ສະຫລອງວັນສ້າງຕັ້ງກຳລັງປ້ອງກັນທີ່ຕັ້ງຄົບຮອບ 25 ປີ

ຂປລ. ພິທີໂຮມຊຸມນຸມສະເຫລີມສະຫລອງ ວັນສ້າງຕັ້ງກຳລັງປ້ອງກັນທີ່ຕັ້ງ ຄົບຮອບ 25 ປີ (10 ມັງກອນ 1994 – 10 ມັງກອນ 2019) ໄດ້ຈັດຂຶ້ນ ເມື່ອວັນທີ 10 ມັງກອນ 2019 ທີ່ສະໂມສອນໃຫຍ່ ກຳລັງປ້ອງກັນທີ່ຕັ້ງ, ໂດຍໃຫ້ກຽດເຂົ້າຮ່ວມຂອງ ທ່ານ ພົຕ ສິນທະວົງ ໄຊຍະກອນ ກຳມະການສູນກາງພັກ, ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີຄະນະພັກ, ຄະນະບັນຊາ, ພະນັກງານຫລັກແຫລ່ງ ແລະ ແຂກຖືກເຊີນເຂົ້າຮ່ວມ.

ໃນໂອກາດດັ່ງກ່າວ, ທ່ານ ພັນເອກ ຍໍລະວົງສາ ຫົວໜ້າກອງບັນຊາການປ້ອງກັນທີ່ຕັ້ງ ໄດ້ໃຫ້ຮູ້ເຖິງປະຫວັດພື້ນຖານແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງກຳລັງປ້ອງກັນທີ່ຕັ້ງ, ຜົນງານ ແລະ ໄຊຊະນະໃນໄລຍະປົກປັກຮັກສາ ແລະ ສ້າງສາປະເທດຊາດ ຂອງກຳລັງປ້ອງກັນທີ່ຕັ້ງ ແລະ ສືບ ຕໍ່ເສີມຂະຫຍາຍມູນເຊື້ອຂອງກຳລັງປ້ອງກັນທີ່ຕັ້ງ. ກຳລັງປ້ອງກັນທີ່ຕັ້ງມີປະຫວັດການເຕີບໃຫຍ່ຂະຫຍາຍ ຕົວມາຈາກກອງພັນ 15 ກອງທັບປົດປ່ອຍປະຊາຊົນລາວ ທີ່ຕິດພັນກັບຂະບວນການຕໍ່ສູ້ຕ້ານຈັກກະພັດຜູ້ຮຸກຮານທັງເກົ່າ ແລະ ໃໝ່ ໄດ້ເຄື່ອນໄຫວຢືນຢູ່ຄຽງຂ້າງກັບສູນກາງພັກ ກັບກຳລັງປ້ອງກັນຄວາມສະ ຫງົບ ເຮັດໜ້າທີ່ຂົນຂວາຍຮາກຖານປະຊາຊົນ ພ້ອມທັງປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກ ສາໝາກຜົນຂອງການປະຕິວັດ.

