ສາເຫດຣັດເຊຍ ຂໍລົດຖັງຮີໂຣ່ T34-85 ຈຳນວນ 30 ຄັນຄືນຈາກ ສປປ ລາວ

ສຳນັກຂ່າວຕ່າງປະເທດລາຍງານເຫດຜົນທີ່ຣັດເຊຍຂໍລົດຖັງ T34-85 ຂອງ ສປປ ລາວ ທັງ 30 ຄັນກັບໄປ ເພາະເປັນຮີໂຣ່ຈາກສົງຄາມໂລກຄັ້ງທີ່ 2 ຈະໄດ້ຮ່ວມພາເຫຣດສະຫຼອງວັນແຫ່ງໄຊຊະນະ ແລະ ໃຊ້ຖ່າຍຮູບເງົາສົງຄາມອີງປະຫວັດສາດ


ເມື່ອຫຼາຍວັນກ່ອນ ສໍານັກຂ່າວທາສສຂອງປະເທດຣັດເຊຍ ລາຍງານອ້າງກະຊວງປ້ອງກັນປະເທດຣັດເຊຍວ່າ ລົດຖັງກາງແບບ T34-85 ຈໍານວນ 30 ຄັນໄດ້ມາເຖິງເມື່ອທ່າວາລາດິວອສຕ໊ອກ ຫຼັງຈາກທີ່ອອກເດີນທາງຫຼາຍກວ່າ 4.500 ກມ ຈາກສປປປ ລາວ ເພື່ອມຸ່ງໜ້າໄປຍັງນະຄອນມອສໂກ ລົດຖັງຮຸ່ນນີ້ຍັງຄົງມີປະຈໍາການຢູ່ໃນກອງທັບຂອງ ສປປ ລາວ ຫຼັງມີການເປີດເຜີຍໂດຍສໍານັກຂ່າວຣັດເຊຍທີ່ໄປເຮັດຂ່າວໃນລາວວ່າ ລົດຖັງ T34-85 ຂອງ ສປປ ລາວ ຍັງໃຊ້ງານໄດ້ດີ ແລະ ຍັງເປັນກໍາລັງຮົບຫຼັກຢູ່


ລົດຖັງຮຸ່ນ T34-85 ເປັນລົດຖັງທີ່ຜະລິດຂື້ນມາໃນສະໄໝສົງຄາມໂລກຄັ້ງທີ່ 2 ພັດທະນາຕໍ່ຍອດມາຈາກລົດຖັງກາງ T34 ດ້ວຍການປ່ຽນປ້ອມປືນ ແລະ ຕິດປືນໃຫຍ່ຂະໜາດ 85 ມມ ທີ່ມີອໍານາດການເຈາະເກາະລົດຖັງເຢຍລະມັນໄດ້ດີກວ່າ ປືນຂະໜາດໃຫຍ່ 76 ມມ ທີ່ມີໃຊ້ໃນຮຸ່ນເດີມ ຈົນສາມາດສູ້ກັບລົດຖັງຂອງນາຊີຢ່າງ ໄທເກີຣແພນເທີຣ ແລະ ແພນເຊີຣ 4


ແມ່ນວ່າຈະມີອາຍຸກວ່າ 80 ປີ ນັບຕັ້ງແຕ່ການຜະລິດອອກຈາກໂຮງງານຊ່ວງປີ 1940 ໂດຍເປັນກໍາລັງສໍາຄັນຂອງກອງທັບແດງໃນການເອົາຊະນະກອງທັບຍານເກາະຂອງນາຊີເຢຍລະມັນຊ່ວງສົງຄາມໂລກຄັ້ງທີ່ 2 ມັນຖືກຜະລິດຂື້ນມາ 57.000 ຄັນຈົນເຖິງປີ 1945 ແລະ ຍັງຖືກຜະລິດຕໍ່ຫຼັງຈາກສົງຄາມຈົບລົງມີ T34 ລວມແລ້ວ 80.000 ຄັນ ອີກທັງກະຈາຍໄປຍັງປະເທດຕ່າງໆ ຫຼາຍຮ້ອຍຄັນ ໂດຍປັດຈຸບັນສ່ວນຫຼາຍ ລົດຖັງ T34 ໄປຕັ້ງສະແດງຢູ່ພິພິຕະພັນ ຫຼື ສະຖານທີ່ສໍາຄັນ ມີໜ້ອຍຫຼາຍທີ່ຍັງສາມາດແລ່ນໄດ້ ແລະ ຊ່ວງຕົ້ນຂອງສົງຄາມເຢັນ T34 ເປັນພື້ນຖານການພັດທະນາລົດຖັງກາງຂອງໂຊຫວຽດ ໃນຍຸກຕໍ່ໆມາ ເຊັ່ນ ລົດຖັງກາງແບບ T54 ແລະ ລົດຖັງກາງແບບ T62


ດາ້ນ ຊີເອັນເອັນ ລາຍງານວ່າ ແມ່ນວ່າປັດຈຸບັນຣັດເຊຍມີລົດຖັງທີ່ທັນສະໄໝຮຸ່ນຕ່າງໆ ຫຼວງຫຼາຍ ແຕ່ບໍ່ມີລົດຖັງລຸ້ນໃດຢູ່ໃນຫົວໃຈຄົນຣັດເຊຍໄປຫຼາຍກວ່າ T34 ທີ່ເປັນຮີໂຣ່ໃນສົງຄາມ ແລະ ນັ້ນຈຶ່ງເປັນເຫດຜົນທີ່ກະຊວງປ້ອງກັນປະເທດຣັດເຊຍຢາກໄດ້ T34-85 ຂອງ ສປປ ລາວ ທັງ 30 ຄັນກັບໄປ ເພື່ອນໍາລົດຖັງເຫຼົ່ານີ້ໄປຮ່ວມຂະບວນພາເຫຣດສະຫຼອງໄຊຊະນະໃນວັນວີເດ 9 ພຶດສະພາ 2019 ໃນຫຼາຍໆ ເມືອງຂອງຣັດເຊຍ ລວມເຖິງການນໍາເຂົ້າສາກຖ່າຍຮູບເງົາສົງຄາມອີງປະຫວັດສາດ ເພື່ອສະຫຼອງໄຊຊະນະໃນສົງຄາມໂລກຄັ້ງທີ່2.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *