ກໍ່ເຫດຄາດຕະກຳ ຍ້ອນຖືກເຢາະເຢີ້ຍວ່າເມຍເປັນສາວບໍລິການ

ຫຼານຊາຍເມຍ ເກີດມີຄວາມຄຽດແຄ້ນຝັງໃຈໃຫ້ນ້າເຂີຍມາຫຼາຍປີ ຍ້ອນຄວາມບໍ່ເຂົ້າໃຈກັນ ແລະ ຜິດຖຽງຈົນເຖິງຂັ້ນທຸບຕີກັນມາແລ້ວ. ຈາກຄວາມຄຽດແຄ້ນດັ່ງກ່າວ, ມາຮອດວັນທີ 21 ທັນວາ 2018 ຜູ້ກ່ຽວກໍລົງມືຄາດຕະກໍານ້າເຂີຍດ້ວຍການໃຊ້ໄມ້ຄ້ອນສີ່ແປດທຸບຕີຈົນເສຍຊີວິດ.

ພະແນກຕໍາຫຼວດ ປກສ ເມືອງນາຊາຍທອງ ໄດ້ເປີດເຜີຍຄະດີຄາດຕະກໍາດັ່ງກ່າວຕໍ່ໜັງສືພິມຄວາມສະຫງົບ ໃນວັນທີ 10 ມັງກອນ 2019 ວ່າ: ເວລາປະມານ 10:00 ໂມງ ຂອງວັນທີ 21 ທັນວາ 2018 ໄດ້ຮັບລາຍງານຈາກ ປກສ ກຸ່ມນາຂ່າ ວ່າ: ມີເຫດການຄາດຕະກໍາຢູ່ບ້ານໂພນມ່ວງ ເມືອງນາຊາຍທອງ. ຈາກນັ້ນ, ໜ່ວຍງານຕໍາຫຼວດສືບສວນ-ສອບສວນຄະດີອາຍາ ໄດ້ລົງສົມທົບກັບ ປກສ ກຸ່ມນາຂ່າ ແລະ ອໍານາດການປົກຄອງບ້ານໂພນມ່ວງ ລົງກວດກາສະຖານທີ່ເກີດເຫດ ຈຶ່ງເຫັນຜູ້ເສຍຊີວິດ ຊື່ ທ້າວ ບຸນຄ້ໍາ ອາຍຸ 53 ປີ ຢູ່ບ້ານໂພນມ່ວງ ເມືອງນາຊາຍທອງ. ຜ່ານການພິສູດພາຍນອກຂອງສົບພົບເຫັນຮອຍບວມຊໍ້າຢູ່ງ່ອນດົ້ນ ແລະ ຕາມຕົນຕົວຫຼາຍຈຸດຖືກກະທົບດ້ວຍຂອງແຂງ.
ຜ່ານການສືບສວນ-ສອບສວນ ຈຶ່ງຮູ້ວ່າຜູ້ທີ່ລົງມືກໍເຫດ ຊື່ ທ້າວ ກິລັນ ອາຍຸ 35 ປີ ຄົນ ບ້ານດຽວກັນ ເຊິ່ງເປັນຫຼານຂອງເມຍຜູ້ຕາຍ. ຈາກການສອບສວນ ທ້າວ ກິລັນ ສາລະພາບວ່າ: ເປັນຜູ້ລົງມີຄາດຕະກໍາ ທ້າວ ບຸນຄໍ້າ ໂດຍໃຊ້ໄມ້ຄ້ອນສີ່ແປດຍາວປະມານ 1 ແມັດ ຕີຈົນລົ້ມລົງກັບພື້ນ ແລ້ວຕີຊໍ້າຕື່ມອີກ 3 ບາດ ຈົນເສຍຊີວິດ.


