ການເຈລະຈາລະຫວ່າງ 2 ພັກສະຫະລັດ ເພື່ອຢຸດຕິພາວະ “ຊັດດາວ” ຮອບໃໝ່ຕ້ອງລົ້ມເຫຼວ

ການເຈລະຈາລະຫວ່າງພັກຣີພັບລິກັນ ແລະ ເດໂມແຄຣດໃນສະພາຄອງເກຣສສະຫະລັດ ເພື່ອຢຸດຕິພາວະ “ຊັດດາວ” ຮອບໃໝ່ຕ້ອງລົ້ມເຫຼວໂດຍບໍ່ມີຂໍ້ຕົກລົງໃດໆ ຫຼັງທັງ 2 ຝ່າຍຫວັງບັນລຸຂໍ້ຕົກລົງໃຫ້ໄດ້ພາຍໃນວັນຈັນ 11 ກຸມພາ ເພື່ອໃຫ້ສະພາຄອງເກຣສມີເວລາຜ່ານກົດໝາຍງົບປະມານພາຍໃນເສັ້ນຕາຍວັນສຸກທີ່ 15 ກຸມພາ ຈຶ່ງຄາດວ່າຈະເກີດພາວະຊັດດາວອີກຄັ້ງສາເຫດໃຫຍ່ທີ່ເຮັດໃຫ້ຕົກລົງກັນບໍ່ໄດ້ມາຈາກກໍລະນີທີ່ປະທານາທິບໍດີໂດນັລ ທຣັມ ແຫ່ງພັກຣີພັບລິກັນຢືນຢັນໃຫ້ບັນລຸງົບສ້າງກໍາແພງກັ້ນຊາຍແດນເມັກຊິໂກມູນຄ່າ 7.500 ລ້ານໂດລາໄວ້ໃນກົດໝາຍງົບປະມານ ແຕ່ພັກເດໂມແຄຣດປະຕິເສດ ຂະນະທີ່ເດໂມແຄຣດຕ້ອງການໃຫ້ສໍານັກງານກວດຄົນເຂົ້າເມືອງ ແລະ ພາສີອາກອນ (ໄອຊີອີ) ມຸ່ງເນັ້ນການກັກໂຕຜູ້ອົບພະຍົບທີ່ມີພຶດຕິກຳໍກໍ່ອາດຊະຍາກໍາແທນການກັກຕົວຜູ້ອົບພະຍົບທີ່ວີຊ່າໝົດອາຍຸແຕ່ຍັງອາໄສໃນສະຫະລັດ ໂດຍໃຫ້ຈໍານວນຕຽງນອນໃນສູນກັກກັນຢູ່ທີ່ 16.500 ຕຽງເທົ່ານັ້ນ ເທົ່າໆກັບປີສຸດທ້າຍຂອງລັດຖະບານປະທານາທິບໍດີບາຣັກ ໂອບາມາ


ຄະນະເຈລະຈາຂອງ 2 ພັກຈາກທັງສະພາຜູ້ແທນ ແລະ ວຸດທິສະພາ 17 ຄົນ ຍັງພິຈາລະຈາຂໍ້ສະເໜີໃຫ້ງົບສ້າງກໍາແພງ 1.300 -2.000 ລ້ານໂດລາ ເຊິ່ງໜ້ອຍກວ່າທຣັມຕ້ອງການຫຼາຍຈຶ່ງຕົກລົງກັນບໍ່ໄດ້ ທັງນີ້ ການຊັດດາວຮອບທີ່ແລ້ວກິນເວລາເຖິງ 35 ວັນ ຍາວນານທີ່ສຸດນປະຫວັດສາດສະຫະລັດ ເຮັດໃຫ້ໜ່ວຍງານຂອງລັດຖະບານປະມານ 800.000 ຄົນ ຕ້ອງຢຸດງານ ຫຼື ເຮັດວຽກບໍ່ໄດ້ຮັບຄ່າຈ້າງ ສ້າງຄວາມສູນເສຍຕໍ່ເສດຖະກິດສະຫະລັດປະມານ 11.000 ລ້ານໂດລາ ກ່ອນທຣັມຈະຖືກກົດດັນຢ່າງໜັກຈົນຕົກລົງຢຸດຕິພາວະຊັດດາວຊົ່ວຄາວ 3 ອາທິດ ເມື່ອວັນທີ່ 25 ມັງກອນ ເພື່ອເປີດໂອກາດໃຫ້ມີການເຈລະຈາແຕ່ທ່ານຊີ້ວ່າ “ເສຍເວລາລ້າໆ”

 

Be the first to comment

Leave a Reply

Your email address will not be published.


*