ກະບົດເຢເມນສົ່ງໂດຣນ ໂຈມຕີຖານທັບທີ່ໃຫຍ່ທີ່ສຸດ ມີທະຫານເສຍຊີວິດ 6 ຄົນ ບາດເຈັບ 12 ຄົນ

ກຸ່ມຫະບົດໃນເຢເມນສົ່ງອາກາດຊະຍານໄຮ້ຄົນຂັບ ຫຼື ໂດຣນ ໂຈມຕີຖານທັບທີ່ໃຫຍ່ທີ່ສຸດທີ່ໃນເຢເມນ ເມື່ອວັນທີ່ 10 ມັງກອນ 2019 ຕາມເວລາທ້ອງຖິ່ນ ໂດຍການໂຈມຕີເກີດຂື້ນລະຫວ່າງມີການສວນສະໜາມ ເປັນເຫດໃຫ້ທະຫານທີ່ພັກດີຕໍ່ລັດຖະບານເຢເມນເສຍຊີວິດ 6 ຄົນ


ພາບທີ່ຖືກເຜີຍແພ່ສະແດງໃຫ້ເຫັນວ່າໂດຣນເກີດລະເບີດຂື້ນເໜືອເວທີທີ່ມີທະຫານຈໍານວນຫຼາຍຢູ່ການກໍ່ເຫດໂຈມຕີດັ່ງກ່າວເຮັດໃຫ້ເກີດຄໍາຖາມຂື້ນກັບຄວາມພະຍາຍາມທີ່ຈະສ້າງສັນຕິພາບຂື້ນໃນເຢເມນພາຍໃຕ້ຄວາມພະຍາຍາມຂອງສະຫະປະຊາຊາດ ເຊິ່ງເຮັດໃຫ້ເກີດຄວາມຕົກລົງຫຼາຍປະການລະຫວ່າງກຸ່ມຜູ້ສະໜັບສະໜູນກະບົດກັບລັດຖະບານທີ່ໄດ້ຮັບການສະໜູນຈາກຊາອຸດິອາຣະເບຍ ເຊິ່ງຖືກເບິ່ງວ່າເປັນໂອກາດອັນດີທີ່ຈະຢຸດຕິຄວາມຂັດແຍ່ງ ແລະ ການສູ້ຮົບທີ່ຍືດເຍື້ອມາດົນກວ່າ 4 ປີ


ກຸ່ມກະບົດເຢເມນອອກມາຍອມຮັບວ່າຢູ່ເບື້ອງຫຼັງການໂຈມຕີດັ່ງກ່າວຕໍ່ຖານທັບອາກາດອັລ-ອນັດ ນອກຈາກຈະມີຜູ້ເສຍຊີວິດ 6 ຄົນແລ້ວ ຍັງມີຜູ້ບາດເຈັບອີກ 12 ຄົນເຊິ່ງລວມເຖິງຜູ້ບັນຊາການລະດັບສູງຂອງກອງທັບເຢເມນອີກດ້ວຍ

Be the first to comment

Leave a Reply

Your email address will not be published.


*