ຍອດຂາຍລົດໃນ ຈີນ ຂະຫຍາຍຕົວຕິດລົບຄັ້ງທໍາອິດຮອບ 28 ປີ

ສະມາຄົມຜູ້ຜະລິດລົດຍົນແຫ່ງປະເທດຈີນ (CAAM) ປະເມີນຕະຫຼາດລົດຍົນຂອງຈີນເຕີບໂຕຢ່າງຊັກຊ້າໃນປີ 2019 ຄາດຍອດຂາຍຢູ່ທີ່ປະມານ 28 ລ້ານຄັນ ໂດຍສາເຫດຫຼັກມາຈາກເສດຖະກິດທີ່ຂະຫຍາຍຕົວຕໍ່າ ສົ່ງຜົນກະທົບຕໍ່ການຊື້ສິນຄ້າຂະໜາດໃຫຍ່ ລາຍງານຄາດການວ່າຍອດຂາຍເພື່ອການຄ້າຈະເເຕະ 4.4 ລ້ານຄັນ ຫຼື ເພີ່ມຂື້ນໜຶ່ງເປີເຊັນເມື່ອທຽບປີຕໍ່ປີ ສ່ວນຍອດຂາຍລົດຍົນພະລັງງງານໃຫ່ມຈະເຕີບໂຕຢ່າງວ່ອງໄວ 33% ເມື່ອທຽບປີຕໍ່ປີ ຄິດເປັນຈໍານວນ 1,6 ລ້ານຄັນ

ທ່ານ ສື ຈ້ຽນຫົວ ຮອງເລຂາທິການສະມາຄົມກ່າວວ່າ ໂຄງການສ້າງຕະຫຼາດລົດຍົນຈີນຈະມີການປ່ຽນແປງໃນປີນີ້ໂດຍລົດຍົນລະດັບກາງ ແລະ ສູງ ເອສຢູວີ ແລະ ລົດຍົນພະລັງງານໃໝ່ ຈະຂະຫຍາຍຕົວກວ່າລົດຍົນປະເພດອື່ນໆ

ຂໍ້ມູນຈາກສະມາຄົມ ເຜີຍວ່າຍອດຂາຍລົດໂດຍສານຂອງປີ 2018 ລວມຢູ່ທີ່ 22,35 ລ້ານຄັນ ເຊິ່ງຫຼຸດລົງ 5,8% ເມື່ອທຽບປີຕໍ່ປີ ແລະ ນັບເປັນການເຕີບໂຕທາງລົບຄັ້ງທໍາອິດຂອງຕະຫຼາດລົດຍົນຈນໃນຮອບ 28 ປີ

ທ່ານ ສື ເສີມວ່າຕະຫຼາດລົດຍົນຈີນ ຍັງຄົງເປັນຕະຫຼາດທີ່ມີການເຕີບໂຕພຽງພໍ ເນື່ອງຈາກຄວາມຕ້ອງການຢາກເປັນເຈົ້າຂອງລົດຍົນຢູ່ໃນລະດັບຕໍ່າຫາກທຽບກັບຄ່າສະເລ່ຍທົ່ວໂລກ ໂດຍຂໍ້ມູນຂອງທາງການຈີນ ລະບຸວ່າຊາວຈີນຄອບຄອງລົດປະມານ 240 ລ້ານຄັນໃນປີ 2018

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *