ຈີນ ປະສົບຄວາມສຳເລັດໃນການທົດລອງລະບົບລົດໄຟໄຮ້ລາງ (ມີຄລິບ)

ສຳນັກຂ່າວຊິນຫົວລາຍງານ ເມື່ອວັນເສົາ ທີ 9 ກຸມພາ 2019 ວ່າການທົດລອງລົດໄຟອັດສະລິຍະພະລັງງານໄຟຟ້າລຸ້ນໃໝ່ ທ່າມກາງສະພາບອາກາດອັນໜາວເຢັນ ລະດັບອຸນຫະພູມ -20 ອົງສາ ປະສົບຜົນສໍາເລັດ.


ການທົດລອງດັ່ງກ່າວ ເປັນການກວດກາການເຮັດວຽກຂອງລະບົບລາງ ຄືກັບ (virtual track) ວ່າ ສາມາດເຮັດວຽກໃນສະພາບອາກາດທີ່ໜາວເຢັນຫຼາຍໄດ້ຢ່າງລຸລ່ວງ ຫຼື ບໍ່.
ໂດຍລະບົບລົດໄຟໄຮ້ລາງນີ້ ເປີດຕົວຄັ້ງທໍາອິດ ເມື່ອປີ 2018 ທີ່ຜ່ານມາ ພາຍໃຕ້ຊື່ລະບົບຂົນສົ່ງມວນຊົນຄວາມໄວເສັ້ນທາງລາງອັດໂນມັດ (Autonomous Rail Rapid Transit) ຫຼື ເອອາຣ໌ທີ (ART).


ເຊິ່ງຈະເປັນການລວມຈຸດເດັ່ນຂອງລົດໂດຍສານປະຈໍາທາງ ກັບ ລົດໄຟ ເຂົ້າດ້ວຍກັນ ໂດຍຕົວລົດຈະສາມາດແລ່ນດ້ວຍລະບົບໄຮ້ຄົນຂັບໄປຕາມລາງ ຄືກັບ (virtual track) ທີ່ຢູ່ເທິງຖະໜົນແທນລາງ ຫຼື ປຽບໄດ້ຄືລົດໄຟທີ່ແລ່ນເທິງພື້ນຖະໜົນຫົນທາງນັ້ນເອງ.


ລົດໄຟໄຮ້ລາງນີ້ ປະກອບດ້ວຍຕູ້ໂດຍສານ 3-5 ຕູ້ ເຊິ່ງຈະສາມາດຮອງຮັບຜູ້ໂດຍສານໄດ້ 300-500 ຄົນ ໂດຍຈະມີຄ່າໃຊ້ຈ່າຍໃນການຜະລິດ ແລະ ຕິດຕັ້ງຖືກກວ່າລົດໄຟແບບເກົ່າ ເຖິງ 1 ຕື້ຢວນ (ກວ່າ 1,2 ພັນຕື້ກີບ) ເມື່ອທຽບກັບໄລຍະທາງ 10 ກິໂລແມັດ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *