ແກ໊ສລະເບີດຢູ່ປາຣີສ ມີຜູ້ເສຍຊີວິດ 4 ສົບ

ສໍານັກຂ່າວເອເອຟພີລາຍງານຈາກນະຄອນປາຣີສ ປະເທດຝຣັ່ງເມື່ອວັນທີ່ 13 ມັງກອນ 2019 ວ່າ ເຫດແກ໊ສລະເບີດຢູ່ອາຄານໃຈກາງນະຄອນປາຣີສ ເມືອງຫຼວງຂອງຝຣັ່ງເມື່ອວັນເສົາທີ່ 12 ມັງກອນ 2019 ທີ່ຜ່ານມາສົ່ງມີຜົນໃຫ້ມີຜູ້ເສຍຊີວິດ 3 ສົບ ເປັນເຈົ້າໜ້າທີ່ດັບເພີງ 2 ຄົນ ແລະ ນັກທ່ອງທ່ຽວຊາວສະເປນອີກ 1 ຄົນ ແລະ ບາດເຈັບອີກ 50 ຄົນ ອາຄານອາພາຣດເມນໃກ້ຄຽງໄດ້ຮັບຄວາມເສຍຫາຍ ເຈົ້າໜ້າທີ່ຕ້ອງອົບພະຍົບປະຊາຊົນອອກມາຈາກພື້ນທີ່ໃກ້ຄຽງ 150 ຄົນ


ເຈົ້າໜ້າທີ່ກູ້ໄພພ້ອມໝາດົມກິ່ນໄດ້ຄົ້ນຫາຜູ້ຍິງຄົນໜຶ່ງເຊິ່ງອາໄສຢູ່ຊັ້ນເທິງອາຄານທີ່ເກີດເຫດລະເບີດ ແລະ ເຊື່ອວ່າເຂົາຍັງຕິດຢູ່ໃຕ້ຊາກປະລັກຫັກພັງ ໂດຍເຈົ້າໜ້າທີ່ກູ້ໄພພົບສົບແລ້ວ ເຊື່ອວ່າເປັນຜູ້ຍິງຄົນດັ່ງກ່າວ ພຽງແຕ່ລໍຖ້າກວດສອບເພື່ອຢືນຢັນຢ່າງເປັນທາງການເທົ່ານັ້ນ ໂຄສົກໜ່ວຍດັບເພີງຖະແຫຼງອີກວ່າ ຕ້ອງເສີມກໍາລັງເຈົ້າໜ້າທີ່ໃນການກວດສອບອາຄານທີ່ເກີດເຫດເພາະຕ້ອງໃຊ້ກໍາລັງເຈົ້າໜ້າທີ່ຈໍານວນຫຼາຍໃນການປະຕິບັດການທໍາຄວາມສະອາດ ແລະ ເຄຼຍພື້ນທີ່ເຊິ່ງອາດໃຊ້ເວລາປະມານ 1 ອາທິດ
ສໍາລັບພື້ນທີ່ເກີດເຫດໃນເຂດປົກຄອງທີ່ 9 ຂອງນະຄອນປາຣີສ ເປັນທີ່ຕັ້ງຂອງຮ້ານອາຫານ ແລະ ແຫຼ່ງທ່ອງທ່ຽວ ເຊັ່ນ ພິພິຕະພັນຫຸ່ນຂີ້ເຜີ້ງກຣີແວງ ແລະ ຕະຫຼາດ Rue des Martyrs.

Be the first to comment

Leave a Reply

Your email address will not be published.


*