ທ່ານປູຕິນ ປະກາດຣັດເຊຍຈະເດີນໜ້າຜະລິດ ຂີປະນາວຸດໃຫ່ມ ແບບສະຫະລັດ

ສຳນັກຂ່າວຕ່າງປະເທດລາຍງານຈາກນະຄອນມອສໂກ ປະເທດຣັດເຊຍ ເມື່ອວັນທີ 3 ກຸມພາ 2019 ວ່າ ປະທານາທິບໍດີປູຕິນ ຖະແຫລງເມື່ອວັນເສົາ ບໍ່ເທົ່າໃດຊົ່ວໂມງຫລັງສະຫະລັດປະກາດຖອນຕົວຈາກການເປັນພາຄີຂອງສົນທິສັນຍາອາວຸດນິວເຄຼຍ ພິໄສກາງ (INF) ທີ່ໃຊ້ຮ່ວມກັນມານານກ່ວາ 30 ປີ  ຢ່າງເປັນທາງການ ລັດຖະບານຣັດເຊຍຈຶ່ງຂໍໃຊ້ໂອກາດນີ້ປະກາດແບບດຽວກັນ ແລະກ່າວອີກວ່າ ນັບຈາກນີ້ລັດຖະບານຣັດເຊຍຈະພັດທະນາໂຄງການຂີປະນາວຸດພິໄສກາງຮຸ້ນໃຫ່ມ ເພື່ອກຽມພ້ອມຮັບມືໂຄງການແບບດຽວກັນຂອງສະຫະລັດ

ຢ່າງໃດກໍ່ຕາມ ປະທານາທິບໍດີປູຕິນ ຢືນຢັນວ່າຣັດເຊຍບໍ່ໄດ້ຕ້ອງການກັບເຂົ້າສູ່ສະໜາມການແຂ່ງຂັນດ້ານອາວຸດ ແລະຫວັງເປັນຢ່າງຍິ່ງວ່າປະເທດຄູ່ສັນຍາຈະມີເຫດຜົນພຽງພໍ ໃນການກັບມາເຈລະຈາປະເດັນສຳຄັນແບບນີ້ ຊຶ່ງສົ່ງຜົນກະທົບເຊື່ອມໂຍງເຖິງທຸກຝ່າຍທົ່ວໂລກ ຂະນະທີ່ນາຍົກລັດຖະມົນຕີ ດິມິທຣິ ເມດເວເດຟ ກ່າວເສີມວ່າ ການຖອນຕົວຂອງລັດຖະບານສະຫະລັດອອກຈາກ ໄອເອັນເອຟ ນັ້ນເປັນການກະທຳຕາມອຳເພີໃຈ ພຽງຝ່າຍດຽວ ຢືນຢັນວ່າ ລັດຖະບານຣັດເຊຍບໍ່ມີທາງຕົກຫລຸມ ຂອງສະຫະລັດ ແຕ່ຈະບໍ່ມີທາງເພີກເສີຍຕໍ່ສະຖານະການດັ່ງກ່າວ ທີ່ຈະເຮັດໃຫ້ສະຖຽນລະພາບດ້ານຄວາມໝັ້ນຄົງຂອງໂລກສັ່ນຄອນ

ດ້ານຈີນເຊິ່ງບໍ່ໄດ້ຮ່ວມເປັນພາຄີຂອງໄອເອັນເອຟ ຕັ້ງແຕ່ຕົ້ນ ແຕ່ຖືກລັດຖະບານສະຫະລັດພາດພິງເຖິງໃນຊ່ວງຫລັງ ອອກຖະແຫລງການຮຽກຮ້ອງໃຫ້ສະຫະລັດ ແລະຣັດເຊຍຮ່ວມກັນຫາທາງອອກໃນເລື່ອງນີ້ ໂດຍສັນຕິວິທີ ເພື່ອສັນຕິສຸກຂອງທຸກຝ່າຍ ທັງນີ້ທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດສະຫະລັດ ປະກາດເມື່ອວັນສຸກທີ່ຜ່ານມາວ່າ ລັດຖະບານສະຫະລັດ ຂໍຖອນຕົວອອກຈາກ ໄອເອັນເອຟ ຕາມຄຳກ່າວຂອງປະທານາທິບໍດີໂດນັລ ທຣັມ ເມື່ອເດືອນຕຸລາປີຜ່ານມາ ເຊິ່ງຈະມີຜົນຢ່າງເປັນທາງການນັບຈາກນີ້ໃນອີກ 6 ເດືອນຂ້າງໜ້າ ເນື່ອງຈາກລັດຖະບານຣັດເຊຍເປັນຝ່າຍລະເມີດສັນຍາກ່ອນ

-PHOTO TAKEN 08DEC87-
File photo of U.S. President Ronald Reagan (R) and Soviet President Mikhail Gorbachev signing the Intermediate-Range Nuclear Forces (INF) treaty at the White House, on December 8 1987. [Reagan was elected as the 40th U.S. president in 1980. Former U.S. President Reagan’s health is deteriorating and he could have only weeks to live, a U.S. source close to the situation said on June 4, 2004. Reagan, now 93, has long suffered from the brain-wasting Alzheimer’s disease. The source said Reagan’s condition had worsened in the past week. “The time is getting close,” he said.] – PBEAHUOIPAQ
ໄອເອັນເອຟ ເປັນສົນທິສັນຍາດ້ານຄວາມໝັ້ນຄົງທີ່ທັງສອງປະເທດລົງນາມຮ່ວມກັນໂດຍຜູ້ນຳສະຫະລັດໃນຕອນນັ້ນຄື ປະທານາທິບໍດີໂຣນັລ ເຣແກນ ແລະທ່ານ ມິຄາອິລ ໂກບາຊອຟ ປະທານາທິບໍດີ ແລະເລຂາທິການພັກຄອມມິວນິສ ແຫ່ງສະຫະພາບໂຊວຽດ ເມື່ອເດືອນ ທັນວາ 1987 ເຊິ່ງເປັນຊ່ວງທ້າຍສົງຄາມເຢັນ ມີເນື້ອໃນສຳຄັນຄື ຫ້າມທັງສອງຝ່າຍພັດທະນາອາວຸດເຊິ່ງມີພິໄສຍິງເກີນກ່ວາທີ່ລະບຸໄວ້ຕາມຂໍ້ຕົກລົງຄືລະຫວ່າງ 500-5.500 ກິໂລແມັດ

 

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *