8 ຂໍ້ຫ້າມສຳລັບຄົນຖືພາຊ່ວງ 3 ເດືອນທຳອິດມີຫຍັງແດ່?

ໃນຊ່ວງທກອິດຂອງການຖືພານັ້ນ ເປັນຊ່ວງເວລາຂອງການປ່ຽນແປງໃນເລື່ອງໆ ບໍ່ວ່າຈະເປັນການປ່ຽນແປງຮູບຮ່າງ, ຮໍໂມນໃນຮ່າງກາຍກາຍທີ່ເລີ່ມມີການແປງປ່ຽນ ແລະ ລູກນ້ອຍໃນທ້ອງເລີ່ມຈະເລີນເຕີບໂຕ ແມ່ທ້ອງອ່ອນຈື່ງຄວນຈະຕ້ອງລະມັດລະວັງໃນການດຳເນີນຊີວິດ ແລະ ການກຽມພ້ອມຮັບການປ່ຽນແປງຕ່າງໆທີ່ຈະເກີດຂື້ນ. ຂໍ້ຫ້າມຂອງຄົນຖືພາ 3 ເດືອນທຳອິດມີດັ່ງນີ້:

1. ແມ່ທ້ອງອ່ອນບໍ່ຄວນຊື້ຢາມາກີນເອງໂດຍບໍ່ຈຳເປັນ ແລະ ຄວນກີນຢາຕາມແພດສັ່ງເທົ່ານັ້ນເພາະຢາບາງຊະນິດອາດສົ່ງຜົນຕໍ່ຮ່າງກາຍຂອງແມ່ ແລະ ລູກໃນທ້ອງໂດຍສະເພາະໃນຊ່ວງ 3 ເດືອນທຳອິດ.

2. ​ບໍ່ກີນອາຫານທີ່ປຸງແຕ່ງບໍ່ສຸກ, ຊີ້ນສັດເຄີ່ງສຸກເຄີ່ງດີບ, ອາຫານທະເລທີ່ບໍ່ໄດ້ຜ່ານການປຸງແຕ່ງໃຫ້ສຸກ ແລະ ໂຂ່ດີບ ເພາະອາດຈະມີເຊື້ອແບັດທີເຣຍທີ່ເປັນອັນຕະລາຍເຊີ່ງສາມາດຕິດຕໍ່ໄປສູ່ລູກນ້ອຍໃນທ້ອງຜ່ານທາງສາຍແຮ່ໄດ້.

3. ຫຼິກລຽງບ່ອນທີ່ມີມົນລະພິດ ເຊັ່ນ: ສະຖານທີ່ທີ່ມີຄວັນ, ບໍລິເວນທີ່ມີລົດຕິດຫຼາຍ, ທີ່ເຮັດໃຫ້ແມ່ຖືພາໄດ້ສູດດົມເອົາມົນລະພິດຈາກທໍ່ໄອເສຍຂອງລົດໄດ້.

 

4.​ຢູ່ຫ່າງໄກຈາກຄົນທີ່ສູບຢາ ສານນີໂຄຕີນໃນຄວັນຢາສູບສາມາດສົ່ງຜົນໄປສູ່ລູກນ້ອຍໄດ້ທາງສາຍແຮ່ແມ່ໄດ້,ເຊີ່ງຈະເຂົ້າໄປກົດການເຮັດວຽກຂອງສະໝອງສ່ວນຄວບຄຸມການຫາຍໃຈ ແລະ ການເຕັ້ນຂອງຫົວໃຈບໍ່ວ່າຈະມາຈາກທີ່ແມ່ຖືພາສູບເອງ ຫຼື ຈາກຄວັນຢາສູບຂອງບຸກຄົນອື່ນກໍ່ຕາມ.

5.​ງົດດື່ມເຄື່ອງດື່ມທີ່ມີແອວກໍຮໍ ເພາະແອວກໍຮໍຈະໄປທຳລາຍເຊວປະສາດ, ເຊີ່ງເຮັດໃຫ້ລູກນ້ອຍມີບັນຫາການຈະເລີນເຕີບໂຕ, ມີບັນຫາດ້ານຄວາມຈຳ ແລະ ນອກນັ້ນຍັງເຮັດໃຫ້ເດັກນ້ອຍມີຮ່າງກາຍຜິດປົກກະຕິ, ສາຍຕາສັ້ນ, ບໍລິເວນສ່ວນກາງໃບໜ້າມີການພັດທະນາໜ້ອຍກ່ວາປົກກະຕິ ເຊີ່ງເປັນກຸ່ມອາການສະເພາະຂອງເດັກນ້ອຍທີ່ເກີດຈາກແມ່ມັກດື່ມແອວກໍຮໍນັ້ນເອງ.

 

6.​ ພະຍາຍາມບໍ່ໃຫ້ມີຄວາມຄຽດຫຼາຍ, ເພາະວ່າແມ່ຄຽດຈະມີຜົນກະທົບໂດຍກົງຕໍ່ສຸຂະພາບຂອງລູກໃນທ້ອງ, ອີກທັງຍັງເພີ່ມໂອກາດທີ່ຈະມີການລຸລູກເພີ່ມຂື້ນ.

7.​ ແມ່ຖືພາ 3 ເດືອນທຳອິດ, ບໍ່ຄວນອົດອາຫານເພາະນັ້ນຈະເປັນການທຳຮ້າຍລູກໃນທ້ອງໄປໃນໂຕ,ເນື່ອງຈາກຂາດສານອາຫານເຊັ່ນ: ທາດເຫຼັກ, ກົດໂຟລິກ, ວິຕາມີນ, ແລະ ແຮ່ທາດຕ່າງໆທີ່ເປັນປະໂຫຍດຕໍ່ການພັດທະນາຂອງລູກນ້ອຍໃນທ້ອງອີກດ້ວຍ.

8. ແລະ ຂໍ້ຫ້າມສຳລັບຄົນຖືພາ 3 ເດືອນທຳອິດອີກຢ່າງໜື່ງຄື: ໃນລະຫວ່າງທີ່ແມ່ຖືພາອ່ອນບໍ່ຄວນແຊ່ນຳ້ຮ້ອນ, ເພາະຈະເຮັດໃຫ້ອຸນຫະພູມໃນຮ່າງກາຍເພີ່ມສູງຂື້ນ ສົ່ງຜົນໃຫ້ຮ່າງກາຍຂາດນຳ້, ເກີດອາການອົກຊີເຈນໄປລ້ຽງລູກໃນລູກບໍ່ພຽງພໍສົ່ງຜົນຕໍ່ການຈະເລີນເຕີບໂຕຂອງລູກນ້ອຍ ອາດເຮັດໃຫ້ເກີດການເກີດກ່ອນກຳນົດ ແລະ ເຮັດໃຫ້ເດັກມີນຳ້ໜັກຕຳ່ເກນໄດ້.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *