ພໍ່ຢູ່ເບື້ອງຫຼັງ ? ຍິງອິນເດຍໄວ 16 ປີ ຖືກຄາດຕະກຳຂົ່ມຂືນ ຕັດຄໍ-ຫົດນໍ້າກົດ

ສໍານັກຂ່າວ ມິຣເຣີ ລາຍງານເມື່ອ 10 ມັງກອນ 2019 ວ່າ ມີຜູ້ພົບສົບຍິງໄວ 16 ປີ ຖືກຄາດຕະກໍາຢ່າງໂຫດຫ້ຽມ ທີ່ ບ້ານຄະຢາ ໃນເມືອງມະຄອນ ລັດພິຫານ ທາງຕາເວັນອອກສຽງເໜືອຂອງປະເທດອິນເດຍ ໂດຍສະພາບສົບຖືກຕັດຄໍ ແລະ ໜ້າເອິກ ຮ່າງກາຍຖືກຫົດດ້ວຍນໍ້າກົດ ໂດຍຄອບຄົວຂອງຍິງຄົນນີ້ອ້າງວ່ານາງຖືກຂົ່ມຂືນ ແຕ່ຕໍາຫຼວດສົງໄສວ່າບິດາຂອງເດັກເປັນຄົນສົ່ງໂຕລູກໃຫ້ຄົນຮ້າຍຂ້າ


ສົບຂອງຍິງສາວເຊິ່ງຖືກເອີ້ນວ່າ ອັນຊາໜາ ຖືກພົບເມື່ອວັນອາທິດ 6 ມັງກອນ 2019 ທີ່ຜ່ານາ ໃກ້ກັບບ້ານຂອງຕົນ ເຊິ່ງພໍ່ເຂົ້າແຈ້ງຄວາມກັບຕໍາຫຼວດລະບຸວ່າ ລູກສາຍຫາຍໂຕໄປຕັ້ງແຕ່ວັນທີ່ 28 ທັນວາ 2018 ຢ່າງໃດກໍ່ຕາມ ແມ່ກັບພວກນ້ອງສາວໃຫ້ການກັບຕໍາຫຼວດກົງກັນຂ້າມກັບຜູ້ເປັນພໍ່ວ່າ ອັນຊາໜາ ກັບບ້ານໃນວັນທີ່ 31 ທັນວາ ກ່ອນທີ່ພໍ່ຈະສົ່ງໂຕນາງໄປກັບຊາຍອີກຄົນທີ່ພວກເຂົາຮູ້ຈັກໃນເວລາ 22:00 ໂມງ


ຄໍາໃຫ້ການດັ່ງກ່າວເຮັດໃຫ້ຕໍາຫຼວດເຊື່ອວ່າຄະດີນີ້ອາດເປັນການ “ຂ້າເພື່ອກຽດ” ຫຼື ຂ້າເພື່ອຮັກສາກຽດຂອງຄອບຄົວເອົາໄວ້ ແຕ່ຍັງບໍ່ຮູ້ຊັດເຈນວ່າເປັນສາເຫດຂອງການຄາດຕະກໍາຄັ້ງນີ້ ໂດຍຕໍາຫຼວດກໍາລັງກວດສອບວ່າ ອັນຊາໜາຖືກຂົ່ມຂືນກ່ອນທີ່ເຂົາຈະຖືກຂ້າຫຼືບໍ່


ທັງນີ້ຄະດີຂົ່ມຂືນຄັ້ງລ່າສຸດທີ່ເກີດຂື້ນໃນອິນເດຍເຮັດໃຫ້ປະຊາຊົນອອກມາຍ່າງປະທ້ວງຕັ້ງແຕ່ວັນອາທິດທີ່ມີການພົບສົບ ຕໍ່ມາໃນວັນອັງຄານ ແລະ ພຸດ ມີຜູ້ປະທ້ວງກໍ່ຈັດພິທີວາງທຽນໄວ້ອາໄລໃຫ້ກັບອັນຊາໜາ ແລະ ສະແດງຄວາມບໍ່ພໍໃຈທີ່ຕໍາຫຼວດຍັງບໍ່ໄດ້ຈັບກຸມຕົວຜູ້ຕ້ອງສົງໄສຄົນໃດເລີຍ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *