ປາລາໄກວ ຕັດຄວາມສໍາພັນເວເນຊຸເອລາ ຫຼັງ ມາດູໂຣ ສາບານຕົນຮັບຕໍາແໜ່ງ

ສຳນັກຂ່າວຕ່າງປະເທດລາຍງານ ຈາກປະເທດປາຣາໄກວ ເມື່ອວັນທີ່ 11 ມັງກອນ 2019 ວ່າ ປາຣາໄກວຕັດຄວາມສໍາພັນທາງການທູດກັບເວເນຊຸເອລາ ຫຼັງປະທານາທິບໍດີນິໂກລັສ ມາດູໂຣ ສາບານຕົນເຂົ້າຮັບຕໍາແໜ່ງສະໄໝທີ່ 2

ປະທານາທິບໍດີມາຣິໂອ້ ແອບໂດ ເບນິເຕຊ ຂອງປາຣາໄກວ ຖະແຫຼງວ່າ ປາຣາໄກວຈະຕັດຄວາມສໍາພັນທາງການທູດກັບເວເນຊຸເອລາຫຼັງຈາກປະທານາທິບໍດີນິໂກລັສ ມາດູໂຣ ສາບານຕົນເຂົ້າຮັບຕໍາແໜ່ງສະໄໝທີ່ 2 ໂດຍການດໍາເນີນການດັ່ງກ່າວເປັນໄປຕາມອໍານາດລັດຖະທໍາມະນູນ ແລະ ອະທິປະໄຕຂອງປາຣາໄກວ ປະທານາທິບໍດີມາດູໂຣ ເຂົ້າພິທີສາບານຕົນທ່າມກາງສຽງຮຽກຮ້ອງຈາກນານາປະເທດທີ່ຕ້ອງການໃຫ້ທ່ານລາອອກຈາກຕໍາແໜ່ງ ແລະ ວິກິດເສດຖະກິດທີ່ຫຸ້ມລ້ອມ

ຂະນະທີ່ 17 ປະເທດໃນພູມິພາກລະຕິນອາເມຣິກາ ລວມທັງສະຫະລັດ ແຄນາດາ ຕ່າງບໍ່ຍອມຮັບການດໍາລົງຕໍາແໜ່ງສະໄໝທີ່ 2 ຂອງທ່ານມາດູໂຣ ປະເທດສ່ວນໃຫຍ່ໃນລະຕິນອາເມຣິກາ ແລະ ຢູໂຣບກໍ່ບໍ່ສົ່ງຜູ້ແທນເຂົ້າຮ່ວມພິທີສາບານຕົນ ແຕ່ຍັງບໍ່ເຖິງຂັ້ນຕັດຂາດຄວາມສໍາພັນທາງການທູດແບບທີ່ປາຣາໄກວປະຕິບັດຕໍ່ເວເນຊຸເອລາ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *