ຈີນ ປະນາມສະຫະລັດ ທີ່ສົ່ງເຮືອຮົບໃກ້ຫມູ່ເກາະສແປຣດລີ ໃນທະເລຈີນໃຕ້

ສໍານັກຂ່າວເອເອຟພີ ແລະ ຣອຍເຕີລາຍງານຈາກນະຄອນປັກກິ່ງ ສປ ຈີນ ເມື່ອວັນທີ່ 11 ກຸມພາ 2019 ວ່າ ປັກກິ່ງ ແລະ ວໍຊິງຕັນກໍາລັງຕິດພັນສົງຄາມການຄ້າ ແລະ 2 ຝ່າຍພະຍາຍາມບັນລຸຂໍ້ຕົກລົງ ກ່ອນເຖິງຂີດເສັ້ນຕາຍວັນທີ່ 1 ມີນາ ເມື່ອອັດຕາພາສີຂອງສະຫະລັດ ຕໍ່ສິນຄ້ານໍາເຂົ້າມູນຄ່າ 200.000 ລ້ານໂດລາສະຫະລັດຂອງຈີນ ຈະເພີ່ມຂື້ນຈາກ 10% ເປັນ 25%


ຄວາມເຄັ່ງຕຶງຍືດເຍື້ອລະຫວ່າງສະຫະລັດ ກັບ ຈີນ ສ້າງຄວາມເສຍຫາຍແກ່ທັງ 2 ຝ່າຍຫຼາຍພັນລ້ານໂດລາ ແລະ ສົ່ງຜົນກະທົບຕໍ່ຕະຫຼາດການເງິນໂລກໂດຍລວມ
ທ່ານນາງ ຫົວ ຊຸນຫຍິງ ໂຄສົກກະຊວງການຕ່າງປະເທດຈີນ ເຜີຍໃນລະຫວ່າງການຖະແຫຼງຂ່າວລາຍວັນ ທີ່ກະຊວງໃນນະຄອນປັກກິ່ງ ເມື່ອວັນຈັນວ່າເຮືອພິຄາດຕິດຈະຫຼວດນໍາວິທີ 2 ລໍາຂອງກອງທັັບເຮືອສະຫະລັດ ຢູເອສເອສ ສະພູແອນຊ ແລະ ຢູເອສເອສ ພຣີເບີລ ແລ່ນຜ່ານໃນໄລຍະ 20 ກິໂລແມັດ ຂອງເກາະປາກາລັງມິສຊີຟ ໃນໝູ່ເກາະສະເເປຣດລີ ທີ່ຈີນອ້າງກໍາມະສິດ ເມື່ອເຊົ້າວັນຈັນສ່ວນໜຶ່ງທີ່ວໍຊິງຕັນເອີ້ນວ່າ “ເສລີພາບຂອງການປະຕິບັດການເດີນເຮືອ”


ທ່ານ ນາງ ຫົວ ກ່າວວ່າ ສະຫະລັດຈົງໃຈກໍ່ບັນຫາໃນທະເລຈີນໃຕ້ ສ້າງຄວາມເຄັ່ງຕຶງ ແລະ ບ່ອນທໍາລາຍສັນຕິພາບ ພ້ອມກັບຮຽກຮ້ອງໃຫ້ສະຫະລັດຢຸດ “ການກະທໍາທີ່ຍົ່ວຍຸ” ຈີນອ້າງກໍາມະສິດດິນແດນເກືອບທັງໝົດໃນທະເລຈີນໃຕ້ ຂະນະທີ່ຫຼາຍປະເທດເພື່ອນບ້ານອ້າງກໍາມະສິດບາງສ່ວນທັບຊ້ອນ ເຊັ່ນຫວຽດນາມ ຟິລິປິນ ບຣູໄນ ມາເລເຊຍ ອິນໂດເນເຊຍ ແລະ ໄຕ້ຫວັນ.

Be the first to comment

Leave a Reply

Your email address will not be published.


*