ເດັກນ້ອຍແຝດ 2 ຫົວ ແຫ່ງເຢເມນເສຍຊີວິດແລ້ວ

ສຳນັກຂ່າວຕ່າງປະເທດລາຍງານຈາກນະຄອນຊານາ ປະເທດເຢເມນ ເມື່ອວັນທີ 10 ກຸມພາ 2019 ວ່າ ກະຊວງສາທາລະນະສຸກຂອງເຢເມນຖະແຫລງວ່າ ຄະນະແພດໄດ້ເຮັດການຮັກສາເດັກແຝດສອງຫົວລຳໂຕດຽວ ເຊິ່ງເປັນເດັກນ້ອຍເພດຊາຍ ອາຍຸ 2 ອາທິດ ຊື່ວ່າ ອັບ ອັລ ຄາເລກ ກັບ ອັບ ອັລ ຄາຮິມ ໃນນະຄອນຊານາ ແລະບອກວ່າ ເດັກຈະບໍ່ມີທາງລອດຊີວິດມາໄດ້ເພາະລະບົບສາທາລະນະສຸກໃນປະເທດທີ່ຕ້ອງຜະເຊີນກັບໄພສົງຄາມ ຈຳເປັນຢ່າງຍິ່ງທີ່ຈະຕ້ອງສົ່ງໂຕໄປຮັກສາຢູ່ຕ່າງປະເທດ ແຕ່ສະໜາມບິນຊານາຢູ່ໃນການຍຶດຄອງຂອງກຸ່ມກະບົດຮູຕິ ຫ້າມເຮືອບິນພົນລະເຮືອນຂື້ນລົງມາຕັ້ງແຕ່ປີ 2015 ເພາະກອງທັບຊາອຸນຳກອງທັບພັນທະມິດຄວບຄຸມນ່ານຟ້າຂອງເຢເມນ ມີພຽງເຮືອບິນຂອງສະຫະປະຊາຊາດເທົ່ານັ້ນທີ່ສາມາດຂື້ນລົງໄດ້ ແລະການກັບມາເປີດສະໜາມບິນອີກຄັ້ງເປັນປະເດັນສຳຄັນຂອງການເຈລະຈາສັນຕິພາບ ເຊິ່ງມີສະຫະປະຊາຊາດເປັນແກນນຳ ເລີ່ມມາຕັ້ງແຕ່ເດືອນທັນວາປີຜ່ານມາ ທີ່ນະຄອນນະຕອ໊ກໂຮມ ຂອງສະວີເດນ

 

Be the first to comment

Leave a Reply

Your email address will not be published.


*