ສະຫລົດໃຈ!! ແມ່ອູ້ມ ລູກນ້ອຍ 10 ປີ ໂດດຂົວຂ້າໂຕຕາຍ ຍ້ອນບັນຫາໜີ້ສິນ (ມີຄລິບ)

ສໍານັກຂ່າວຕ່າງປະເທດ ລາຍງານເມື່ອວັນທີ 7 ກຸມພາ 2019 ທີ່ຜ່ານມາວ່າ ຍິງຊາວໂຄລົມເບຍ ກໍ່ເຫດຂ້າຕົວຕາຍ ໂດຍການອຸ້ມລູກຊາຍໄວ 10 ປີແລ້ວໂດດລົງຈາກຂົວຈົນເສຍຊີວິດ ໄດ້ສ້າງຄວາມຕົກໃຈໃຫ້ເຈົ້າໜ້າທີ່ໜ່ວຍງານຕ່າງໆທີ່ເດີນທາງ ມາຫ້າມ ແລະ ປຸກລະດົມແນວຄິດໃຫ້ລາວປ່ຽນໃຈ


ເຫດການນີ້ເກີດຂຶ້ນທີ່ ຂົວລາບາລິອັນເຕ ເຊິ່ງກໍາລັງຢູ່ໃນລະຫວ່າງການກໍ່ສ້າງທີ່ຊຸມຊົນອິບາເກ ໃນເມືອງ ໂທລິມາ ທາງຕະວັນຕົກຂອງໂຄລົມເບຍ, ໂດຍພາບຈາກຄລິບວິດີໂອທີ່ມີຜູ້ຖ່າຍເອົາໄວ້ໄດ້ສະແດງໃຫ້ເຫັນວ່າຍິງຜູ້ກໍ່ເຫດ, ແມ່ນຊື່ ນາງ ເຈຊີຊີ ປາໂອລາ ໂມເລໂນ ຄຣູສ ອາຍຸ 32 ປີ ທີ່ນັ່ງຢູ່ຮາວຂົວ ໂດຍອຸ້ມ ເດັກຊາຍ ອາຍຸ 10 ປີ ເຊິ່ງເປັນລູກຂອງຕົນຢູ່ໃນອ້ອມແຂນ


ເຈົ້າຫນ້າທີ່ຈາກຫນ່ວຍງານຕ່າງໆ ລວມເຖິງກະຊວງສາທາລະນະສຸກເມືອງ ອິບາເກ, ແພດ, ນັກຈິດວິທະຍາ, ຕໍາຫລວດ ແລະ ເຈົ້າຫນ້າທີ່ດັບເພີງ ໃຊ້ເວລາກວ່າ 1 ຊົ່ວໂມງເພື່ອມາເຈລະຈາ ແລະ ຫ້າມຍິງຄົນນີ້ ຄະນະທີ່ລູກຊາຍຂອງລາວກໍພະຍາຍາມຂໍຮ້ອງຜູ້ເປັນແມ່ ວ່າຢ່າໂດດ, ແຕ່ ນາງ ຄຣູສ ບໍ່ສົນໃຈຄໍາຮ້ອງຂໍ ແລະໂດດລົງຈາກຂົວສູ່ພື້ນທີ່ຢູ່ຕ່ໍາລົງໄປປະປະມານ 100 ແມັດ ເສຍຊີວິດທັງແມ່ລະລູກ

ເຫດການທີ່ເກີດຂຶ້ນເຮັດໃຫ້ເຈົ້າຫນ້າທີ່ຕົກໃຈ ແລະ ເສຍໃຈຫລາຍ ເບິ່ງພາບຈາກຄລິບສະແດງໃຫ້ເຫັນວ່າເຈົ້າຫນ້າທີ່ຄົນຫນຶ່ງຮ້ອງໄຫ້ ແລະ ນັ່ງລົງກັບພື້ນ ຈົນບັນດາໝູ່ຂອງລາວ ຕ້ອງເຂົ້າມາປອບໃຈ ຂະນະທີ່ຍິງອີກຄົນກໍຮ້ອງໄຫ້ເພາະສະເທືອນໃຈກັບສິ່ງທີ່ເກີດ ຂຶ້ນເຊັ່ນກັນ

ຂະນະທີ່ທ່ານເຢີໂມ ອັລຟອນໂຊ ນາຍົກເທດສະມົນຕີເມືອງອິບາເກ ບອກກັບສະຖານີວິທະຍຸື້ອງຖິ່ນວ່າ ນາງ ໂມເຣໂນ ຄຣູຊ ກຳລັງປະສົບບັນຫາທາງການເງິນ ແລະຫາກໍ່ຖືກໄລ່ອອກຈາກເຮືອນ ເຮັດໃຫ້ນາງກັບລູກກາຍເປັນຄົນໄຮ້ບ້ານ ເນື່ອງຈາກວ່າບໍ່ເງິນເຊົ່າບ່ອນຢູ່ໃຫ່ມ “ຜົນການສືບສວນເບື້ອງຕົ້ນສະແດງໃຫ້ເຫັນວ່າ ນັກທວງໜີ້ຂົ່ມຂູ່ຍິງຄົນນີ້ມາໂດຍຕະຫລອດ ຈົນສຸດທ້າຍເລື່ອງນີ້ກາຍເປັນການທຳຮ້າຍ ຫລືກະທຳໃຫ້ຄົນເສຍຊີວິດ ຍິງຄົນນີ້ເປັນແມ່ລ້ຽງດ່ຽວ ສິ້ນຫວັງດ້ວຍແຮງກົດດັນຈາກໜີ້ສິນ” ທ່ານ ອັລຟອນໂຊ ກ່າວ

Be the first to comment

Leave a Reply

Your email address will not be published.


*