ໃນໂອກາດເຂົ້າຮ່ວມໃນຄັ້ງນີ້, ທ່ານ ພົຕ ສິນທະວົງ ໄຊຍະກອນ ໄດ້ໃຫ້ກຽດໂອ້ລົມ ກ່ອນອື່ນໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານການເຕີບໃຫຍ່ຂະຫຍາຍຕົວ ຂອງກຳລັງປ້ອງກັນທີ່ຕັ້ງໃນໄລຍະຜ່ານມາ ແລະ ເພື່ອສືບຕໍ່ມູນເຊື້ອດັ່ງກ່າວ ໃນຕໍ່ໜ້າໃຫ້ໄດ້ຮັບຜົນສຳເລັດຂຶ້ນເປັນກ້າວໆ ຕ້ອງເອົາໃຈໃສ່ເຄື່ອນໄຫວວຽກງານສຶກສາອົບຮົມນຳພາການເມືອງແນວຄິດ ເພື່ອສ້າງຖັນແຖວພະນັກງານນັກຮົບໃຫ້ມີຄວາມອຸ່ນອ່ຽນທຸ່ນທ່ຽງ ມີຄວາມເກັ່ງກ້າສາມາດ, ຄ່ອງແຄ້ວ, ວ່ອງໄວໃນການປະຕິບັດໜ້າທີ່ວິຊາສະເພາະຂອງຕົນ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊີວິດ ແລະ ເຮັດວຽກທີ່ປອດໃສ, ຊື່ສັດບໍລິສຸດ, ມີລະບຽບວິໄນເຂັ້ມງວດ, ມີນໍ້າໃຈເສຍສະຫລະ, ມີຄວາມຮັບຜິດຊອບສູງເຮັດໜ້າທີ່ການເມືອງທີ່ພັກລັດ ການຈັດຕັ້ງມອບໝາຍໃຫ້້ມີຜົນສຳເລັດ, ຕ້ອງເພີ່ມທະວີການຄຸ້ມຄອງກຳລັງພົນຂອງເລົ່ານັກຮົບວິຊາສະ ເພາະຕ່າງໆ ໃນການປະຈຳການກຽມພ້ອມສູ້ຮົບໃຫ້ເຂັ້ມງວດ, ຕ້ອງມີການຄົ້ນຄິດຄົ້ນຄວ້າປັບປຸງກົນລະ ຍຸດ ຍຸດທະວິທີໃນການຕໍ່ສູ້ວາງແຜນປ້ອງກັນສະກັດກັ້ນ ການກໍ່ຄວາມບໍ່ສະຫງົບຮູບແບບຕ່າງໆໃນສັງຄົມ,

 

ຕ້ອງມີການຄົ້ນຄວ້າວາງແຜນຄາດກະ, ຕິດຕາມສະພາບກຳແໜ້ນວຽກປ້ອງກັນຊາດ ປ້ອງກັນຄວາມສະ ຫງົບຂອງພັກ ກໍຄື ຂອງກະຊວງປ້ອງກັນຄວາມສະຫງົບໃນໄລຍະໃໝ່, ເອົາໃຈໃສ່ບູລະນະປົກປັກຮັກສາ ພື້ນຖານໂຄງລ່າງທີ່ມີແລ້ວ, ສືບຕໍ່ປັບປຸງ ລະບົບການຈັດຕັ້ງແຕ່ລະຂັ້ນໃຫ້ໜັກແໜ້ນ, ສົມເຫດ, ສົມຜົນ ແລະ ສ້າງພະນັກງານສືບທອດປ່ຽນແທນໄປຕາມທິດລວມຂອງພັກ, ສອດຄ່ອງກັບແຜນກຳນົດ, ທັງຮັບ ປະກັນ 3 ລຸ້ນ, ເພດ, ເຜົ່າ ເພື່ອໃຫ້ໄດ້ຜູ້ທີ່ມີຄວາມຮູ້, ຄວາມສາມາດໃນການຊີ້ນຳບັນຊາກຳລັງເຮັດສຳເລັດໜ້າທີ່ວຽກງານ, ສືບຕໍ່ດຳເນີນການພົວພັນຍາດແຍ່ງ ເອົາການຮ່ວມມືຊ່ວຍເຫລືອທາງດ້ານການສຶກສາອຸປະກອນເຕັກນິກ, ຍຸດທະວິທີຕ່າງໆ ນຳຕຳຫລວດເພື່ອນມິດຍຸດທະສາດ ເປັນຕົ້ນແມ່ນກອງບັນຊາການຕຳຫລວດເຄື່ອນທີ່ກະຊວງຕຳຫລວດ ສສ ຫວຽດນາມ ເພື່ອຖອດຖອນບົດຮຽນແລກປ່ຽນຄະນະຜູ້ແທນປະສານສົມທົບດ້ານຕ່າງໆ ເພື່ອນຳເອົາບົດຮຽນມາພັດທະນາກຳລັງຂອງພວກເຮົາ ໃຫ້ກ້າວໜ້າທັນສະໄໝເທົ່າທຽມກັບນາໆ ປະເທດ.

Be the first to comment

Leave a Reply

Your email address will not be published.


*