ບົດຮຽນຊີວິດ… ຢ່າຊ່ວຍຄົນອື່ນຈົນໂຕເອງຕ້ອງເດືອດຮ້ອນ!!!

ມີຂໍ້ຄິດດີໆກ່ຽວກັບການເປັນຄົນດີຫຼາຍເກີນໄປ ຈົນເຮັດໃຫ້ໂຕເອງເດືອດຮ້ອນ ຕ້ອງມານັ່ງເສຍໃຈ ຮ້ອງໃຫ້ພາຍ ຫຼັງສໍາລັບໃຜທີ່ເປັນຄົນໃຈດີຫຼາຍຕ້ອງອ່ານກັນເລີຍ ເພາະມັນຈະເປັນຄະຕິເຕືອນໃຈໃຫ້ເຮົາຄິດກ່ອນຕັດສິນໃຈໄດ້ຢ່າງແນ່ນອນ:

1. ຕົກທີ່ນັ່ງລໍາບາກ:

ເພາະຄວາມໃຈດີຂອງເຮົາເຮັດໃຫ້ບໍ່ວ່າໃຜກໍ່ເຂົ້າມາລຸມລ້ອມ ຂໍຄວາມຊ່ວຍເຫຼືອຈາກເຮົາ ເຊິ່ງເຮົາເອງກໍ່ຍື່ນມືເຂົ້າຊ່ວຍເຫຼືອຕະຫຼອດ ຈົນບາງເທືື່ອກໍ່ລືມໄປວ່າການມອບຄວາມຊ່ວຍເຫຼືອອາດຢ້ອນກັບມາທໍາຮ້າຍໂຕເອງ ແລະ ຄົນໃກ້ຊິດໄດ້ທຸກຄະນະ ທຸກຄົນອາດຈະຕ້ອງເຂົ້າໄປຕົກທີ່ນັ່ງລໍາບາກຄືກັນກັບເຮົາ ບໍ່ມີທາງໜີພົ້ນໄດ້ເລີຍ.

2. ຕ້ອງເມື່ອຍກັບປັນຫາທີ່ບໍ່ແມ່ນຂອງໂຕເອງ:

ໃນບາງເທື່ອຄວາມໃຈດີກໍ່ເຮັດໃຫ້ເຮົາຕ້ອງຄອຍມາເມື່ອຍກັບປັນຫາທີ່ບໍ່ແມ່ນຂອງໂຕເອງ ບໍ່ມີສ່ວນໄດ້ສ່ວນເສຍ ເຜີໆກໍ່ບໍ່ຮູ້ເລື້ອງນໍາຊໍ້າ ມັນບໍ່ແມ່ນເມື່ອຍກາຍແລ້ວແຫຼະ ແຕ່ມັນເຮັດໃຫ້ເຮົາເມື່ອຍໃຈພ້ອມ ເພາະຕ້ອງມານັ່ງຄິດຫົວລະເບີດ ລົງມືກັນຕະພຶດຕະພືທັງໆທີ່ບໍ່ໄດ້ກ່ຽວອັນໃດກັບໂຕເອງເລີຍແທ້ໆ.

3. ຢ້ານຄົນອື່ນບໍ່ພໍໃຈ:

ຄວາມໃຈດີຂອງເຮົາຈະສົ່ງຜົນຕໍ່ເຮົາໃນອະນາຄົດ ເພາະເຮົາຊ່ວຍເຫຼືອຄົນອື່ນຈົນຕິດເປັນນິໃສໄປແລ້ວ ກາຍເປັນວ່າຖ້າມື້ໃດບໍ່ຊ່ວຍ ຫຼື ຊ່ວຍບໍ່ດີພໍ ກໍ່ຈະເຮັດໃຫ້ຮູ້ສຶກຄືຄົນອື່ນຕ້ອງເບິ່ງເຮົາບໍ່ດີແບບນັ້ນແບບນີ້ ເຊິ່ງມັນເປັນຄວາມຄິດທີ່ບໍ່ດີເລີຍ ເມື່ອຍກັບປັນຫາຂອງໃຜກໍ່ບໍ່ຮູ້ ຍັງຕ້ອງມາເມື່ອຍກັບການຫວາດລະແວງ ຢ້ານຄວາມຮູ້ສຶກຂອງຄົນອື່ນເສຍຫາຍບໍ່ໄດ້ເບິ່ງໂຕເອງເລີຍ.

4. ເກັບການກະທໍາຄົນອື່ນມາຄິດ:

ເມື່ອເຮົາໃຈດີ ເຮົາກໍ່ຈະກາຍເປັນແຄຄວາມຮູ້ສຶກຄົນອື່ນຫຼາຍກວ່າໂຕເອງໄປບໍ່ຮູ້ໂຕ ບ່ອນນີ້ບໍ່ວ່າຄົນອື່ນຈະເວົ້າອັນໃດ ຄິດອັນໃດ ເຮັດອັນໃດ ເຮົາກໍ່ມັກຈະເກັບເອົາມາຄິດ ມາໃສ່ໃຈຕະຫຼອດເວລາ.

