” ແຕ່ບໍ່ໄດ້ຊີ້ແຈງລາຍລະອຽດຂອງຄູ່ແຂ່ງຫຼືຄູ່ຕໍ່ສູ້ຢ່າງຊັດເຈນ

“ເດີນໜ້າຄວາມເປັນຜູ້ນໍາດ້ານປັນຍາປະດິດສິ່ງສໍາຄັນຍິ່ງເພື່ອການດໍາລົງຮັກສາສະຖຽນລະພາບທາງເສດຖະກິດ ແລະ ຄວາມໝັ້ນຄົງຂອງຊາດ” ທຣັມກ່າວ

ລາຍງານເສີມວ່າ ການສ້າງແຜນການຈະນໍາສະເໜີວິທີການຕ່າງໆເພື່ອເລັ່ງ ແລະ ເສີມຄວາມເປັນຜູ້ນໍາດ້ານເອໄອຂອງສະຫະລັດ ໂດຍຄວບຄຸມການລົງທຶນ ການແບ່ງປັນຂໍ້ມູນ ການຈັດຕັ້ງມາດຕະຖານ ແລະ ການເຝິກອົບຮົບບຸກຄະລາກອນ

ນອກຈາກນັ້ນຍັງກະຕຸ້ນປະເທດຕ່າງໆ ເປີດກວ້າງຕະຫຼາດແກ່ກຸ່ມອຸດສາຫະກໍາເອໄອສັນຊາດອາເມຣິກາ ພ້ອມກັບຮັບຮອງການພັດທະນາເທັກໂນໂລຢີໃນທິດທາງທີ່ສອດຄ້ອງກັບມູນຄ່າ ແລະ ຜົນປະໂຫຍດຂອງສະຫະລັດ

ຂະນະດຽວກັນ ຍັງອະນຸຍາດໃຫ້ໜ່ວຍງານລັດຖະບານກາງນໍາສະເໜີຂໍ້ມູນຕົ້ນແບບ ແລະ ແຫຼ່ງຊັບພະຍາກອນປະມວນຜົນແກ່ກຸ່ມວິໄຈ ແລະ ອຸດສາຫະກໍາເອໄອພາຍໃນປະເທດອີກດ້ວຍ “ເຮົາບໍ່ອາດນິ່ງເສີຍ ແລະ ທຶກທັກເອົາເອງວ່າເຮົາຍັງຄອງບົດບາດຄວາມເປັນຜູ້ນໍາຢູ່ໄດ້” ຂໍ້ຄວາມສ່ວນໜຶ່ງຂອງຖະແຫຼງການຈາກທໍານຽບຂາວຂອງສະຫະລັດ ເຊິ່ງເຜີຍແພ່ເມື່ອວັນຈັນ 11 ກຸມພາ ທີ່ຜ່ານມາ.

Be the first to comment

Leave a Reply

Your email address will not be published.


*