ພໍ່ຊາວເດນມາຣກ “ຂົ່ມຂືນ” ລູກສາວແທ້ໆ ຄາຫ້ອງບ່າວສາວ ບອກເຂົ້າໃຈຜິດ ນຶກວ່າເປັນເມຍຕົນເອງ

ສຳນັກຂ່າວຕ່າງປະເທດລາຍງານເມື່ອວັນທີ 12 ມັງກອນ 2019 ວ່າ ສານເດນມາຣກຕັດສິນໃຫ້ຊາຍອາຍຸ 50 ປີຄົນໜຶ່ງ ມີຄວາມຜິດຈາກການຂົ່ມຂືນລູກສາວແທ້ໆ ອາຍຸ 20 ປີຂອງຕົນເອງໃນຄືນທີ່ຕົນເຂົ້າພິທີແຕ່ງງານກັບຍິງອີກຄົນ ເມື່ອເດືອນສິງຫາປີຜ່ານມາ ແລະ ຕ້ອງຮັບໂທດຈໍາຄຸກ 2 ປີ 6 ເດືອນ

ເລື່ອງນີ້ຕ້ອງເລົ່າຍ້ອນວ່າ ພໍ່ ແລະ ລູກສາວຄູ່ນີ້ບໍ່ໄດ້ຕິດຕໍ່ກັນດົນຫຼາຍປີ ຈາກບັນຫາຄອບຄົວ ແລະ ຫາກໍ່ຕິດຕໍ່ກັນອີກຄັ້ງເມື່ອຊ່ວງຄຣິສມາສປີ 2017 ຫຼັງຈາກນັ້ນພໍ່ໄດ້ເຊີນໃຫ້ລູກສາວມາຮ່ວມງານແຕ່ງຂອງຕົນເອງ ແລະ ໃນຄືນນັ້ນສາວເຄາະຮ້າຍເມົາໝົດສະພາບ ຈົນເມື່ອເວລາ 2:30 ໂມງ ພໍ່ ແລະ ແຂກຄົນອື່ນໆ ພາເຂົາໄປນອນໃນຫ້ອງສໍາລັບບ່າວສາວ ແລະ ປະມານ 90 ນາທີຕໍ່ມາ ພໍ່ໄດ້ເຂົ້າມານອນຫຼັບຢູ່ຂ້າງລູກສາວ ໂດຍພັນລະຍາໃໝ່ນອນຢູ່ອີກເບື້ອງ

ເອກະສານທີ່ສານໄດ້ລະບຸວ່າ ເມື່ອຊ່ວງ 04.00-04.45 ໂມງ ຂອງເຊົ້າວັນນັ້ນ ເລື່ອງໜ້າຕົກໃຈກໍ່ເກີດຂື້ນເມື່ອພໍ່ຄວ້າໂຕລູກສາວເອົາໄວ້ ສ່ວນລູກສາວຮ້ອງຂໍໃຫ້ຢຸດ ແລະ ພະຍາຍາມຈະລຸກຂື້ນນັ່ງ ແຕ່ພໍ່ກົດໜ້າເອິກໃຫ້ນອນລົງໄປ ແລະ ບັງຄັບຂືນໃຈ ທັງໆທີ່ຮ້ອງຂໍໃຫ້ຢຸດຫຼາຍຄັ້ງ

ດ້ານໄອຍາການກ່າວຕໍ່ສານເຖິງສາເຫດທີ່ສາວຄົນນີ້ປ້ອງກັນຕົນເອງ ແລະ ຢຸດພໍ່ບໍ່ໄດ້ເປັນເພາະເຂົາຍັງເມົາຢູ່ ຢ່າງໃດກໍ່ຕາມ ຊາຍຄົນດັ່ງກ່າວອ້າງວ່າ ຫຼັງຈາກພາລູກສາວນອນໄປແລ້ວ ເຂົາຈື່ເຫດການບໍ່ໄດ້ເລີຍ ແລະ ປະຕິເສດວ່າບໍ່ໄດ້ຂົ່ມຂືນ ແລະ ກະທໍາລ່ວງເກີນລູກສາວຂອງຕົນ ແລະ ຢືນຢັນວ່າບໍ່ໄດ້ເຮັດຫຍັງຜິດ

ແຕ່ຫຼັກຖານທີ່ໃຊ້ມັດໂຕເຂົາຄື ແຊັດທີ່ເຂົາໄດ້ລົມກັບລູກສາວຫຼັງຈາກເຫດການທີ່ຜ່ານມາບໍ່ເທົ່ໃດມື້ ເຊິ່ງເຂົາພະຍາຍາມບອກກັບລູກສາວ ເຂົາເຂົ້າໃຈຜິດວ່າເປັນພັນລະຍາ
ແຊັດດັ່ງກ່າວ ລູກສາວຕອບວ່າ “ຂ້ອຍວ່າເຮົາຢ່າຕິດຕໍ່ກັນອີກເລີຍ ຂ້ອຍຮັບບໍ່ໄດ້ກັບສິ່ງທີ່ພໍ່ເຮັດກັບຂ້ອຍ ບອກໃຫ້ຢຸດດີໆ ກໍ່ບໍ່ຢຸດ ຮ້ອງແລ້ວກໍ່ຍັງບໍ່ຢຸດ ຕີແລ້ວກໍ່ຍັງບໍ່ຢຸດ”
ຫຼັງຈາກນັ້ນ ເຂົາຕອບກັບໄປວ່າ “ເລື່ອງທີ່ເກີດຂື້ນເປັນຄວາມຜິດພາດ ພໍ່ຂໍໂທດ ນຶກວ່າເປັນ (ຊື່ພັນລະຍາ) ລົມກັນກ່ອນບໍ່ໄດ້ຫວາ ພໍ່ຂໍໂທດ”

Be the first to comment

Leave a Reply

Your email address will not be published.


*