ຄະດີດັ່ງກ່າວນີ້, ເບື້້ອງຕົ້ນທ້າວ ບຸນຄໍ້າ (ຜູ້ຕາຍ) ໄດ້ສ້າງຄອບຄົວກັບ ນາງ ແດງ ຢູ່ບ້ານໂພນມ່ວງ ເມືອງນາຊາຍທອງ ໄດ້ຫຼາຍປີມາແລ້ວ ເຊິ່ງເປັນນ້າສາວຂອງ ທ້າວ ກິລັນ (ຜູ້ກໍ່ເຫດ); ໃນໄລຍະປີ 2015, ທ້າວ ກິລັນ ແລະ ທ້າວ ບຸນຄ້ໍາ ໄດ້ໄປເຮັດວຽກຂັບລົດນໍາກັນຢູ່ບໍລິສັດ ພູເບ້ຍ. ໄລຍະທີ່ເຮັດວຽກນໍາກັນນັ້ນ, ພວກກ່ຽວແມ່ນຜິດຖຽງກັນເປັນປະຈໍາຍ້ອນ ທ້າວ ບຸນຄ້ໍາ ລັກເອົານ້ໍາມັນລົດໃຫຍ່ທີ່ຂັບນັ້ນໄປຂາຍແລ້ວຖືກນາຍຈ້າງສົງໄສແຕ່ ທ້າວ ບຸນຄ້ໍາ ໄດ້ປະຕິ ເສດໂດຍອ້າງວ່າ: ທ້າວ ກິລັນ ເປັນຄົນດູດເອົານໍ້າມັນໄປຂາຍ. ໃນເວລານັ້ນ, ທ້າວ ກິລັນ ຢາກຮ້າຍແຮງ ຈຶ່ງໃຊ້ກໍາປັ້ນຕີ ທ້າວ ບຸນຄໍ້າ ຈໍານວນ 4-5 ບາດ ແລ້ວທາງບໍລິສັດ ພູເບ້ຍ ໄດ້ໄລ່ອອກຈາກວຽກກັບມາຢູ່ບ້ານໂພນມ່ວງ ໃນປີ 2016, ສ່ວນ ທ້າວ ບຸນຄ້ໍາ ຍັງເຮັດວຽກຢູ່ບ່ອນເກົ່າ ຕໍ່ມາໄດ້ອອກຈາກວຽກມາຢູ່ນຳເມຍບ້ານໂພນມ່ວງ ປີ 2017.

ໃນເດືອນກໍລະກົດ 2017 ທ້າວ ກິລັນ ໄດ້ພົວພັນກັບເສບຢາເສບຕິດຂັ້ນຮ້າຍແຮງ, ດັ່ງນັ້ນ, ທາງຄອບຄົວໄດ້ນໍາສົ່ງຜູ້ກ່ຽວໄປປິ່ນປົວບໍາບັດອອກຢາເສບຕິດຢູ່ສູນບໍາບັດຜູ້ຕິດຢາເສບຕິດ ນະຄອນຫຼວງວຽງຈັນ (ສູນສົມສະຫງ່າ) ເປັນເວລາ 7 ເດືອນ. ຈາກນັ້ນ, ຜູ້ປົກຄອງໄດ້ໄປປະກັນຕົວເອົາມາຢູ່ນໍາຄອບຄົວ ແລ້ວຫາວຽກຂັບລົດດ້າມຢູ່ແຂວງໄຊສົມບູນ ໃຫ້, ຜ່ານໄປປະມານ 8-9 ເດືອນ ໄດ້ກັບມາຢູ່ກັບເມຍຢູ່ບ້ານໂພນມ່ວງ, ໃນລະຫວ່າງຢູ່ບ້ານກັບຄອບຄົວ, ທ້າວ ບຸນຄໍ້າ ກໍໄດ້ມາເວົ້າເຢາະເຢີ້ຍວ່າ: ເມຍຂອງ ທ້າວ ກິລັນ ເຮັດວຽກເປັນສາວບໍລິການ ແລະ ບໍ່ມີປັນຍາຊອກຫາວຽກເຮັດງານທໍາ, ຍ້ອນຄໍາເວົ້າເຢາະເຢີ້ຍ ແລະ ໃສ່ຮ້າຍປ້າຍສີດັ່ງ ກ່າວເຮັດໃຫ້ມີຄວາມຄຽດແຄ້ນຢູ່ໃນໃຈມາຕະຫຼອດ.

ມື້ເກີດເຫດວັນທີ 21 ທັນວາ 2018 ເວລາ 10:00 ໂມງ ທ້າວ ກິລັນ ຕັ້ງໃຈຈະໄປຄາດຕະກໍາ ທ້າວ ບຸນ ຄ້ໍາ ຍ້ອນຄວາມຄຽດແຄ້ນ ໂດຍຍ່າງໄປເອົາໄມ້ສີ່ແປດຍາວປະມານ 1 ແມັດ ທີ່ຢູ່ຄອກໄກ່ຂອງແມ່ຕູ້ຜູ້ກ່ຽວ ແລ້ວຍ່າງໄປຫາ ທ້າວ ບຸນຄ້ໍາ ຢູ່ເຮືອນເວລານັ້ນຜູ້ຕາຍ ກໍາລັງເອົາໄກ່ຕີອອກຕາກແດດຢູ່ໜ້າເຮືອນ; ໃນຂະນະນັ້ນ, ທ້າວ ກິລັນ ໄດ້ຍ່າງເຂົ້າໄປເອົາໄມ້ທີ່ກຽມມາ ຕີໃສ່ງ່ອນດົ້ນຂອງ ທ້າວ ບຸນຄໍ້າ ຈໍານວນ 2 ບາດ ເຮັດໃຫ້ລົ້ມຟຸບລົງພື້ນດິນແລ້ວຕີຊໍ້າອີກ ຈໍານວນ 3 ບາດ ເສຍຊີວິດຄາທີ່

ຂອບໃຈຂໍ້ມູນຈາກ: ນສພ ຄວາມສະຫງົບ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *