ເມືອງໄຊເສດຖາ ອອກແຈ້ງການ 12 ບ້ານທີ່ຖືກໂຄງການທາງຄູ່ຂະໜານ ໃຫ້ພົວພັນບໍ່ໃຫ້ກາຍ ວັນທີ 30 ມັງກອນນີ້.

ອຳນາດການປົກຄອງເມືອງໄຊເສດຖາ ນະຄອນຫຼວງວຽງຈັນ ອອກແຈ້ງເຖິງເຈົ້າຂອງສິດໃຊ້ ແລະ ນຳໃຊ້ທີ່ດິນໃນ 12 ບ້ານທີ່ນອນໃນເຂດໂຄງການ ທາງດ່ວນຄູ່ຂະໜານຖະໜົນໄກສອນພົມວິຫານ ກະລຸນາຕິຕໍ່ພົວພັນຄະນະກຳມະການເກັບກຳຂໍ້ມູນຢູ່ບ້ານວຽງຈະລີນ ເມືອງ ໄຊເສດຖາ ນະຄອນຫຼວງວຽງຈັນ ບໍ່ໃຫ້ກາຍວັນທີ 30 ມັງກອນ 2018.


ເຊິ່ງໃນ 12 ບ້ານດັ່ງກ່າວປະກອບມີ: ບ້ານໂຊກໃຫຍ່, ຮ່ອງສຸພາບ, ໜອງໜ່ຽງ, ໂພນພະເນົາ, ໂນນສະຫງ່າ, ວັງຊາຍ, ໂນນສະຫວ່າງ, ວຽງຈະເລີນ, ຫົວຂົວ, ໂນນຄໍ້ເໜືອ, ທາດຫລວງໃຕ້ ແລະ ຮ່ອງແກ.

ແຜນກໍ່ສ້າງທາງດ່ວນຄູ່ຂະໜານ ຖະໜົນໄກສອນ ພົມວິຫານ ໄດ້ລິເລີ່ມບົນພື້ນຖານ ການຜັນຂະຫຍາຍໂຄງການປ້ອງກັນ ແລະ ແກ້ໄຂລົດຕິດທາງທອງຖະໜົນ, ໂຄງການດັ່ງກ່າວ ຈະສ້າງຖະໜົນເບຕົງເສີມເຫລັກຝາກລະ 3 ເລນ ລວມຄວາມກວ້າງ 70 ແມັດ, ບວກເຂດສະຫງວນແລວທາງອີກ 40 ແມັດ, ລວມຄວາມກວ້າງທັງໝົດ 110 ແມັດ.ໂຄງການກໍ່ສ້າງທາງດ່ວນ ຄູ່ຂະໜານ ຖະໜົນໄກສອນ ພົມວິຫານ ໄລຍະ 1 ມີຄວາມຍາວ 14.08 ກິໂລແມັດ, ເລີ່ມແຕ່ສູນການຄ້າລາວໄອເຕັກ-ຕະຫລາດຫົວຂົວ-ເມືອງດອກຈຳປາ (ເຂດສະຫງວນອ່າງໂຕ່ງ) – ໜອງໜ່ຽງ-ຖະໜົນ 450 ປີ-ສະຖານີລົດໄຟ-ຖະໜົນ 13 ໃຕ້-ດົງໝາກຄາຍ, ກວມເອົາສອງເມືອງ (ເມືອງໄຊເສດຖາ ແລະ ເມືອງ ໄຊທານີ) ຄາດວ່າຈະໃຊ້ມູນຄ່າໃນການກໍ່ສ້າງປະມານ 150-200 ລ້ານໂດລາສະຫະລັດ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *