ປູຕິນ ມຸ່ງຮ່ວມມືທາງວິທະຍາສາດກັບທຸກປະເທດທີ່ສົນໃຈ

ສຳນັກຂ່າວຊິນຫົວລາຍງານວ່າ ເມື່ອວັນທີ່ 9 ມັງກອນ 2019 ປະທານາທິບໍດີຣັດເຊຍ ປູຕິນ ກ່າວວ່າ ຣັດເຊຍຄວນພັດທະນາຄວາມຮ່ວມມືດ້ານວິທະຍາສາດກັບທຸກປະເທດທີ່ມີຄວາມສົນໃຈ

 

ຈາກເອກະສານຂອງທໍານຽມເຄຣມລິນ ປູຕິນກ່າວໃນລະຫວ່າງການປະຊຸມວຽກກັບ ທ່ານອາເລັກຊານເດີຣ ເຊີເກເຢຟ (Alexander Sergeyev) ປະທານສະຖາບັນວິທະຍາສາດແຫ່ງຊາດຣັດເຊຍ (Russia Academy of Science:RAS) ວ່າ “ເຮົາຈໍາເປັນຕ້ອງຮ່ວມມືກັບທຸກຄົນທີ່ຍິນດີເຮັດວຽກຮ່ວມກັບເຮົາ”

ປູຕິນກ່າວວ່າ ການເຮັດວຽກຮ່ວມກັນຄວນຢູ່ເທິງພື້ນຖານຂອງຄວາມເທົ່າທຽມ ແລະ ການແລກປ່ຽນທີ່ເທົ່າທຽມກັນພ້ອມທັງເສີມວ່າຣັດເຊຍບໍ່ພຽງແຕ່ຈະແບ່ງປັນທັກສະ ແລະ ຄວາມຮູ້ເທົ່ານັ້ນ ແຕ່ກໍ່ຈະຮັບຂໍ້ມູນເທົ່າທຽມກັນຈາກອີກຝ່າຍເຊັ່ນກັນ

ທ່ານເຊຣເກເຢຟ ກ່າວວ່າສະຖາບັນວິທະຍາສາດແຫ່ງຊາດຣັດເຊຍ ໄດ້ເລີ່ມໃຫ້ສໍານັກງານຕົວແທນໃນຕ່າງປະເທດສ້າງຄວາມສໍາພັນກັບເພື່ອນຮ່ວມງານຕ່າງປະເທດ ນອກຈາກນີ້ຍັງມີແຜນທີ່ຈະຈັດຕັ້ງສູນແລກປ່ຽນທາງວິທະຍາສາດລະຫວ່າງສະຖາບັນຈໍານວນຫຼາຍແຫ່ງໃນຣັດເຊຍ ໂດຍຣັດເຊຍຈະເປັນເຈົ້າພາບໃນການ “ລະດົມສະໝອງກຸ່ມຄົນເຮັດວຽກ” ຂອງຜູ້ຊ່ຽວຊານລະດັບສູງປະມານ 20-30 ຄົນ ທີ່ສາມາດວິເຄາະແນວໂນ້ມ ແລະ ແນວທາງການແກ້ບັນຫາທາງວິທະຍາສາດໄດ້.

Be the first to comment

Leave a Reply

Your email address will not be published.


*