ຈີນ ຈະເດີນຫນ້າກວາດລ້າງການສໍ້ລາດບັງຫລວງ ຢ່າງຕໍ່ເນື່ອງ ເພື່ອໃຫ້ປະຊາຊົນມີຄວາມສຸກ

ສຳນັກຂ່າວຕ່າງປະເທດລາຍງານໃນວັນທີ 14 ມັງກອນ 2019 ວ່າ ໜ່ວຍງານຕໍ່ຕ້ານການສໍ້ລາດບັງຫລວງຂອງລັດຖະບານຈີນ ປະກາດເດີນໜ້າກວາດລ້າງການສໍ້ລາດບັງຫລວງຢ່າງຕໍ່ເນື່ອງ ໂດຍປີນີ້ຈະພຸ່ງເປົ້າໄປທີ່ການສຶກສາ ສາທາລະນະສຸກ ການປົກປ້ອງສິ່ງແວດລ້ອມ ແລະ ປະເດັນອື່ນໆ ທີ່ສ້າງຄວາມວິຕົກກັງວົນໃຫ້ແກ່ສາທາລະນະຊົນ

ທັງນີ້ການຕ້ານການສໍ້ລາດບັງຫລວງຖືເປັນປະເດັນທີ່ລັດຖະບານຈີນ ພາຍໃຕ້ການນໍາຂອງປະທານາທິບໍດີສີ ຈິ້ນຜິງ ໃຫ້ຄວາມສໍາຄັນຢ່າງຍິ່ງ ໂດຍຊ່ວງທີ່ຜ່ານມາ ຈີນປະກາດໄຊຊະນະຢ່າງຖ້ວມທົ້ນໃນການຖອນຮາກຖອກກົກຕໍ່ການສໍ້ລາດບັງຫລວງທີ່ຝັງຮາກເລິກມາເປັນເວລາດົນນານໃນປະເທດ

ລ່າສຸດຄະນະກໍາມາທິການກາງກວດສອບລະບຽບວິໄນຂອງພັກຄອມມູນິດຈີນປະກາດຈຸດຢືນເມື່ອວັນທີ່ 13 ມັງກອນວ່າ 2019 ວ່າການກວາດລ້າງການສໍ້ລາດບັງຫລວງໃນປີນີ້ຈະພຸ່ງເປົ້າໄປທີ່ສາຂາຕ່າງໆ ທີ່ກ່ຽວຂ້ອງກັບຊີວິດຄວາມເປັນຢູ່ຂອງປະຊາຊົນ ໂດຍມີເປົ້າໝາຍເພື່ອໃຫ້ປະຊາຊົນມີຄວາມສຸກ ແລະ ຄວາມໝັ້ນຄົງຫຼາຍຂື້ນ

ຄວາມພະຍາຍາມໃນປີນີ້ຈະພຸ່ງເນັ້ນທີ່ການສໍ້ລາດບັງຫລວງ ແລະ ພຶດຕິກໍາອັນບໍ່ຊອບດ້ວຍກົດໝາຍຂອງລັດຖະບານທ້ອງຖິ່ນ ລວມເຖິງຈັດການກັບການຮັບສິນບົນ ໃຊ້ອໍານາດລັດໂດຍບໍ່ຊອບ ການປ່ອຍປະລະເລີຍ ແລະ ປະຕິບັດທີ່ບໍ່ຖືກຕ້ອງໃນພາກການເງິນ ນອກຈາກນີ້ຍັງຕ້ອງປ້ອງກັນບໍ່ໃຫ້ກຸ່ມຕ່າງໆກໍ່ເຫດສໍ້ລາດບັງຫລວງ ຫຼືໃຫ້ສິນກັບເຈົ້າໜ້າທີ່ລັດລະດັບສູງຂອງລັດອີກດ້ວຍ ໃນປີ 2018 ທີ່ຜ່ານມາລັດຖະບານຈີນໄດ້ລົງໂທດຜູ້ທີ່ກ່ຽວຂ້ອງກັບການການສໍ້ລາດບັງຫລວງເຖິງ 621.000 ຄົນ ໂດຍຈໍານວນນີ້ 51 ຄົນເປັນເຈົ້າໜ້າທີ່ລະດັບສູງ ທັງໃນລະດັບລັດຖະມົນຕີ ຫຼືລະດັບມົນທົນ.

Be the first to comment

Leave a Reply

Your email address will not be published.


*