ກອງທັບສະຫະລັດ ຖະຫລົ່ມຖານທີ່ໝັ້ນ “ອັລ-ຊາບັບ” ສັງຫານຜູ້ກໍ່ການຮ້າຍ 52 ສົບ

ສໍານັກຂ່າວຕ່າງປະເທດລາຍງານຈາກນະຄອນວໍຊິງຕັນ ປະເທດສະຫະລັດອາເມຣິກາ ເມື່ອວັນທີ່ 19 ມັງກອນ 2019 ວ່າສູນບັນຊາການກາງຂອງກອງທັບສະຫະລັດໃນອາຟຣິກາ (ແອຟຣິຄອມ) ອອກຖະແຫຼງການເມື່ອວັນເສົາ ວ່າໄດ້ປະຕິບັການໂຈມຕີທາງອາກາດຕໍ່ຖານທີ່ໝັ້ນຂອງກຸ່ມອັລ-ຊາບັບ ໃກ້ກັບເມືອງຈີລິບ ໃນພູມິພາກຈູບາ ທາງພາກກາງຂອງໂຊມາເລຍ ຫ່າງຈາກະຄອນໂມກາດິຊູໄປທາງຕາເວັນຕົກສຽງໃຕ້ປະມານ 370 ກມ ສັງຫານສະມາຊິກກຸ່ມກໍ່ການຮ້າຍໄດ້ຢ່າງໜ້ອຍ 52 ຄົນ ແລະ ຢືນຢັນວ່າບໍ່ມີພົນລະເມືອງໄດ້ຮັບບາດເຈັບ ຫຼື ເສຍຊີວິດຈາກປະຕິບັດການຄັ້ງນີ້ແມ່ນແຕ່ຄົນດຽວ


ຂະນະທີ່ລັດຖະບານໂຊມາເລຍຍັງສະຫງວນທ່າທີຕໍ່ເຫດການດັ່ງກ່າວ ເຊິ່ງເປັນປະຕິບັດການທາງທະຫານຂອງສະຫະລັດຕໍ່ກຸ່ມອັລ-ຊາບັບຄັ້ງທໍາອິດໃນປີນີ້ ແລະ ເກີດຂື້ນພຽງເດືອນດຽວຫຼັງການໂຈມຕີ 4 ຄັ້ງ ເມື່ອຊ່ວງກາງເດືອນທັນວາ ປີຜ່ານມາ ສັງຫານສະມາຊິກກຸ່ມອັລ-ຊາບັບໄດ້ລວມກັນຢ່າງໜ້ອຍ 62 ຄົນ


ທັງນີ້ ແມ່ນວ່າລາຍງານຂອງແອຟຣິຄອມລະບຸວ່າປະຕິບັດການຄັ້ງນີ້ຖືເປັນການຕອບໂຕ້ທີ່ກຸ່ມອັລ-ຊາບັບບຸກໂຈມຕີຖານທັບຂອງໂຊມາເລຍ 2 ແຫ່ງໃນພູມິພາກຈູບາ ເມື່ອບໍ່ດົນມານີ້ ແລະ ສັງຫານທະຫານກຸ່ມອັລ-ຊາບັບໃນຄັ້ງນີ້ຍັງເກີດຂື້ນພຽງ 4 ວັນ ຫຼັງເຫດກໍ່ການຮ້າທີ່ໂຮງແຮມດຸສິດດີທູ ໃນນະຄອນໄນໂຣບີ ເມືອງຫຼວງຂອງເຄນຢາ ລະຫວ່າງວັນອັງຄານເຖິງວັນພຸດທີ່ຜ່ານມາ ເຊິ່ງມີຜູ້ເສຍຊີວິດຢ່າງໜ້ອຍ 21 ຄົນ ໜຶ່ງໃນນັ້ນເປັນເປັນຊາວອາເມຣິກາ ສ່ວນຄົນຮ້າຍ 5 ຄົນເສຍຊີວິດໃນບ່ອນເກີດເຫດ ແລະ ກຸ່ມອັລ-ຊາບັບປະກາດອ້າງເປັນຜູ້ກໍ່ເຫດ.

Be the first to comment

Leave a Reply

Your email address will not be published.


*