ປະຊາຊົນ ຊາວຄອງໂກ ເສຍຊີວິດຍ້ອນເຊື້ອອີໂບລາ ແລ້ວກ່ວາ 500 ຄົນ

ສຳນັກຂ່າວຕ່າງປະເທດລາຍງານໃນວັນທີ 10 ກຸມພາ 2019 ວ່າ ກະຊວງສາທາລະນະສຸກ ຄອງໂກ ແຈ້ງການວ່າ ຈໍານວນຜູ້ເສຍຊີວິດຈາກການຕິດພະຍາດອີໂບລາ ໃນປະເທດ ນັບຕັ້ງແຕ່ເດືອນສິງຫາປີກ່ອນ ເພີ່ມເປັນຢ່າງໜ້ອຍ 502 ຄົນ ສ່ວນຈໍານວນຄົນເຈັບສະສົມຢູ່ທີ່ 271 ຄົນ, ຂະນະທີ່ພື້ນທີ່ແຜ່ລະບາດສ່ວນໃຫຍ່ຍັງຢູ່ທີ່ພາກຕາເວັນອອກສ່ຽງເໜືອຂອງປະເທດ ໂດຍສະເພາະແຂວງຄິວູເໜືອ ເຊິ່ງເປັນແຂວງໃຫຍ່ມີປະຊາກອນຫຼາຍເຖິງ 8 ແສນຄົນ.


ທ່ານ ໂອລີ ໄອລຸນກາ ຄາເລນກາ ລັດຖະມົນຕີວ່າການກະຊວງສາທາລະນະສຸກ ຄອງໂກ ກ່າວວ່າໂຄງການແຈກຢາຍວັກຊີນ ເຊິ່ງໄດ້ຮັບການສະໜັບສະໜູນຈາກອົງການອະນາໄມໂລກ ທີ່ດໍາເນີນການຕັ້ງແຕ່ເດືອນເມສາປີກ່ອນ ສາມາດປ້ອງກັນການຕິດພະຍາດ ແລະ ການເສຍຊີວິດຂອງປະຊາຊົນຈໍານວນຫຼາຍໄດ້.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *