ໂຕໂຢຕ້າຮຽກຄືນລົດ 1,7 ລ້ານຄັນ ຫຼັງພົບບັນຫາ “ຖົງລົມນິລະໄພ” ບົກພ່ອງ

ສຳນັກຂ່າວຕ່າງປະເທດລາຍງານເມື່ອວັນທີ 10 ມັງກອນ 2019 ວ່າ ໂຕໂຢຕ້າ ຜູ້ຜະລິດລົດຍົນລາຍໃຫຍ່ຂອງໂລກປະກາດຮຽກຄືນລົດ 1,7 ລ້ານຄັນ ເຊິ່ງໃນຈໍານວນນີ້ 1,3 ລ້ານຄັນຢູ່ທີ່ທະວີບອາເມຣິກາເໜືອ ເພື່ອທີ່ທາງບໍລິສັດຈະປ່ຽນຖົງນິລະໄພໃຫ້ກັບເຈົ້າຂອງລົດຮຸ່ນດັ່ງກ່າວທີ່ນໍາລົດມາເຂົ້າສູນ

ມາດຕະການດັ່ງກ່າວເປັນສ່ວນໜຶ່ງໃນຄວາມພະຍາຍາມຂອງບໍລິສັດໂຕໂຢຕ້າທີ່ຈະຈັດການກັບບັນຫາດ້ານຄວາມປອດໄພອັນເນື່ອງມາຈາກຖົງລົມນິລະໄພຂອງບໍລິສັດທາຄາຕະ ທີ່ອາດມີສ່ວນກ່ຽວກັບການເສຍຊີວິດຂອງຜູ້ໃຊ້ປະມານ 23 ຄົນທົ່ວໂລກ ແລະ ເຮັດໃຫ້ມີຜູ້ໄດ້ຮັບບາດເຈັບກວ່າ 290 ຄົນ

ທັງນີ້ລົດທີ່ຖືກຮຽກມາປະກອບດ້ວຍລົດຍົນໂຕໂຢຕ້າເອນຢູວີ 4 ຣັນເນີ ຮຸ່ນປີ 2010-2016, ລົດຊີດານຮຸ່ນໂຄໂຣລາ ແລະ ລົດຮຸ່ນແມທທຣິກ 2010-2015 , ລົດມິນິແວນຮຸ່ນເຊຍນ່າ ປີ 2011-2014 ນອກຈາກນນີ້ຍັງລວມເຖິງຮຸ່ນເລັກຊັສ ຮຸ່ນ ອີເອສ 350 ຊີດານ ຮຸ່ນປີ 2010-2012 , ລົດຈີເອັກຊ 460 ເອສຢູວີ ຮຸ່ນປີ 2010-2017 , ລົດໄອເອສ 250 ຊີ ແລະ ໄອເອສ 350ຊີ ແບບເປີດປະທຸນ ຮຸ່ນປີ 2010-2015  ,ລົດຊີດານ ໄອເອສ 250 ແລະ ໄອເອສ 350 ຮຸ່ນປີ 2010-2013 ແລະ ໄອເອສ-ເອຟ ຊີດານ ຮຸ່ນປີ 2010-2011 ແລະ ຮຸ່ນໄຊອອນເອັກຊບີ ຄອມແພກ ຮຸ່ນປີ 2010-2015

ການຮຽກຄືນລົດຂອງໂຕໂຢຕ້າເພື່ອຊ້ອມແປງລະບົບຖົງລົມນິລະໄພຄັ້ງນີ້ ນັບເປັນການຮຽກຄືນລົດຄັ້ງໃຫຍ່ຂອງໂຕໂຢຕ້າຄັ້ງທີ່ 3 ໃນຮອບ 5 ເດືອນທີ່ຜ່ານມາ ແລະ ເກີດຂື້ນພຽງໜຶ່ງອາທິດຫຼັງຈາກທີ່ຟອຣດ ບໍລິສັດຜູ້ຜະລິດລົດຍົນລາຍໃຫຍ່ອີກລາຍໜຶ່ງຫາກໍ່ຮຽກຄືນລົດຍົນຂອງຟຣອດເຖິງ 953.000 ຄັນ ເນື່ອງຈາກບັນຫາຖົງລົມນິະໄພເຊັ່ນດຽວກັນ.

Be the first to comment

Leave a Reply

Your email address will not be published.


*