5. ກືນບໍ່ເຂົ້າຄາຍບໍ່ອອກ:

ຫຼາຍເທື່ອຫຼາຍຄາວ ຄວາມໃຈດີຂອງເຮົາກໍ່ເຮັດໃຫ້ເຮົາອຶດອັດ ນໍ້າຖ້ວມປາກ ກືນບໍ່ເຂົ້າຄາຍບໍ່ອອກ ເພາະບໍ່ສາມາດບອກປັດ ຫຼື ປະຕິເສດໃຜໄດ້ເລີຍ ອາລົມນີ້ຄືໂຕເຮົາບໍ່ໄດ້ເກີດມາເພື່ອໂຕເອງແລ້ວແລະ ຄືວ່າເຮົາເກີດມາເພື່ອເປັນຂອງຄົນອື່ນໄປແລ້ວ.

6. ຫວ່າງຄົນອື່ນ ລືມໂຕເອງ:

ບຸກຄົນປະເພດນີ້ຈະເປັນຄົນໃຈດີທີ່ພ່ວງຄວາມສົງໃສມາພ້ອມ ເພາະເປັນພວກອົດທົນເຫັນຄົນອື່ນລໍາບາກບໍ່ໄດ້ ເລີຍທົນບໍ່ໄດ້ ຍັງບໍ່ທັນເຂົ້າມາຂໍຄວາມຊ່ວຍເຫຼືອໃດໆເຮົາກໍ່ແລ່ນພຸ້ງເຂົ້າໄປ ພ້ອມໃຫ້ຄວາມ ຊ່ວຍເຫຼືອດ້ວຍໂຕເອງຕະຫຼອດ ນີ້ບໍ່ແມ່ນເລື່ອງດີແນ່ນອນ ແຕ່ມັນເປັນເລື່ອງທີ່ອາດສົ່ງຜົນໃຫ້ເຮົາລືມໂຕເອງ ລືມຄອບຄົວ ລືມຄົນໃກ້ຊິດໄປເລີຍກໍ່ໄດ້.

7. ໃຈດໍາເພາະປະຕິເສດ:

ຕາບໃດທີ່ເຮົາບໍ່ປະຕິເສດ ເຮົາກໍ່ຈະເປັນຄົນໃຈດີ ແຕ່ເມື່ອໃດເຜີປະຕິເສດເທື່ອໜຶ່ງແລ້ວ ພາບລັກຄວາມໃຈດີທີ່ເຮົາສັ່ງສົມມາມັນຈະຫາຍໄປເລີຍພາຍໃນ 10 ວິນາທີ ນີ້ຂະໜາດເຮົາບໍ່ໄດ້ຕັ້ງໃຈປະຕິເສດເລີຍ ມີເຫດຜົນຫຼາຍພໍທີ່ຈະປະຕິເສດຍັງຖືກເບິ່ງບໍ່ດີເລີຍ.

8. ໝົດປະໂຫຍດ ໝົດຄວາມຮູ້ສຶກ:

ມີຄົນຫຼວງຫຼາຍທີ່ເຂົ້າມາໃນຊີວິດເຮົາ ວົນວຽນໃນຊີວິດເຮົາເພາະຕ້ອງການຜົນປະໂຫຍດຈາກເຮົາ ຄົນແບບນີ້ເມື່ອໄດ້ປະໂຫຍດຈາກເຮົາແລ້ວ ເຂົາກໍ່ຈະສະບັດກົ້ນຫາຍເຂົ້າກີບເມກໄປໂດຍບໍ່ມີແມ້ນແຕ່ຄໍາລາອັນໃດທັງນັ້ນ ແລ້ວຈະໂຜ່ມາອີກກໍ່ຕອນທີ່ມີປັນຫາ ຫຼື ຕ້ອງການອັນໃດຈາກເຮົາຄືເກົ່ານັ້ນແຫຼະ.

ຢ່າລືມແບ່ງປັນໃຫ້ຄົນທີ່ທ່ານຮັກ ສຳລັບທ່ານໃດມີຂໍ້ມູນດີໆ ກໍ່ສາມາດແບ່ງປັນກັນ ຄອມເມັ້ນມາຂ້າງລຸ່ມນີ້ໄດ້ເລີຍເດີ້, ຝາກຕິດຕາມເຮົາແນ່ເດີ້ ບົດຄວາມດີໆມີໃຫ້ຕິດຕາມທຸກໆມື້, ຂໍຂອບໃຈທີ່ຕິດຕາມເຮົາສະເໝີມາ.

Be the first to comment

Leave a Reply

Your email address will not be published.


*